Элеанора Аркадзеўна Язерская

Элеанора Язерская
Элеанора Язерская
	Элеанора Аркадзеўна Язерская
Род дзейнасці	акцёрка, журналістка
Дата нараджэння	8 ліпеня 1946
Месца нараджэння	Мінск, БССР, СССР;
Дата смерці	16 мая 2014 (67 гадоў)
Месца смерці	Мінск, Беларусь;
Месца пахавання	Усходнія могілкі;
Грамадзянства	СССР,; Беларусь
Член у	Беларускі саюз кампазітараў; БСТД;

Элеанора Аркадзеўна Язерская (8 ліпеня 1946 — 16 мая 2014) — беларуская радыё- і тэлевядучая, педагог, актрыса; адна з самых яркіх асоб беларускага музычнага бамонду. За ёй замацаваліся слава і вобраз «свецкай ільвіцы».

Сям’я[правіць | правіць зыходнік]

Саша Варламаў у ходзе публічнай лекцыі «Суровы свет моды 1940—1980-х гг.» распавядае, як Элеанора Язерская карысталася ў 1980-ыя гг. дызайнерскімі творамі адзення Белбыттэхпраекта ў Мінску.

Нарадзілася ў Мінску 8 ліпеня 1946 г. на вуліцы Савецкай (каля Дома ўрада). Бацька Элеаноры (паходзіў з Гомеля) быў інжынерам-энергетыкам і ўзначальваў транспартную службу пры Савеце міністраў БССР, а маці Аўгуста (паходзіла з Ніжняга Ноўгарада) — медыцынскім работнікам (фельчарам). Бацькі пабраліся шлюбам зусім маладымі і пражылі ў шлюбе 30 гадоў, а затым нечакана для ўсіх развяліся з-за любоўнага рамана бацькі. Пасля таго як бацька пакінуў сям’ю, ён пражыў усяго 12 гадоў і памёр ва ўзросце 66 год^[1]. Паўторна маці Элеаноры Язерскай выйшла замуж у Мінску за героя Савецкага Саюза Аляксандра Антонавіча Антонава (1915—1997)^[2].

У Элеаноры Язерскай ёсць сястра — Міла (якая перабралася ў Галандыю). Старшы брат Анатоль Язерскі загінуў маладым падчас Другой сусветнай вайны, калі сясцёр яшчэ не было на свеце.

Памерла 16 мая 2014 г. у Мінску ў сваёй кватэры ад сардэчнай недастатковасці. Развітанне праходзіла ў будынку Белтэлерадыёкампаніі (на вуліцы Макаёнка, 12). Была пахавана на Усходніх (Маскоўскіх) могілках Мінска побач са сваёй маці і Аляксандрам Антонавым.

Дзяцей не мела.

Адукацыя[правіць | правіць зыходнік]

Скончыла музычнае вучылішча, а пасля кансерваторыю. Займалася самаадукацыяй. Збірала ў сваёй мінскай кватэры (на плошчы Перамогі) кнігі, карціны (мела творы Леаніда Шчамялёва, Аляксандра Кішчанкі і інш.) і прыгожыя рэчы (мейсенскі фарфор, антыкварныя гадзіннікі, статуэткі і інш.); любіла падарожнічаць па розных краінах і бываць у тых месцах, якія былі звязаны са знакамітымі людзьмі культуры. Была знаёма з многімі вядомымі асобамі культуры Беларусі і СССР.

Творчасць[правіць | правіць зыходнік]

З пачатку 1980-х гг. шмат год працавала вядучай сваіх творчых праектаў аб мастацтве на Беларускім тэлебачанні і радыё і амаль усё жыццё прысвяціла тэлебачанню. Пачатак шырокай вядомасці і пік папулярнасці і ўвагі грамадства (асабліва ў 1980-ыя гг. у БССР) Язерскай прынесла перадача «Музычны салон», якая ішла на беларускім тэлебачанні і куды прыходзіў увесь беларускі і ўсесаюзны эстрадны бамонд.

