Эжэн Анры Брысон

Эжэн Анры Брысон
фр.: Henri Brisson
старшыня Савета міністраў Францыі[d] 6 красавіка 1885 — 7 студзеня 1886
Папярэднік	Жуль Феры
Пераемнік	Шарль дэ Фрэйсінэ
старшыня Савета міністраў Францыі[d] 28 чэрвеня 1898 — 1 лістапада 1898
Папярэднік	Жуль Мелен
Пераемнік	Шарль Дзюпюі
Нараджэнне	31 ліпеня 1835(1835-07-31)[…] Бурж, Францыя
Смерць	14 красавіка 1912(1912-04-14) (76 гадоў) Парыж, Парыж, рэгіён Іль-дэ-Франс, Метраполія Францыі, Францыя
Месца пахавання	могілкі Манмартр
Партыя	Рэспубліканскі саюз[d]
Адукацыя	юрыдычны факультэт Парыжскага ўніверсітэта[d] ліцэй Ален-Фурнье[d]
Медыяфайлы на Вікісховішчы

Эжэн Анры Брысон (фр.: Eugène Henri Brisson; 31 ліпеня 1835, Бурж — 14 красавіка 1912, Парыж) — французскі дзяржаўны дзеяч, старшыня парламента і двойчы прэм'ер-міністр Францыі.

Біяграфія

Нарадзіўся ў горадзе Бурж у сям’і адваката. З маладосці быў звязаны з левай палітычнай думкай. У 1871 годзе быў абраны ў Нацыянальны сход, дзе далучыўся да радыкальнай левай фракцыі. Быў перакананым прыхільнікам увядзення абавязковай адукацыі і праціўнікам уплыву Каталіцкага Касцёла на грамадскае жыццё.

У 1881 годзе ён стаў старшынёй Нацыянальнага сходу, а 6 красавіка 1885 года — прэм’ер-міністрам Францыі, змяніўшы на гэтай пасадзе Жуля Феры. Аднак ужо 7 студзеня 1886 года яго ўрад быў заменены кабінетам Шарля дэ Фрэйсінэ.

Другі раз ён заняў пасаду прэм’ера 20 чэрвеня 1898 года — у час глыбокага палітычнага крызісу, выкліканага справай Дрэфуса, якая падзяліла французскае грамадства. Нягледзячы на значную падтрымку, падаў у адстаўку 1 лістапада 1898 года, бо не здолеў стабілізаваць сітуацыю.

Адыграў важную ролю ў раскрыцці Панамскай афёры, аднаго з найбуйнейшых карупцыйных скандалаў таго часу. У 1894 і пазней ён балатаваўся на пасаду прэзідэнта Францыі, аднак безвынікова. З 1906 года зноў быў старшынём Нацыянальнага сходу, застаючыся ўплывовай фігурай у французскай палітыцы.