Юрый Іванавіч Нікалаеў

Юрый Іванавіч Нікалаеў
Род дзейнасці	журналіст
Дата нараджэння	14 верасня 1934(1934-09-14)
Месца нараджэння	Кранштат, Ленінград, РСФСР, СССР
Дата смерці	3 лістапада 2013(2013-11-03) (79 гадоў)
Грамадзянства	Беларусь
Месца працы	Ашмянскі веснік
Альма-матар	філалагічны факультэт БДУ (1960)
Узнагароды і прэміі	Грамата Прэзідыума Вярхоўнага Савета БССР Залатое пяро[d]

Юрый Іванавіч Нікалаеў (14 верасня 1934, Кранштат Ленінградскай вобласці — 3 лістапада 2013) — беларускі журналіст. Заслужаны работнік культуры БССР (1989).

Біяграфія

У гады Вялікай Айчыннай вайны страціў бацькоў і малодшага брата. Выхоўваўся ў дзіцячым доме імя Заслонава Шаркаўшчынскага раёна, дзе скончыў сярэднюю школу. У 1960 годзе скончыў БДУ, аддзяленне журналістыкі. З верасня таго ж года працаваў у раённых газетах Гродзеншчыны: у радунскай — літсупрацоўнікам, у скідзельскай — адказным сакратаром, у ваўкавыскай — загадчыкам сельгасаддзела, у лідскай — намеснікам рэдактара. Са студзеня 1969 года па студзень 2005 года — рэдактар ашмянскай раённай газеты.

Аўтар кнігі «На хвалі часу, у плыні жыцця» (2009).

Узнагароды

У 1989 годзе прысвоена ганаровае званне «Заслужаны работнік культуры БССР». Узнагароджаны ордэнам «Знак Пашаны», Ганаровай граматай Вярхоўнага Савета БССР. За цыкл матэрыялаў аб станаўленні мясцовага друку на заходніх тэрыторыях рэспублікі пасля ўз’яднання Заходняй і Усходняй Беларусі прысуджана званне лаўрэата прэміі Беларускага саюза журналістаў у рэспубліканскім творчым конкурсе «Залатое пяро». У 2009 годзе за асабісты ўклад у беларускую журналістыку прысуджана званне Беларускага саюза журналістаў «Заслужаны журналіст». У 2009 годзе прысуджана званне «Ганаровы грамадзянін г. Ашмяны».

Літаратура

• Вызначыліся працай : заслужаны работнік культуры. Нікалаеў Юрый Іванавіч // Памяць: Гіст.-дакум. хроніка Ашмянскага раёна. — Мн.: БЕЛТА, 2003. — С. 564.
• Нікалаеў Юрый Іванавіч (1934—2013) // Краязнаўчы каляндар Ашмяншчыны на 2014 год / склад. Г. У. Палубінская.— Ашмяны, 2014. — С. 25—26.