Чаротніца трыснёгападобная

Чаротніца трыснёгападобная
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Аднадольныя Парадак:  Метлюжкакветныя Сямейства:  Метлюжковыя Падсямейства:  Pooideae Трыба:  Poeae Падтрыба:  Phalaridinae Род:  Канарэечнік Від:  Чаротніца трыснёгападобная
Міжнародная навуковая назва
Phalaris arundinacea L., Sp. Pl. 1: 55 (1753)
Сінонімы
Phalaroides arundinacea (L.) Rauschert
Сістэматыка на Віківідах Выявы на Вікісховішчы ITIS   41335 NCBI   96050 EOL   1114732 GRIN   t:27512 IPNI   415571-1 TPL   kew-433393

Чаро́тніца трыснёгападобная (Phalaris arundinacea) — від кветкавых раслін роду Канарэечнік (Phalaris) сямейства Метлюжковыя (Poaceae).

Батанічнае апісанне

Батанічная ілюстрацыя з кнігі К. А. М. Ліндмана «Bilder ur Nordens Flora», 1917—1926

Шматгадовая травяністая расліна вышынёй 0,5—2,5 м з доўгім паўзучым карэнішчам. Сцябло прамастойнае. Лісце чаргаванае, сядзячае, простае, суцэльнае, шырокалінейнае, з гладкім краем, завостранай верхавінкай і з язычком, шурпатае па краі і знізу. Суквецце — мяцёлка даўжынёй да 20 см, зеленаватага або бледна-фіялетавага колеру, палевая ў цяністых месцах. Кветкавыя каласкі маюць даўжыню 3,5—6 мм і складаюцца з трох кветак. Плод — зярняўка.

Распаўсюджанне і экалогія

Расліна распаўсюджана на тэрыторыі ўмераных абласцей Еўразіі, Паўночнай Амерыкі, Паўночнай Афрыкі (Алжыр, Егіпет, Туніс) і востраве Мадэйра. Натуралізавалася ў іншых рэгіёнах (Паўднёвая Афрыка, Аўстралія, Новая Зеландыя, Паўднёвая Амерыка, Мексіка, Гавайскія астравы і інш.).

Святлолюбівая расліна, добра пераносіць цень. Мезафіт, гіграфіт і эўтроф. Марозаўстойлівая расліна, добра пераносіць доўгае затапленне. Расце на вільготных і забалочаных лугах, балотах, узлесках вільготных лясоў, у пойменных і прыбярэжных хмызняках, камяністых россыпах, па берагах вадаёмаў, на пустках, аблогах, у парках, садах, агародах. Цвіце ў чэрвені.

Гаспадарчае значэнне

Вырошчваецца ў якасці кармавой расліны (да цвіцення). Разнавіднасць з бела-паласатым лісцем, вядомая пад назвай «шаўковая трава», — дэкаратыўная расліна.

Літаратура

• Кім Г. А. Чаротніца // Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — С. 326—327. — 583 с., іл. — 10 000 экз.

Спасылкі

• Двукисточник тростниковидный: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
• Phalaroides arundinacea (L.) Rauschert. — Канареечник тростниковидный, двукисточник, шелковая трава, житовник // Агроэкологический атлас России и сопредельных стран: экономически значимые растения, их болезни, вредители и сорные растения (руск.)