Юлія Віктараўна Началава

Юлія Віктараўна Началава
руск.: Юлия Викторовна Началова
Асноўная інфармацыя
Дата нараджэння	31 студзеня 1981(1981-01-31)
Месца нараджэння	Варонеж, Варонежская вобласць, РСФСР, СССР
Дата смерці	16 сакавіка 2019(2019-03-16) (38 гадоў)
Месца смерці	Масква, Расія
Месца пахавання	Траякураўскія могілкі
Краіна	СССР  Расія
Бацька	Viktor Nachalov[d]
Маці	Taisia Nachalova[d]
Муж	Evgeni Aldonin[d]
Дзеці	Vera Aldonina[d]
Альма-матар	Дзяржаўнае музычнае вучылішча імя Гнесіных[d] (2000) Расійскі інстытут тэатральнага мастацтва[d]
Музычная дзейнасць
Прафесіі	спявачка, акцёрка, тэлевядучая
Пеўчы голас	сапрана
Інструменты	вакал
Жанры	поп-музыка, эстрада, blue-eyed soul[d], соўл[d], сучасны рытм-н-блюз[d] і джаз
julianachalova.com
Медыяфайлы на Вікісховішчы
Цытаты ў Вікіцытатніку

Юлія Віктараўна Началава (поўнае прозвішча — Началава-Алдоніна; нар. 31 студзеня 1981, Варонеж, РСФСР — 16 сакавіка 2019, Масква, Расія) — расійская спявачка, актрыса і тэлевядучая.

Біяграфія

Нарадзілася 31 студзеня 1981 года ў Варонежы. Бацька — Віктар Васільевіч Началаў (нар. 1957) — кампазітар і аранжыроўшчык, прадзюсар сваёй дачкі; з 1983 года па 1990 год — мастацкі кіраўнік ансамбля «Карусель» пры Варонежскай філармоніі, аўтар песень з рэпертуару Началавай, Ірыны Панароўскай і іншых. Маці — Таісія Мікалаеўна Началава (нар. 1955) — прафесійны музыкант і спявачка, была салісткай таго ж ансамбля. Сям’я жыла ў Варонежы на бульвары Перамогі.

З двух гадоў пачала займацца вакалам пад кіраўніцтвам бацькі.

З пяці гадоў пачала спяваць на прафесійнай сцэне — у 1986 годзе дэбютавала на сцэне Варонежскай філармоніі. Яе рэпертуар, які складаўся з кампазіцый, напісаных яе бацькам, прадугледжваў джазавую манеру выканання.

C 1 па 4 клас вучылася ў школе № 43, з 5 па 6 клас — у гімназіі № 2 г. Варонежа. Паралельна 3,5 гады вучылася ў музычнай школе № 7 г. Варонежа.

У 1991—1992 гадах удзельнічала ў тэлеконкурсе «Ранішняя зорка», атрымала ў ім перамогу. Пасля перамогі ў конкурсе сям’я Началавых пераехала з Варонежа ў Маскву. Творчую дзейнасць даводзілася сумяшчаць з навучаннем. На «Ранішняй зорцы» пазнаёмілася са спявачкай Ірынай Панароўскай, з якой пасля Юлія ездзіла ў туры.

У 1992 годзе была запрошана весці музычную дзіцячую перадачу «Там-там навіны».

У 1995 годзе на студыі «Саюз» выйшаў першы альбом «Ах, школа, школа». У тым жа годзе заваявала Гран-пры ў міжнародным вакальным конкурсе «Big Apple-95» у Нью-Ёрку, дзе перамагла, са слоў Началавай, Крысціну Агілеру.

У 1997 годзе выйшаў сінгл «Герой не майго рамана», які стаў візітнай карткай спявачкі. Аднак большасць радыёстанцый адмовіліся ад ратацыі гэтай песні, назваўшы яе «Занадта джазавай».

У 2000 годзе скончыла эстрадна-джазавы факультэт музычнага вучылішча імя Гнесіных (курс У. Х. Хачатурава).

У 2001 годзе знялася ў фільме «Герой яе рамана», у 2004 годзе — у фільме «Бомба для нявесты» з Дзмітрыем Харацьянам.

