Юзаф Доўбар-Мусніцкі

Юзаф Доўбар-Мусніцкі
Józef Dowbor-Muśnicki
Дата нараджэння	25 кастрычніка 1867(1867-10-25)
Месца нараджэння	Стары Гарбаў[d], Сандамірскі павет[d], Радамская губерня[d], Царства Польскае, Расійская імперыя
Дата смерці	28 кастрычніка 1937(1937-10-28) (70 гадоў)
Месца смерці	Батарова[d], Гміна Тарнова Падгурнэ, Пазнаньскі павет, Велікапольскае ваяводства, Польшча
Альма-матар	Акадэмія Генеральнага штаба[d]
Прыналежнасць	Расійская імперыя Каралеўства Польскае Польская Рэспубліка
Род войскаў	пяхота
Гады службы	1886 — 1917 1917 — 1920
Званне	генерал
Бітвы/войны	Руска-японская вайна Першая сусветная вайна Грамадзянская вайна ў Расіі Велікапольскае паўстанне
Узнагароды і прэміі
Юзаф Доўбар-Мусніцкі на Вікісховішчы

Юзаф Рамуальдавіч Доўбар-Мусні́цкі (польск.: Józef Dowbor-Muśnicki; 25 кастрычніка 1867, м. Гарбаў, Сандамірскі павет, Радамская губерня, Расійская імперыя (цяпер Польшча) — 28 кастрычніка 1937) — рускі і польскі ваенны дзеяч, генерал-лейтэнант рускай арміі (1917), генерал броні польскага войска; кіраўнік мяцяжу супраць савецкай улады на Беларусі ў 1918 годзе.

Скончыў Акадэмію генштаба (1902). Удзельнік руска-японскай вайны. Падчас І сусветнай вайны камандзір дывізій на Каўказскім і Паўночным франтах. У снежні 1916 загадаў расстраляць без суда і следства 13 салдат, пасля чаго быў пераведзены на Заходні фронт камандуючым 38-м армейскім корпусам 10-й арміі. У красавіку 1917 выведзены са складу дэлегатаў з'езда арміі за манархічныя выступленні. У 1917 са згоды вярхоўнага галоўнакамандуючага Л. Карнілава арганізаваў на Заходні фронт 1-ы польскі корпус. 12(25) студзеня 1918 аб'явіў вайну Савецкай Рэспубліцы (гл. мяцеж Доўбар-Мусніцкага). 3 канца 1918 служыў у польскім войску. У 1919 арганізатар і камандуючы польскімі войскамі ў час антыгерманскага паўстання ў т.зв. прускай Польшчы.

Літаратура

• Міхнюк У. Доўбар-Мусніцкі // ЭГБ ў 6 т. Т. 3. Мн., 1996.