Энтані Джэймс Легет

Энтані Джэймс Легет
Дата нараджэння	26 сакавіка 1938(1938-03-26) (84 гады)
Месца нараджэння	Камберуэл[d], бора Ламбет, графства Вялікі Лондан, Англія, Вялікабрытанія
Грамадзянства	ЗША  Вялікабрытанія
Род дзейнасці	фізік, выкладчык універсітэта
Навуковая сфера	фізіка
Месца працы	Ілінойскі ўніверсітэт ва Урбана-Шампейн[d] Магдален-каледж[d] Сасекскі ўніверсітэт Універсітэт Ватэрлоа[d]
Альма-матар	Каледж Мёртан[d] Wimbledon College[d] Оксфардскі ўніверсітэт
Навуковы кіраўнік	Дзірк тэр Хар[d]
Член у	Лонданскае каралеўскае таварыства Нацыянальная акадэмія навук ЗША Амерыканскае фізічнае таварыства Амерыканская акадэмія мастацтваў і навук Расійская акадэмія навук Індыйская нацыянальная акадэмія навук[d] Амерыканскае філасофскае таварыства Амерыканская асацыяцыя садзейнічання развіццю навукі
Узнагароды	член Лонданскага каралеўскага таварыства Нобелеўская прэмія па фізіцы (2003) Feenberg Medal[d] (1999) Fritz London Memorial Prizes[d] (1981) прэмія Вольфа па фізіцы (2002) медаль і прэмія Дзірака[d] (1992) член Амерыканскага фізічнага таварыства[d] ганаровы доктар Мадрыдскага ўніверсітэта Камплутэнсэ[d] (2011) медаль і прэмія Максвела[d] (1975)
Медыяфайлы на Вікісховішчы

Сэр Энтані Джэймс Легет KBE (англ.: Sir Anthony James Leggett; нар. 26 сакавіка 1938 года, Лондан) — брытана-амерыканскі фізік, лаўрэат Нобелеўскай прэміі па фізіцы (2003) (сумесна з А. А. Абрыкосавым і В. Л. Гінзбургам) «за стварэнне тэорыі звышправоднасці другога роду і тэорыі звышцякучасці вадкага гелію-3». Па стане на 2011 год з’яўляўся прафесарам фізікі ва Універсітэце Ілінойса.

Сваімі працамі Легет распачаў асновы даследаванняў квантавай фізікі макраскапічных дысіпатыўных сістэм і выкарыстання кандэнсаваных сістэм для праверкі асноў квантавай механікі.

Легет з’яўляецца членам Нацыянальнай акадэміі навук ЗША (1997), Амерыканскага філасофскага таварыства (ЗША), Амерыканскай акадэміі мастацтваў і навук (ЗША, 1996) і замежным членам Расійскай акадэміі навук. Акрамя таго ён з’яўляецца членам Лонданскага каралеўскага таварыства (Вялікабрытанія, 1980), Амерыканскага фізічнага таварыства, Амерыканскага інстытута фізікі і ганаровым членам Інстытута фізікі (Вялікабрытанія).

Легет валодае падвойным, брытанска-амерыканскім грамадзянствам. Ён стаў рыцарам-камандорам ордэна Брытанскай імперыі ў 2004 г. «за заслугі ў фізіцы».

Узнагароды

• Прэмія Вольфа па фізіцы (2002/2003)
• Нобелеўская прэмія па фізіцы (2003)

Спасылкі

• Інфармацыя з сайта Нобелеўскага камітэта (англ.)