Якаў Міхайлавіч Шафранскі

Якаў Міхайлавіч Шафранскі
Дата нараджэння	12 сакавіка 1950(1950-03-12) (73 гады)
Месца нараджэння	Віцебск, Віцебская вобласць, БССР, СССР
Грамадзянства	Беларусь
Род дзейнасці	спецыяліст у галіне інфарматыкі
Месца працы	Аб’яднаны інстытут праблем інфарматыкі НАН Беларусі
Навуковая ступень	кандыдат фізіка-матэматычных навук
Альма-матар	матэматычны факультэт БДУ (1972)
Прэміі

Якаў Міхайлавіч Шафранскі (12 сакавіка 1950, Віцебск) — беларускі вучоны ў галіне матэматычнай кібернетыкі і інфарматыкі. Кандыдат фізіка-матэматычных навук (1981).

Біяграфія

Скончыў Віцебскую СШ № 2 з сярэбраным медалём (1967), матэматычны факультэт БДУ (1972), аспірантуру Інстытута тэхнічнай кібернетыкі АН БССР (1981), у якім працуе з 1972 года (у 2002 г. інстытут перайменаваны ў Аб’яднаны інстытут праблем інфарматыкі НАН Беларусі).

Навуковыя працы па дыскрэтнай аптымізацыі, тэорыі раскладаў. Распрацаваў метады рашэння экстрэмальных камбінаторных задач і аналізу іх складанасці, мадэлі і метады выбару аптымальных параметраў у тэхнічных і эканамічных сістэмах. Апублікаваў 90 навуковых прац, у тым ліку 3 манаграфіі.

Лаўрэат Дзяржаўнай прэміі Рэспублікі Беларусь у галіне навукі і тэхнікі (1998, у сааўтарстве) — за цыкл прац «Мадэлі і метады тэорыі раскладаў».

Літаратура

• Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — 512 с. — 10 000 экз. — ISBN 985-11-0035-8. — ISBN 985-11-0279-2 (т. 17).

Спасылкі

• ШАФРАНСКИЙ Яков Михайлович Архівавана 10 жніўня 2020. (руск.) // Факультэт прыкладной матэматыкі і інфарматыкі БДУ
• Вучоныя Беларусі. Шафранскі, Якаў Міхайлавіч (кандыдат фізіка-матэматычных навук; матэматыка; нар. 1950) // Нацыянальная бібліятэка Беларусі