Шарашоўскі раён

З пляцоўкі Вікіпедыя
Jump to navigation Jump to search
Шарашоўскі раён
Краіна СССР
Уваходзіць у Брэсцкая вобласць
Уключае Бакунскі сельсавет
Брадоўскі сельсавет
Катранскі сельсавет
Крыніцкі сельсавет
Муроўскі сельсавет
Папелеўскі сельсавет
Роўбіцкі сельсавет
Старавольскі сельсавет
Сухопальскі сельсавет
Шчэрчоўскі сельсавет
Ялоўскі сельсавет
Адміністрацыйны цэнтр Шарашова
Дата ўтварэння 15 студзеня 1940

Шарашо́ўскі раё́н — былы раён у паўднёва-заходняй частцы Беларускай ССР, у Брэсцкай вобласці ў 1940—1956 гадах. Утвораны быў 15 студзеня 1940 года, тэрыторыя ахоплівала частку колішняга Пружанскага павета Палескага ваяводства ІІ Рэчы Паспалітай. Адміністрацыйны цэнтр — гарадскі пасёлак Шарашова. На 12 кастрычніка 1940 года раён дзяліўся на 10 сельсаветаў:

  • Брадоўскі;
  • Катранскі;
  • Крыніцкі;
  • Муроўскі;
  • Папелеўскі;
  • Роўбіцкі;
  • Старавольскі;
  • Сухопальскі;
  • Шчэрчоўскі;
  • Ялоўскі[1].

У часы ІІ сусветнай вайны, у 1941—1944 гадах, тэрыторыя раёну знаходзілася пад нямецкай акупацыяй.

Паводле польска-савецкай дамовы, з 16 жніўня 1945 года новая мяжа паміж дзяржавамі праходзіла праз тэрыторыю Шарашоўскага раёну, што рабіла яго памежным. Неўзабаве перад дэмаркацыяй мяжы, улады раёна дзейнічалі на карысць уключэння ў яго склад часткі тэрыторыі прызнанай за Польшчай. Аргументавалі тым, што напрыклад далучэнне да Беларускай ССР чыгуначнага вузла Гайнаўка дае магчымасць мець чыгуначную сетку Брэст-Гродна. Аднак гэтыя просьбы не былі задаволеныя. У выніку работы змяшанай польска-савецкай камісіі мяжа была скарэктавана на карысць Польшчы, да якой з Шарашоўскага і Бераставіцкага раёнаў было аднесена 40 населеных пунктаў. Названыя населеныя пункты налічвалі разам 1414 двароў (798 польскіх і 616 беларускіх), дзе жыло 7143 асоб. Усе беларускія гаспадаркі былі выселеныя ўглыб Беларускай ССР з-за іх знаходжання ў 800-метровай памежнай паласе[2].

У межах раёна 16 ліпеня 1954 года быў створаны Бакунскі сельсавет. 17 снежня 1956 года раён быў ліквідаваны, а ўсе сельсаветы, якія ўваходзілі ў яго склад, былі ўключаныя ў склад Пружанскага раёна[1].

Зноскі

  1. 1,0 1,1 Энцыклапедыя... — С. 197.
  2. Лінія Керзана — апошні тэрытарыяльны падзел Беларусі // На раздарожжы.... — 39-40 с.

Літаратура[правіць | правіць зыходнік]