Эйстэйн I Магнусан

З пляцоўкі Вікіпедыя
Перайсці да: рух, знайсці
Эйстэйн I Магнусан
Øystein I Magnusson
Эйстэйн I Магнусан
Кароль Нарвегіі
1103 г. — 29 жніўня 1123 г.
Папярэднік: Магнус III Басаногі
Пераемнік: Сігурд I Крыжак
 
Веравызнанне: хрысціянства
Нараджэнне: каля 1088
Нарвегія
Смерць: 29 жніўня 1123(1123-08-29)
Hustad[d], Romsdal[d], Мёрэ-ог-Румсдал, Рэгіён Вестлан, Нарвегія
Пахаванне: Нідараскі сабор
Род: Інглінгі
Бацька: Магнус III Басаногі
Жонка: Ingebjørg Guttormsdatter[d]

Эйстэйн I Магнусан (нарв.: Øystein I Magnusson, каля 1088 — 29 жніўня 1123) — кароль Нарвегіі з 1103 па 1123 год.

Эйстэйн быў старэйшым сынам караля Магнуса III, народжаным ад невядомай наложніцы нізкага паходжанняЗаконных дзяцей у Магнуса не было, таму пасля яго гібелі ў Ірландыі ў 1103 годзе суправіцелямі Нарвегіі фармальна сталі Эйстэйн і два яго малодшыя браты, Сігурд I Крыжак і Олаф Магнусан. Олаф памёр у 1115 годзе, не дасягнуўшы паўналецця, а Эйстэйн і Сігурд заставаліся суправіцелямі да смерці Эйстэйна ў 1123 годзе, пасля чаго Сігурд застаўся аднаасобным кіраўніком Нарвегіі.

З 1107 па 1110 год Сігурд браў удзел у крыжовым паходзе, і Эйстэйн быў фактычна аднаасобным кіраўніком краіны. Хоць яго адносіны з Сігурдам былі даволі напружанымі, ім удалося пазбегнуць адкрытага канфлікту. Эйстэйн у значнай ступені адказны за эканамічнае і культурнае развіццё Нарвегіі ў пачатку XII стагоддзя. Пры ім былі пабудаваны некалькі цэркваў, заснавана абацтва Мункеліў у Бергене. Ён заваяваў для Нарвегіі гістарычную вобласць Емтланд у паўночнай Швецыі, паводле «Кругу Зямнога» Сноры Стурлусана; Емтланд заставаўся ў складзе Нарвегіі да 1645 года.

Эйстэйн быў жанаты на Інгеборг, дачцы Гутама. У іх была адзіная дачка, Марыя, маці прэтэндэнта на прастол падчас грамадзянскай вайны Олафа Нешчаслівага, як быў абвешчаны каралём у 1166 годзе, але затым зрынуты і вымушаны бегчы з краіны.

Крыніцы[правіць | правіць зыходнік]

Claus Krag. «Øystein I Magnusson» I: Norsk biografisk leksikon, 2. utg. Bd 10. 2005