Юрый Іосіфавіч Нікіцін

Юрый Іосіфавіч Нікіцін
руск.: Юрий Иосифович Никитин
Дата нараджэння	14 кастрычніка 1930(1930-10-14) (93 гады)
Месца нараджэння	Сяляне, Заходнядзвінскі раён, Заходняя вобласць, РСФСР, СССР
Грамадзянства	СССР  Беларусь
Род дзейнасці	навуковец
Навуковая сфера	фізіялогія
Месца працы	Віцебская дзяржаўная акадэмія ветэрынарнай медыцыны
Навуковая ступень	доктар біялагічных навук
Навуковае званне	прафесар
Альма-матар	Віцебскі ветэрынарны інстытут
Партыя	КПСС

Юрый Іосіфавіч Нікі́цін (нар. 14 кастрычніка 1930) — вучоны ў галіне фізіялогіі. Доктар біялагічных навук (1976), прафесар (1979).

Біяграфія

Ю. І. Нікіцін нарадзіўся ў вёсцы Сяляне Заходнедзвінскага раёна Калінінскай (сучаснай Цвярской) вобласці. У 1950 годзе скончыў Навумаўскі ветэрынарны тэхнікум (Пскоўская вобласць), працаваў ветэрынарным фельчарам. У 1957 годзе з адзнакай скончыў Віцебскі ветэрынарны інстытут. Працаваў галоўным ветэрынарным урачом, начальнікам раённай сельгасінспекцыі, старшынёй райвыканкама ў Заходнедзвінскім раёне. У 1962 годзе аспірант кафедры фізіялогіі Віцебскага ветэрынарнага інстытута. У 1962 годзе абараніў кандыдацкую дысертацыю. З 1969 года г. дацэнт кафедры, у 1979—2006 гг. прафесар кафедры фізіялогіі. З кастрычніка 1968 г. па лістапад 1971 г. дэкан факультэта завочнага навучання, з красавіка 1978 г. па студзень 1979 года — дэкан ветэрынарнага факультэта.

Навуковая дзейнасць

Ю. І. Нікіцін вывучэннем фізіялогіі стрававання і рэзістэнтнасці сельскагаспадарчай жывёлы. З'яўляецца аўтарам 118 навукова-метадычных прац.

Сярод апублікаванага:

• Справочник клинико-биологических показателей животных (2001);
• Физиологические показатели животных (2008);
• Справочник клинико-биологических показателей животных (2001);
• Физиологические основы этологии сельскохозяйственных животных (2003);
• Физиология сельскохозяйственных животных (2006, 2008 г.) і інш.

Ю. І. Нікіцін з'яўляецца аўтарам 4-х рацяналізатарскіх прапаноў. Пад яго кіраўніцтвам выкананы і абаронены 2 кандыдацкія дысертацыі.

Узнагароды

Узнагароджаны Ганаровымі граматамі Віцебскага аблвыканкама і Віцебскай акадэміі ветэрынарнай медыцыны, граматай Міністэрства адукацыі, значком «Выдатнік адукацыі Рэспублікі Беларусь».

Літаратура

• Нікіцін Юрый Іосіфавіч // Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1985. — 599 с., іл. — 10 000 экз.

Спасылкі

• История кафедры нормальной и патологической физиологии ГУО «Витебская ордена «Знак Почёта» государственная академия ветеринарной медицины» (руск.)
• История факультета заочного обучения ГУО «Витебская ордена «Знак Почёта» государственная академия ветеринарной медицины» (руск.)