Якаў Ігнатавіч Міхалап

Якаў Ігнатавіч Міхалап
Дата нараджэння	1904
Месца нараджэння	Кіраўскі раён, Беларусь
Дата смерці	1964
Грамадзянства	Расійская імперыя  СССР
Род дзейнасці	педагог
Навуковая сфера	літаратуразнаўства
Месца працы	Аршанскі настаўніцкі інстытут Рагачоўскі настаўніцкі інстытут Гродзенскі педагагічны інстытут Бабруйскі дзяржаўны настаўніцкі інстытут Міністэрства асветы БССР Гомельскі педагагічны інстытут імя В. П. Чкалава
Навуковая ступень	кандыдат філалагічных навук (1947)
Навуковае званне	дацэнт (1954)
Альма-матар	Беларускі дзяржаўны вышэйшы педагагічны інстытут (1933)

Якаў Ігнатавіч Міхалап (1904—1964) — літаратуразнавец, кандыдат філалагічных навук (1947), дацэнт (1954).

Біяграфія

Нарадзіўся ў сучасным Кіраўскім раёне Магілёўскай вобласці Беларусі ў сялянскай сям’і. У 1933 годзе скончыў літаратурны факультэт Мінскага педагагічнага інстытута, у 1938 годзе — аспірантуру пры Акадэміі навук БССР. У 1936—1938 гадах выкладаў у Аршанскім настаўніцкім інстытуце, у 1938—1941 гадах у Рагачоўскім настаўніцкім інстытуце. З пачаткам Вялікай Айчыннай вайны Я. І. Міхалап у Чырвонай Арміі. Удзельнічаў у абароне Масквы, Сталінградскай бітве. Пасля дэмабілізацыі працаваў загадчыкам кафедры беларускай літаратуры Гродзенскага педагагічнага інстытута. У 1949—1954 гадах выкладчык кафедры рускай і беларускай літаратуры Бабруйскага настаўніцкага інстытута, у 1949—1952 гадах загадчык кафедры. З 1954 года Я. І Міхалап працаваў у Гомельскім педагагічным інстытуце на пасадзе дацэнта. З 1961 года займаў пасаду дэкана філалагічнага факультэта.

Навуковая дзейнасць

Аўтар прац па тэорыі і гісторыі беларускай літаратуры, творчасці Францішка Багушэвіча. Сярод апублікаванага:

• Беларускія пісьменнікі аб рэлігіі / Я. І. Міхалап; [навуковы рэдактар К. П. Кабашнікаў] — Мінск: Б.в., 1961. — 36 с. — 12 100 экз. (Таварыства па распаўсюджванню палітычных і навуковых ведаў БССР; № 21)

Спасылкі

• Міхалап Якаў Ігнатавіч, кандыдат філалагічных навук, літаратуразнаўства на сайце анлайн-энцыклапедыі «Беларусь у асобах і падзеях»
• Ветераны Великой Отечественной войны, трудившиеся в ГГУ им. Ф. Скорины (руск.)
• Грабянчук І. В. Педагагічны калектыў Бабруйскага дзяржаўнага настаўніцкага інстытута ў 1949—1954 гг.
• Вучоныя Беларусі. Міхалап, Якаў Ігнатавіч (кандыдат філалагічных навук; літаратуразнаўства; 1904—1964)