У 2003 годзе ўдзельнічала ў рэаліці-шоў «Апошні герой» (4 сезон).

У 2004 годзе паступіла на завочнае аддзяленне Расійскага інстытута тэатральнага мастацтва (ГІТІС).

У 2005 годзе знялася ў навагоднім мюзікле «Тры мушкецёры» у ролі Канстанцыі Банасье, ролю Д’артаньяна выканаў Уладзімір Зяленскі.

У 2005 годзе выпусціла альбом «Музыка кахання», у 2006 годзе выпусціла альбом «Давай пагаворым пра каханне» і зборнік «Розныя песні пра галоўнае».

Была вядучай праграмы «Суботні вечар разам з Мікалаем Баскавым», з 2005 па 2007 год і канала «Зорка».

У 2010 годзе ў ЗША запісала новы англамоўны альбом «Дзікі матылёк». У дыску адзінаццаць песень, якія яна напісала сумесна з кампазітарам і прадзюсарам Уолтарам Афанасьевым, з якім спявачка пазнаёмілася дзякуючы Філіпу Кіркораву.

20 кастрычніка 2012 года ў ГЦКЗ «Расія» прадставіла сваю сольную канцэртную праграму «Непрыдуманыя гісторыі».

У лістападзе 2013 года выйшла новае відэа на песню «Буду побач», якую напісала сумесна з бацькам, кампазітарам Віктарам Началавым, аўтарам многіх яе песень.

У снежні 2013 года выпусціла альбом «Дзікі матылёк» і чатыры сінглы з песнямі з гэтага альбома, а таксама новымі версіямі песень «Пра каханне» і «Герой не майго рамана».

У лютым 2014 года прыняла прапанову ад тэлеканала «Расія-1» аб удзеле ў другім сезоне музычна-парадыйнага шоу «Адзін у адзін!». Пасля шоу прыняла ўдзел у якасці настаўніка шоу «Наш выхад».

У 2015 годзе выпусціла новае відэа, чарговы сумесны праект з кампазітарам Уолтарам Афанасьевым. Таксама выйшаў сінгл на песню «Чакай мяне» на iTunes.

У 2015 годзе прыступіла да здымак у якасці тэлевядучай новага тэлешоў на тэлеканале СТС «Два галасы» разам з Дзмітрыем Шэпелевым.

У апошнія гады жыцця Началава доўгі час была не запатрабаваная. Яе сям’я жыла сціпла. Яна стала зарабляць грошы на рэкламе ў інстаграме.

25 лістапада 2017 года напярэдадні Дня маці па замове гарадской бюджэтнай арганізацыі «Маскоўская дырэкцыя масавых мерапрыемстваў» Началава выступіла ў канцэртнай зале ўрада Масквы, атрымаўшы ганарар за гэты разавы выступ у памеры 397 850 рублёў.

У 2018 годзе Началава была пазбаўлена судом на паўтара гады правоў кіроўцы за адмову прайсці медыцынскі агляд на алкаголь у снежні 2017 года. Таксама ёй прызначылі штраф у 30 тысяч рублёў. Затым Началава зняла кліп на песню «Я выбіраю» і стала выступаць на карпаратывах.

У 2019 годзе апошнімі здымкамі Началавай на тэлебачанні быў удзел у тэлегульні «Пяцёра на аднаго» на канале «Расія-1», шоу «Ты супер!» на тэлеканале НТБ і фінал «народнага» сезона шоу «Адзін у адзін!» на канале «Расія-1», дзе спявачка была настаўніцай.

Памерла 16 сакавіка 2019 года ў Маскве. Пахавана ў Маскве на Траякураўскіх могілках.

Спасылкі

• На Вікісховішчы ёсць медыяфайлы па тэме Юлія Віктараўна Началава
• Юлия Началова // КИНО-ТЕАТР.РУ (руск.)
• Юлия Началова о семье, бывшем муже и о новой любви (руск.)
• Звездные болезни: чему нас учит трагедия Юлии Началовой (руск.)
• «Что это, проклятие или страшное совпадение?» (руск.)