Чырвоная зорка (друкарня)

Чырвоная зорка
Чырвоная зорка
Тып	друкарня
Заснаванне	1927
Скасавана	7 ліпеня 2018
Краіна	Беларусь;
Размяшчэнне	Мінск;
Матчына кампанія	Міністэрства інфармацыі Рэспублікі Беларусь
Сайт	krasnayazvezda.by

«Чырвоная зорка» (руск.: Красная звезда) — колішняе паліграфічнае прадпрыемства ў Мінску. Размяшчалася па адрасе 1-м Загарадным завулку, д. 3. Уваходзіла ў сістэму Міністэрства інфармацыі Беларусі^[1].

У 1927 годзе ў Менску адкрылася арцель «Луч», дзе на плоскадрукавальных і тыгельных машынах пачалі выпускаць этыкеткі для піва і кандытарскіх вырабаў, простыя брашуры, канторскія сшыткі і кніжкі. У 1930 годзе арцель была перайменавана ў «Іскру-2»^[1].

У час Другой сусветнай вайны была разбурана, а ў 1945 годзе аднавіла працу як арцель «Чырвоная зорка»^[1].

У 1960 годзе была рэарганізавана ў паліграфічную фабрыку. У 2000 годзе фабрыка стала рэспубліканскім унітарным прадпрыемствам. У 2003 годзе — адкрытым акцыянерным таварыствам^[1].

У 2009 годзе да прадпрыемства далучана Баранавіцкая ўзбуйненая друкарня, якая стала філіялам № 1^[1].

Пры прадпрыемстве працавала крама «Канцтавары», а таксама крама «Друкар» па вул. Савецкай, 80 у Баранавічах^[1].

Улетку 2018 года Аляксандр Лукашэнка падпісаў указ пра будаўніцтва Нацыянальнага футбольнага стадыёна і басейна міжнароднага стандарту ў Мінску з прыцягненнем кітайскай тэхнічнай дапамогі на тэрыторыі друкарні «Чырвоная зорка»^[2]. Друкарня ліквідавана 7 ліпеня 2018 года^[3] і далучана да Паліграфкамбіната імя Я. Коласа^[4]. У 2019 годзе комплекс друкарні знесены дзеля будаўніцтва басейна, якое пачалося ў красавіку 2020 года^[2].

Прадукцыя

Друкарня працавала практычна ва ўсіх сегментах рынку паліграфіі. Асноўнымі кірункамі паліграфічнай дзейнасці былі друк поўнакаляровых перыядычных выданняў, буклетаў, плакатаў, рэкламных улётак; выраб кніг, брашур, фотаальбомаў; друк навучальных карт і атласаў; выраб бланачнай прадукцыі; выпуск літаратуры па метадзе Брайля^[5].

Друкарня вырабляла шырокі асартымент тавараў для дзіцячай творчасці, навучання, справаводства: сшыткі, альбомы для малявання, каляровы кардон, нататнікі, штодзённікі, запісныя кніжкі з алфавітам, адрасныя папкі, хуткасшывальнікі, папкі-рэгістратары, граматы, паштоўкі^[5].

Крыніцы

↑ ^а ^б ^в ^г ^д ^е Типография «Красная звезда». История. (нявызн.)(недаступная спасылка). web.archive.org (15 сакавіка 2018). Архівавана з першакрыніцы 15 сакавіка 2018. Праверана 3 жніўня 2024.
↑ ^а ^б Уже начали стеклить. Посмотрели, как продвигается стройка большого китайского бассейна в Минске (руск.). realt.by. Праверана 3 жніўня 2024.
↑ Чырвоная зорка (друкарня) у базе Kartoteka.by
↑ Дмитрий Мелеховец. Фотофакт: на Кальварийской шумно сносят старую типографию. (руск.). Онлайнер (5 февраля 2019).
↑ ^а ^б Типография «Красная звезда» г.Минск. Полиграфия от А до Я. (нявызн.)(недаступная спасылка). web.archive.org (7 сакавіка 2018). Архівавана з першакрыніцы 7 сакавіка 2018. Праверана 3 жніўня 2024.

Спасылкі

Афіцыйны сайт (нявызн.). Архівавана з першакрыніцы 6 сакавіка 2018. Праверана 3 жніўня 2024.

[:0-1] а ^б ^в ^г ^д ^е Типография «Красная звезда». История. (нявызн.)(недаступная спасылка). web.archive.org (15 сакавіка 2018). Архівавана з першакрыніцы 15 сакавіка 2018. Праверана 3 жніўня 2024.

[:2-2] а ^б Уже начали стеклить. Посмотрели, как продвигается стройка большого китайского бассейна в Минске (руск.). realt.by. Праверана 3 жніўня 2024.

[3] Чырвоная зорка (друкарня) у базе Kartoteka.by

[4] Дмитрий Мелеховец. Фотофакт: на Кальварийской шумно сносят старую типографию. (руск.). Онлайнер (5 февраля 2019).

[:1-5] а ^б Типография «Красная звезда» г.Минск. Полиграфия от А до Я. (нявызн.)(недаступная спасылка). web.archive.org (7 сакавіка 2018). Архівавана з першакрыніцы 7 сакавіка 2018. Праверана 3 жніўня 2024.

[1]

[2]

[3]

[4]

[5]