Эміліян Адамюк

Эміліян Адамюк
Дата нараджэння	11 (23) чэрвеня 1839
Месца нараджэння	Бельск, Бельскі павет, Гродзенская губерня, Літоўскае генерал-губернатарства, Расійская імперыя
Дата смерці	5 (18) верасня 1906 (67 гадоў)
Месца смерці	Казань, Казанскі павет[d], Казанская губерня, Расійская імперыя
Месца пахавання	Арскія могілкі[d]
Грамадзянства	Расійская імперыя
Род дзейнасці	афтальмолаг
Месца працы	Імператарскі Казанскі ўніверсітэт[d]
Навуковая ступень	доктар медыцыны
Альма-матар	медыцынскі факультэт Імператарскага Казанскага ўніверсітэта[d]
Навуковы кіраўнік	Мікалай Восіпавіч Кавалеўскі[d]
Медыяфайлы на Вікісховішчы

Эміліян Адамюк (11 (23) чэрвеня 1839, Бельск — 5 (18) верасня 1906, Казань) — расійскі урач-афтальмолаг.

Біяграфія

Нарадзіўся ў Гродзенскай губерні ў беларускай сям’і мяшчан-земляробаў.

У 1857 годзе, як лепшы вучань Бельскай гімназіі, ён атрымаў стыпендыю Віленскай навучальнай акругі і паступіў у Імператарскі Казанскі ўніверсітэт на гісторыка-філалагічны факультэт, а праз год перайшоў на медыцынскі. Пасля сканчэння медыцынскага факультэта яго пакінулі на кафедры хірургіі і афтальмалогіі.

У 1865 годзе быў прызначаны ардынатарам пры галоўным аддзяленні хірургічнай клінікі.

Напісаў і абараніў у 1867 годзе доктарскую дысертацыю, 28 мая 1870 года быў абраны дацэнтам кафедры афтальмалогіі Казанскага ўніверсітэта, у 1871 годзе стаў экстраардынарным, а ў 1872 годзе — ардынарным прафесарам (выкладаў да 1901 года). У 1870 годзе арганізаваў невялікую клініку, у якую прыязджалі сотні хворых.

Апублікаваў каля 100 навуковых прац па афтальмалогіі.

Памёр пасля цяжкай і працяглай хваробы ў 1906 годзе. Пахаваны на Арскіх могілках у Казані.

Спасылкі

• На Вікісховішчы ёсць медыяфайлы па тэме Эміліян Адамюк
• Адамюк, Эмилиан Валентиевич. Энциклопедический словарь Брокгауза и Ефрона (нявызн.).

• Профессор Эмелиан Валентиевич Адамюк // Казанский медицинский журнал (нявызн.).