Электаральная калегія (ЗША)

Карта Выбарчай калегіі, якая паказвае вынікі прэзідэнцкіх выбараў ЗША 2012 года. Дзеючы прэзідэнт Барак Абама (дэмакрат-Ілінойс) выйграў народнае галасаванне ў 26 штатах і акрузе Калумбія (пазначана сінім колерам) і атрымаў 332 галасы электараў. Былы губернатар Міт Ромні (рэспубліканец-Масачусетс) выйграў народнае галасаванне ў 24 штатах (пазначана чырвоным колерам) і атрымаў 206 галасоў электараў.

Электаральная калегія, або Выбарчая калегія (англ.: Electoral College) — інстытут, які абірае прэзідэнтаў і віцэ-прэзідэнтаў Злучаных Штатаў Амерыкі кожныя чатыры гады. Грамадзяне ЗША не галасуюць за кандыдатаў у прэзідэнты або віцэ-прэзідэнты, абіраюць пасрэднікаў, т.зв. электараў (англ.: elector), якія амаль заўсёды абавязваюцца галасаваць за канкрэтных кандыдатаў і якія абіраюцца ў адпаведнасці з законамі кожнага штата. Колькасць электараў ад кожнага штата залежыць ад колькасці яго прадстаўнікоў у Кангрэсе, а Дваццаць трэцяя папраўка да Канстытуцыі ЗША даруе акрузе Калумбія, на тэрыторыі якой знаходзіцца сталіца краіны — Вашынгтон, столькі электараў, колькі б яна мела, калі б была штатам, але не больш, чым найменш населены штат (зараз 3 электары). Такім чынам, у цяперашні час Электаральная калегія складаецца з 538 членаў: 435 членаў Палаты прадстаўнікоў, 100 сенатараў і 3 дадатковыя электары з акругі Калумбія.

Спасылкі

• На Вікісховішчы ёсць медыяфайлы па тэме Электаральная калегія (ЗША)