Шчыльнасць у градусах API

Шчыльнасць у градусах API - адзінка вымярэння шчыльнасці нафты, распрацаваная Амерыканскім інстытутам нафты. Вымярэнні ў градусах API дазваляюць вызначыць адносную шчыльнасць нафты ў адносінах да шчыльнасці вады пры той жа тэмпературы. Па вызначэнні, адносная шчыльнасць складае шчыльнасць рэчыва, падзеленую на шчыльнасць вады (Шчыльнасць вады складае 1000 кг/м³). Так калі шчыльнасць ў градусах API больш за 10, то нафта лягчэй і плавае на паверхні вады, а калі менш 10, то тоне. Шчыльнасць у градусах API і адносная шчыльнасць пры базавай тэмпературы 60 °F (15,6 °C) звязаныя выразным арыфметычным ураўненнем і могуць быць лёгка пераўтвораны адна ў адну.

Гісторыя стварэння

Нацыянальны інстытут стандартаў і тэхналогій (ЗША) у 1916 прыняў шкалу Баме ў якасці стандарту для вымярэння ўдзельнай вагі вадкасцяў больш лёгкіх, чым вада. Далейшыя даследаванні Акадэміі Навук ЗША паказалі, што хібнасці вымярэнняў пры выкарыстанні гэтай шкалы значныя, што прыводзіць да істотных памылак і недакладнасці разлікаў (у тым ліку з-за градуіроўкі арэометраз, вырабленых у ЗША) і ў 1921 годзе Амерыканскі інстытут нафты распрацаваў падыход да вымярэння шчыльнасці у градуcах API, які выкарыстоўваецца і ў наш час.

Формулы API

Градусы API	Адносная шчыльнасць	Удзельная вага (Н/м³)
8	1.014	1012
9	1.007	1005
10	1.000	998
15	0.966	964
20	0.934	932
25	0.904	902
30	0.876	874
35	0.850	848
40	0.825	823
45	0.802	800
50	0.780	778
55	0.759	757
58	0.747	745
Суадносіны паміж шчыльнасцю у градусах API, удзельнай вагой і шчыльнасцю (пры тэмпературы 60F ~ 15.6C)

Шчыльнасць у градусах API з адноснай шчыльнасці можна разлічыць па наступнай формуле:

$API~gravity={\frac {141.5}{SG}}-131.5$

У сваю чаргу адносную шчыльнасць можна разлічыць са шчыльнасці у градусах API:

$SG\ {\mbox{at}}~60^{\circ }{\mbox{F}}={\frac {141.5}{API~gravity+131.5}}$

Пры гэтым, шчыльнасць нафты ў кг/м³, пры той жа тэмпературы, атрымліваецца шляхам памнажэння яе адноснай шчыльнасці на 1000 кг/м³.

Для цяжкай нафты з адноснай шчыльнасцю 1.0 (гэта значыць з той жа шчыльнасцю, што і вада) шчыльнасць ў градусах API складзе:

${\frac {141.5}{1.0}}-131.5=10.0^{\circ }{\mbox{API}}$

Выкарыстанне шчыльнасці у градусах API для пераводу з тон у барэлі

Шчыльнасць ў градусах API можна выкарыстоўваць для разліку колькасці барэляў у метрычнай тоне сырой нафты:

$barrels~of~crude~oil~per~metric~ton=1\div [{\frac {141.5}{API~gravity+131.5}}\times 0.159]$

Так напрыклад, тона Заходне-тэхаскай сярэдняй нафты (англ.: West Texas Intermediate - WTI) (39.6 °API) будзе змяшчаць каля 7.6 барэляў.

Вымярэнне шчыльнасці у градусах API

Для атрымання шчыльнасці ў градусах API неабходна вымераць шчыльнасць нафты арэометрам (у ЗША па методыцы вымярэнняў ASTM D1298) і тэмпературу нафты. Для ўліку змены шчыльнасці нафты пры розных тэмпературах прымяняюцца табліцы, распрацаваныя Амерыканскім інстытутам нафты для нафты і розных нафтапрадуктаў і выкладзеныя ў стандарце ASTM D1250.

Гл. таксама

• Шчыльнасць
• Удзельная вага

Спасылкі

• link to hydrometer
• comments on API gravity adjustment scale Архівавана 2 мая 2006.
• instructions for using a glass hydrometer measured in API gravity
• API Degree history