Эдуар Стэфан

Эдуар Стэфан
фр.: Édouard Stephan
Род дзейнасці	астраном
Дата нараджэння	31 жніўня 1837(1837-08-31)
Месца нараджэння	Ньёр[d], canton of Niort-Est[d], arrondissement of Niort[d], дэпартамент Дзё-Сеўр, рэгіён Пуату — Шаранта, Францыя
Дата смерці	31 снежня 1923(1923-12-31) (86 гадоў)
Месца смерці	Марсель, дэпартамент Буш-дзю-Рон, Францыя
Грамадзянства	Францыя
Альма-матар	Вышэйшая нармальная школа[d]
Член у	Французская акадэмія навук
Узнагароды і прэміі

Эдуар Стэфан (фр.: Édouard Stephan; 31 жніўня 1837—31 снежня 1923) — французскі астраном.

Біяграфія

Вучыўся ў Вышэйшай нармальнай школе, выпусціўся ў 1862 годзе. З 1864 да 1907 года быў дырэктарам Марсельскай абсерваторыі (да 1872 года разам з У. Левер’е).

У 1866 годзе адкрыў два астэроіды.

З 1870 да 1875 г. вывучаў туманнасці, некалькі іх адкрыў. У 1873 годзе (па іншых дадзеных, у 1874) годзе ён стаў першым, хто паспрабаваў вызначыць вуглавы дыяметр Сірыуса з дапамогай інтэрфераметрыі (ён выкарыстаў для гэтага 80-сантыметровы рэфлектар). Аднак спроба аказалася няўдалай.

У 1882 годзе ён адкрыў галактыку NGC 6027. Таксама ён адкрыў знакаміты Квінтэт Стэфана — групу з 5 галактык.

Удзельнічаў у адкрыцці каметы Стэфана — Отэрма, якая была названая яго імем.