Элен Уайт

Элен Уайт (англ. Ellen Gould White) сапр. Гармон (Harmon) (26 лістапада 1827 — 16 ліпеня 1915) — ідэйны рэфарматар адвентызма і суарганізатар царквы адвентыстаў сёмага дня.

Біяграфія

Элэн Гульда Уайт нарадзілася ў сям'і фермераў Робэрта і Юнікі Гармон. У сям'і ўсе былі нашчадкавымі чальцамі метадысцкай царквы. Ранняе дзяцінства Элэны прайшло ў некалькіх мілях ад невялічкага мястэчка Горам, штат Мэн. У сем гадоў Элэна з бацькамі пераехала ў мястэчка Портлэнд, штат Мэн. Тут яна і яе сям'я сталі паслядоўнікамі Ўільяма Мілера, зашто пасля былі выключаны з метадысцкай царквы. Аднак пасля таго, як не адбылася чаканая падзея, прадказанае Мілерам у яго спробах тлумачэння кнігі Адкрыцця (Апакаліпсісу) з Новага Запавету і Данііла са Старога запавету, яна, па ўласных сцвярджэннях, мела шэраг адкрыццяў і бачанняў пра ўваход Ісуса Хрыста ў Нябесную скінію, пра неабходнасць выконваць суботу з Дэкалогу (Дзесяці Запаведзяў), і пра іншыя змены ў дактрынах адвэнтызма, што паклала пачатак яе прапаведніцка-рэфарматарскай дзейнасці. Была ў ліку заснавальнікаў і рэфарматараў канфесіі адвэнтыстаў сёмага дня. Паводле вучэння адвэнтыстаў, бачанні Элэны Уайт паклалі пачатак вяртанню людзей да здаровага ладу жыцця, правільным узаемаадносінам з Богам і шырокай місіянерскай дзейнасці адвэнтыстаў сёмага дня.

На гэты артыкул не спасылаюцца іншыя артыкулы Вікіпедыі, калі ласка, карыстайцеся падказкай і пастаўце спасылкі ў адпаведнасці з прынятымі рэкамендацыямі.