Эдвін Геранімавіч Друцкі-Любецкі

З пляцоўкі Вікіпедыя
Jump to navigation Jump to search
Эдвін Геранімавіч Друцкі-Любецкі
 
Нараджэнне: 21 жніўня 1828(1828-08-21)
Смерць: 8 жніўня 1901(1901-08-08) (72 гады)

Э́двін Друцкі-Любецкі, Э́двін Цэзарый Друцкі-Любецкі, Э́двін Геранімавіч Друцкі-Любецкі (21 жніўня 1828, Лунін8 жніўня 1901, Лунін) — буйны землеўласнік Расійскай Імперыі, пінскі павятовы маршалак (1859—1872).

Паходжанне і сям'я[правіць | правіць зыходнік]

Належаў да княскага роду Друцкіх-Любецкіх. Каталік.

Пабраўся шлюбам (28 красавіка 1859 г.) з Ядвігай Радзівіл. Меў двух сыноў Фелікса (1860—1920) і Гераніма (1861—1919)[1].

Службовая дзейнасць[правіць | правіць зыходнік]

У 1859—1872 гг. быў пінскім павятовым маршалкам: у 1859—1863 гг. быў маршалкам паводле выбару дваранства Пінскага павета, а пасля 1863 г. (калі расійская ўлада адмяніла выбарнасць маршалкаў у Заходнім краі) шмат год служыў на пасадзе пінскага павятовага маршалка ўжо па прызначэнні расійскіх улад.

Маёнтак[правіць | правіць зыходнік]

Адносіўся да латыфундыстаў. Валодаў па спадчыне ад бацькі значнымі маёнткамі ў Мінскай губерні (Расійская Імперыя): у Пінскім павеце — маёнтак Лунін (11 906 дзесяцін), маёнтак Велута (8 127 дзесяцін), маёнтак Багданаўка (7 398 дзесяцін); у Мінскім павеце — маёнткі Стары Ракаў і Наваполле (цалкам 4 893 дзесяціны)[2]. Гэта разам складала 32 324 дзесяціны.

Зноскі

  1. «Родовод» — открытое многоязычное генеалогическое древо http://ru.rodovid.org/wk/Запись:355086
  2. Дрозд, Д. М. Землевладельцы Минской губернии, 1861—1900 : справочник... С. 192.

Літаратура[правіць | правіць зыходнік]

  • Дрозд, Д. М. Землевладельцы Минской губернии, 1861—1900 : справочник / Д. М. Дрозд. — Минск : Медисонт, 2010. — 672 с.
  • Жытко, А.П. Дваранства Беларусі перыяду капіталізму. 1861—1914 гг. / А.П. Жытко. — Мінск : БДПУ, 2003. — 233 с.