Элеанору Язерскую часта параўноўвалі з Фаінай Ранеўскай за самастойнасць і незалежнасць паводзін і думак, трапнасць і метафарычнасць мовы, начытанасць і эстэтызм. Уборы Язерскай вылучаліся яркасцю і элегантнасцю, смелым спалучэннем колераў. Капялюшы, футра і каштоўныя камяні былі трывалай часткай вобразу Элеаноры Язерскай. Любімым напоем быў італьянскі лімонны лікёр ліманчэла.

2007 — удзельнічала ў тэлепраекце АНТ «Дзве зоркі», дзе пела супольна з Іллём Міцько.

2007 — намінавана ў Топ-50 самых стыльных і паспяховых асоб Мінска^[3].

27 кастрычніка 2007 — у музеі гісторыі і архітэктуры Беларусі Элеанора Язерская праводзіла прэс-канферэнцыю, прысвечаную прыезду ў Мінск вядомага італьянскага мільянера і мецэната Марка Датрына.

Праекты[правіць | правіць зыходнік]

музычная асветніцкая перадача «Музычны салон» (Беларускае радыё і тэлебачанне)
музычная асветніцкая перадача «Салон Элеаноры Язерскай» (тэлеканал БТ)
цыкл аўтарскіх асветніцкіх перадач «Жанчыны XX стагоддзя» (тэлеканал СТВ)
рубрыка «Бон Тон» у праграме «Вялікі сняданак», дзе апавядала аб неверагодных лёсах зорак кіно і тэатра (тэлеканал СТВ)
аўтарская журналісцкая калонка ў газеце «СБ. Беларусь сегодня»
аўтарская перадача на радыё «Мир»

Ролі ў кіно[правіць | правіць зыходнік]

У кіно здымалася толькі ў эпізодах.

1992 — Белыя адзенні (Беларусь) — госця на вечарыне (эпізод)
1997 — Справы Лахоўскага (Беларусь) — жонка мэра
2001 — Эскіз на маніторы (Беларусь) — Ірма Адамаўна^[4]
2005 — Дунечка (Расія, Беларусь) (эпізод) ^[5]
2006 — Капітанскія дзеці (Расія) — рэжысёрша
2008 — Ідэальная жонка (Расія) — важатая

Зноскі

↑ ЯЗЕРСКАЯ Элеанора, артыкул «Сям’я» Архівавана 17 мая 2014.
↑ Элеонора ЕЗЕРСКАЯ: «Завтраки в номер носили только Магомаеву и моему коту…»(недаступная спасылка)
↑ Элеанора Язерская: «Няма ў нас ніякага святла!»(недаступная спасылка)
↑ [1](недаступная спасылка)
↑ [2] Архівавана 23 верасня 2009.

Спасылкі[правіць | правіць зыходнік]

на kino-teatr.ru -Езерская, Элеонора Аркадиевна
Фан сайт Элеаноры Язерскай Архівавана 31 студзеня 2012.
Элеанора Язерская адзначыла дзень нараджэння ў напаўголым выглядзе
Элеонора ЕЗЕРСКАЯ: «Завтраки в номер носили только Магомаеву и моему коту…»(недаступная спасылка)
Элеанора Язерская: у дзяцінстве мяне клікалі Ліна(недаступная спасылка)
ЯЗЕРСКАЯ Элеанора (аўтар блога) Архівавана 23 верасня 2009.
Адшумеў, адгуляў і адспяваў «Славянскі кірмаш-2008» (Фотарэпартаж)
Элеонора Езерская: «Жить надо так, чтобы тебе завидовала даже сволочь». С Днем рождения, Элеонора! Архівавана 18 мая 2014.
Умерла Элеонора Езерская
Прощайте, Элеонора Езерская
В Минске простились с телеведущей Элеонорой Езерской Архівавана 6 сакавіка 2016.

[1] ЯЗЕРСКАЯ Элеанора, артыкул «Сям’я» Архівавана 17 мая 2014.

[2] Элеонора ЕЗЕРСКАЯ: «Завтраки в номер носили только Магомаеву и моему коту…»(недаступная спасылка)

[3] Элеанора Язерская: «Няма ў нас ніякага святла!»(недаступная спасылка)

[4] [1](недаступная спасылка)

[5] [2] Архівавана 23 верасня 2009.

[1]

[2]

[3]

[4]

[5]