Чарлз Тэйз Расел

Чарлз Тэйз Расел
англ.: Charles Taze Russel
Род дзейнасці	выдавец, пісьменнік, рэлігійны лідар, кінематаграфіст
Дата нараджэння	16 лютага 1852(1852-02-16)[…]
Месца нараджэння	Алегейні[d], Пенсільванія
Дата смерці	31 кастрычніка 1916(1916-10-31)[…] (64 гады)
Месца смерці	Пампа, Gray County[d], Тэхас, ЗША
Месца пахавання	United Cemetery[d]
Грамадзянства	ЗША
Аўтограф
Медыяфайлы на Вікісховішчы

Чарлз Тэйз Расел (англ.: Charles Taze Russell; нарадзіўся 16 лютага 1852 г., Алегейні (Пенсільванія, ЗША) — памёр 31 кастрычніка 1916 г., Пампа (Тэхас, ЗША) — амерыканскі рэлігійны дзеяч, адзін з заснавальнікаў рэлігійнага руху Даследчыкаў Бібліі, які пазней атрымаў назву Сведкі Іеговы, сакратар і галоўны бухгалтар, а з 1884 года прэзідэнт Таварыства Сіёнскай вартавой вежы і трактатаў, прэзідэнт Таварыства вартавой вежы, Біблій і трактатаў (Пенсільванія).

З юнацтва Ч.Т. Расел цікавіўся рэлігіяй, што прывяло яго да заснавання групы даследчыкаў Бібліі (пачатак 1870-х гг.) і часопіса «Сіёнская вартавая вежа і веснік прысутнасці Хрыста» (1879 г.), якія працягвалі дзейснасць пасля яго смерці. На працягу жыцця выступаў з шматлікімі пропаведзямі па розных гарадах свету і ўдзельнічаў у дэбатах з пратэстанцкімі багасловамі на прадмет неіснавання пекла і адсутнасці ў Бібліі вучэння аб Тройцы.

У 1878 г. ажаніўся з Мэры Фрэнсіс Эклі. Пасля сямнаццаці гадоў сумеснага жыцця Мэры пакінула мужа і ў 1908 г., пасля судовага разбору, пачатага па яе ініцыятыве ў 1903 г., суд вынес рашэнне на судовае разлучэнне з выплатай аліментаў.

Памёр падчас адной з місіянерскіх паездак у цягніку. Пасля яго смерці некаторыя з Даследчыкаў Бібліі выйшлі з арганізацыі па прычыне нязгоды з пэўнымі зменамі, якія пачалі там адбывацца.

Працы Расела

• «Мэта і спосаб вяртання нашага Госпада»
• «Ежа для думаючых хрысціян»
• «А скінія Сходу»
• «Боскі План Стагоддзяў» (1-ы том «Даследаванняў Святога Пісання»)
• «Час наблізілася» (2-й том)
• «Так прыйдзе царства Тваё» (3-ці том)
• «Бітва Армагедон» (4-ы том)
• «Прымірэнне» (5-ы том)
• «Новае Тварэнне» (6-ы том)
• «Што Святое Пісанне вучыць аб пекле»
• «Спірытызм»
• «Старая тэалогія»
• Сцэнар «Фотадрама тварэння»

Спасылкі

• Chryssides, George D. Historical Dictionary of New Religious Movements |Rowman & Littlefield, 2012, pages=298–299
• Zydek, F. Charles Taze Russell: His Life and Times. The Man, the Millennium and the Message Архівавана 14 мая 2018. Winthrop Press, 2009 isbn=978-1-4499-5157-3
• Чарльз Тейз Рассел (Биография) // peoples.ru
• Кто был основателем организации Свидетелей Иеговы? // Официальный сайт Свидетелей Иеговы