Эрнст Вільгельм Най

Эрнст Вільгельм Най
ням.: Ernst Wilhelm Nay
Дата нараджэння	11 чэрвеня 1902(1902-06-11)[…]
Месца нараджэння	Берлін, каралеўства Прусія, Германская імперыя
Дата смерці	8 красавіка 1968(1968-04-08)[…] (65 гадоў)
Месца смерці	Кёльн, адміністрацыйная акруга Кёльн, Паўночны Рэйн-Вестфалія, ФРГ
Месца пахавання	Мелатэн[d]
Грамадзянства	Германія
Род дзейнасці	мастак, графічны дызайнер, рысавальнік, гандляр кнігамі, літограф
Член у	Берлінская акадэмія мастацтваў
Узнагароды	Берлінская мастацкая прэмія[d] (1964) Lichtwark Award[d]
Медыяфайлы на Вікісховішчы

Эрнст Вільгельм Най (ням.: Ernst Wilhelm Nay; 11 чэрвеня 1902, Берлін — 8 красавіка 1968, Кёльн) — нямецкі мастак і графік, прадстаўнік абстрактнага экспрэсіянізму.

Жыццё і творчасць

У 1921—1922 гадах навучаўся ў Берліне на кнігагандляра. У 1925—1928 гадах вучыўся жывапісу ў класе Карла Гофера пры Аб’яднанай дзяржаўнай школе па свабодным і прыкладным мастацтве ў Берліне. У 1926—1927 гадах браў удзел у выстаўках Берлінскага сецэсіёна і мюнхенскага Новага сецэсіёна. З 1928 года жыў у Парыжы, а затым, атрымаўшы ў 1930 годзе Борнхальм-стыпендыю для ўдасканалення мастацкага майстэрства, з’яжджае ў Італію. У 1931—1932 гадах жыў і працаваў на Віла Масіма ў Рыме.

У 1937 годзе яму забаранілі выстаўляцца ў Германіі, працы Ная нацысты абвясцілі «дэгенератыўным мастацтвам», як «узоры» некалькі твораў выстаўлены на нацысцкіх выстаўках «дэгенератыўнага мастацтва» ў Берліне і Мюнхене.

У 1937—1938 гадах жыў у Эдварда Мунка ў Лафатэне, Нарвегія. У 1939—1945 гадах у гады Другой сусветнай вайны прызваны ў армію. У 1943 годзе атэлье мастака ў Берліне знішчана падчас бамбардзіроўкі.