Шрыхарыкота (касмадром)

Шрыхарыкота(англ.: Shriharikota) — касмадром у Індыі. Геаграфічныя кардынаты — 14˚ паўночнай шыраты і 80˚ усходняй даўгаты. Нахіл арбіты — 44 — 47˚. Размешчаны за 100 км на поўнач ад горада Мадрас на востраве Шрыхарыкота (штат Андхра-Прадэш). Будаўніцтва касмадрома было распачата ў 1971 годзе, функцыянуе з 1979-га, у 1980-м адправіў у космас першы індыйскі спадарожнік. Належыць Індыйскай арганізацыі касмічных даследаванняў. На касмадроме маюцца стартавыя комплексы для запуску індыйскіх ракет-носьбітаў і метэаралагічных ракет, станцыя назірання, два мантажна-выпрабавальныя комплексы, стэнды для выпрабаванняў ракетных рухавікоў, выпрабавальны вібрастэнд.