Экватар белых сасісак

З пляцоўкі Вікіпедыя
Jump to navigation Jump to search
Белая сасіска з брэцэлем і салодкай гарчыцай
Карта розных версій размяшчэння экватара белых сасісак

Экватар белых сасісак (ням.: Weißwurstäquator) — жартаўлівая назва меркаванай культурнай мяжы паміж Старой Баварыяй і астатняй Германіяй, якая вызначаецца як зона распаўсюджання мюнхенскіх белых сасісак, якія лічацца адметнай рысай баварскай культуры.

Становішча экватара[правіць | правіць зыходнік]

У цэлым экватар белых сасісак праводзяць па рацэ Дунай, аднак такая мяжа не ўключае часткі Ніжняй Баварыі і Верхняга Пфальца. Часам экватар адносяць да 49-й шыраты (на поўнач ад Інгальштата). Паводле іншых уяўленняў гаворка ідзе пра 100-кіламетровую зону ад Мюнхена, у якую не ўваходзіць значная частка Верхняй Баварыі.

Паводле альтэрнатыўных версій, мяжой лічыцца Майнская лінія уздоўж ракі Майн, якая прызнана дыялектнай мяжой паўночнай Германіі, або гісторыка-палітычная мяжа паміж Прусіяй і Баварыяй з Аўстрыяй, якая называецца таксама Майнскай лініяй, тады ў зону апроч Старой Баварыі ўваходзіць таксама Бадэн-Вюртэмберг і значная частка Франконіі, дзе аднак маюцца ўжо значныя культурныя адрозненні з Баварыяй і белыя сасіскі ўжо не прыняты.

Тэрмін выкарыстоўваецца таксама для размежавання паўночнай і сярэдняй Германіі, пры гэтым таксама экватар праводзяць па рацэ Майн ці недалёка ад яе.

Аўстрыйцы жартаўліва называюць раён на поўнач ад экватара белых сасісак зонай пасялення Піфке.

Гл. таксама[правіць | правіць зыходнік]

Спасылкі[правіць | правіць зыходнік]

Wiki letter w.svg На гэты артыкул не спасылаюцца іншыя артыкулы Вікіпедыі,
калі ласка, карыстайцеся падказкай і пастаўце спасылкі ў адпаведнасці з прынятымі рэкамендацыямі.