Юндзілы (вёска)

Вёска Юндзілы Краіна Беларусь Вобласць Брэсцкая Раён Пружанскі Сельсавет Ружанскі Каардынаты 52°52′31″ пн. ш. 25°03′01″ у. д. Насельніцтва ▼143 чал. (2019) Часавы пояс UTC+3 Тэлефонны код +375 1632 Паштовыя індэксы 225151 Аўтамабільны код 1 Юндзілы Юндзілы

Юндзілы на Вікісховішчы

Ю́ндзілы (трансліт.: Jundzily, руск.: Юндилы) — вёска ў Пружанскім раёне Брэсцкай вобласці. Уваходзіць у склад Ружанскага сельсавета.

Да 18 чэрвеня 1963 года вёска ўваходзіла ў склад Калазубскага сельсавета.

Назва

Недалёка (з Янаполю) было прозвішча Юндзіл, у Лідскім краі засведчанае прозвішча Юндзіла, са Стоўбцаў - Юндзіловіч. Ёсць літоўскае Jundila. Літоўскае jundilas - "гарэза", ад justi (junda) - "рухацца". Ёсць карацейшае латышскае прозвішча Junda.

З іншага боку, ёсць нямецкія Jund, Jundt, Jundel.

Славутасці

У 200 м на поўдзень ад вёскі, у невялікім перелеску размешчана царква XIX стагоддзя. Праваслаўны храм пабудаваны ў традыцыйным для Палесся стылі, практычна без якіх-небудзь элементаў дэкору. Ён складаецца з невялікага бабінца, увянчанага распяццем, асноўнага аб'ёму і апсіды. Сцены вертыкальна абліцаваныя дошкамі і пафарбаваны ў жоўты колер. У сценах і апсідзе зроблена па 3 аконных праёмы з кожнага боку.

Перад храмам стаіць невысокая двух'ярусная званіца. Яна ўяўляе сабой абгароджаную платформу пад шатровым дахам, пастаўленую на 4 слупы.

Камень-следавік, які знаходзіцца каля царквы, па павер’ях з’яўляецца цудатворным. Паданне апавядае, што пасля з’яўлення гэтага валуна, на якім захаваўся адбітак Багародзіцы, была пабудавана капліца. Потым на яе месцы ўзвялі царкву. Побач са «следам» Багародзіцы на камені маюцца «сляды» жывёл. Гавораць, што ў гэтых паглыбленнях збіраецца дажджавая вада: калі прамыць ёю хворыя вочы, можна вылечыцца.

• 
  Царква
• 
  Званіца
• 
  Камень-следавік

Спасылкі

• На Вікісховішчы ёсць медыяфайлы па тэме Юндзілы (вёска)