Юрый Максімавіч Сохар
| Юрый Максімавіч Сохар | |
|---|---|
| Дата нараджэння | 12 лістапада 1943 (82 гады) |
| Месца нараджэння | |
| Грамадзянства | |
| Дзеці | Максім Юр’евіч Сохар |
| Адукацыя | |
| Прафесія | тэатразнавец, пісьменнік, драматург |
| Тэатр | |
| Член у | |
Юрый Максімавіч Сохар (нар. 12 лістапада 1943, Багатая Чарнешчына[d], Харкаўская вобласць) — беларускі тэатразнавец, пісьменнік, драматург. Кандыдат мастацтвазнаўства (1978), прафесар.
Біяграфія
[правіць | правіць зыходнік]Нарадзіўся ў 1943 годзе ў вёсцы Багатая Чарнешчына Сахноўшчынскага раёна Харкаўскай вобласці. Бацька загінуў на Вялікай Айчыннай вайне.
Адслужыў у Савецкай Арміі. Скончыў Беларускі дзяржаўны тэатральна-мастацкі інстытут. Член КПСС з 1966 года.
Працаваў у Беларускім тэатры імя Янкі Купалы, Рэспубліканскім Доме работнікаў мастацтва, Інстытуце мастацтвазнаўства, этнаграфіі і фальклору НАН Беларусі. З 1981 года загадваў кафедрай рэжысуры і акцёрскага майстэрства ў Беларускім універсітэце культуры і мастацтваў, выкладаў у Карлавым універсітэце (Прага).
Член Беларускага саюза тэатральных дзеячаў з 1970 года[1].
Творчасць
[правіць | правіць зыходнік]Даследчык беларускай камедыйна-сатырычнай драматургіі і яе ўвасаблення на сцэне, развіцця тэатральнай адукацыі і аматарскай творчасці ў Беларусі. Аўтар навукова-метадычных прац, падручнікаў для студэнтаў і педагогаў.
Мастацкая кніга «Светлы смутак» выйшла ў 2003 годзе. Даючы ёй адзнаку, Георгій Марчук адзначыў, што «спавядальная проза Ю. Сохара напісана ў лепшых традыцыях славянскіх літаратур і яе мастацкі ўзровень вельмі высокі».
У 2012 годзе ў суаўтарстве з Рычардам Смольскім выдаў драматургічны зборнік «Пераадоленне», у якім змешчана 10 арыгінальных п’ес, якія былі напісаны аўтарамі ў перыяд з 1978 па 1992 гады. П’есы Юрыя Сохара атрымалі сцэнічнае ўвасабленне ў прафесійных і аматарскіх тэатрах, на тэлебачанні і ў студыі радыётэатра.
Сям’я
[правіць | правіць зыходнік]Дачка Ганна. Сын Максім (1981—2025), акцёр і рэжысёр.
Літаратура
[правіць | правіць зыходнік]- Тэатральная Беларусь, энцыклапедыя: у 2 т., пад агул. рэд. праф. Сабалеўскага А. В.; рэдкал.: Г. П. Пашкоў (гал. рэд.) і інш., Т. 2, Л — Я. — Мінск: БелЭн, 2003. — 573 с., iл.
Зноскі
[правіць | правіць зыходнік]- ↑ Саюз тэатральных дзеячаў Беларусі // Беларуская энцыклапедыя: У 18 т. Т. 18. Кн. 1: Дадатак: Шчытнікі — Яя / Рэдкал.: Г. П. Пашкоў і інш. — Мн. : БелЭн, 2004. — Т. 18. Кн. 1. — 472 с. — 10 000 экз. — ISBN 985-11-0035-8. — ISBN 985-11-0295-4 (т. 18. Кн. 1).
Спасылкі
[правіць | правіць зыходнік]- Праца на пераадоленне(недаступная спасылка) — zviazda.by
- Нарадзіліся 12 лістапада
- Нарадзіліся ў 1943 годзе
- Нарадзіліся ў Харкаўскай вобласці
- Выпускнікі Беларускай акадэміі мастацтваў
- Постаці Нацыянальнага акадэмічнага тэатра імя Янкі Купалы
- Супрацоўнікі ІМЭФ НАНБ
- Выкладчыкі Беларускага дзяржаўнага ўніверсітэта культуры і мастацтваў
- Выкладчыкі Карлавага ўніверсітэта
- Члены Беларускага саюза тэатральных дзеячаў
- Асобы
- Драматургі Беларусі
- Кандыдаты мастацтвазнаўства
- Тэатразнаўцы Беларусі