Чарльз Падак

Чарльз Падак
англ.: Charley Paddock
Агульная інфармацыя
Пол	мужчынскі пол
Спецыялізацыя	лёгкая атлетыка
Нарадзіўся	11 жніўня 1900(1900-08-11)[…] Гейнсвіл[d], акруга Кук[d], Тэхас, ЗША
Памёр	21 ліпеня 1943(1943-07-21) (42 гады) Сітка, бора Сітка[d], Аляска, ЗША
Пахаванне	Нацыянальныя могілкі ў Сітцы[d]
Грамадзянства	ЗША
Альма-матар	Універсітэт Паўднёвай Каліфорніі Вышэйшая школа Пасадэны[d]
Рост	172 см
Вага	75 кг
Аўдыё, фота, відэа на Вікісховішчы

Чарльз Падак (англ.: Charley Paddock; 11 жніўня 1900 — 21 ліпеня 1943) — амерыканскі лёгкаатлет, які спецыялізаваўся ў бегу на кароткія дыстанцыі. На Алімпійскіх гульнях 1920 года выйграў дыстанцыю 100 метраў з вынікам 10,8 сек. і стаў пераможцам у складзе эстафеты 4 × 100 метраў з сусветным рэкордам; таксама выйграў сярэбраны медаль у бегу 200 метраў, паказаўшы час 22,0 сек.

23 красавіка 1921 года на спаборніцтвах усталяваў сусветны рэкорд на дыстанцыі 100 метраў — 10,40 сек.

Біяграфія

Нарадзіўся ў горадзе Гейнсвіле, штат Тэхас, у сям’і Чарльза і Лулу Падак. У юным узросце разам з сям’ёй пераязджае ў Пасадзіну, Каліфорнія. Займаўся лёгкай атлетыкай пачаў падчас вучобы ва Універсітэце Паўднёвай Каліфорніі.

У 1920 годзе ён паступіў на працу ў друкаванае выданне Pasadena Star-News, у якім стаў віцэ-прэзідэнтам. Крыху пазней ён ажаніўся з дачкой прэзідэнта друкаванага выдання Pasadena Star-News. Таксама пісаў кнігі і артыкулы. Служыў у марской пяхоце, капітан. Загінуў у авіякатастрофе над горадам Сітка падчас службы.

У 1976 годзе уключаны ў Залу славы лёгкай атлетыкі ЗША.