Янка Лайкоў

З пляцоўкі Вікіпедыя
Jump to navigation Jump to search
Янка Лайкоў
Yanka Lajkou.jpg
Асабістыя звесткі
Дата нараджэння 10 верасня 1979(1979-09-10) (41 год)
Месца нараджэння
Бацька Лайкоў Уладзімір Піліпавіч
Маці Лайкова Любоў Фёдараўна
Жонка Марына Лайкова
Дзеці Васіль Лайкоў, Вераніка Лайкова
Альма-матар
Месца працы
Прафесійная дзейнасць
Род дзейнасці паэт
Гады творчасці 1995 — цяп. час
Мова твораў беларуская
Грамадская дзейнасць
Член у
Commons-logo.svg Выявы на Вікісховішчы

Янка Лайкоў, сапр. Іван Уладзіміравіч Лайкоў (нар. 10 верасня 1979, в. Новая Мётча, Барысаўскі раён, Мінская вобласць) — беларускі паэт, перакладчык, крытык.

Біяграфія[правіць | правіць зыходнік]

Вучыўся на беларускім аддзяленні філалагічнага факультэта БДУ. Скончыў Беларускі дзяржаўны ўніверсітэт культуры і мастацтваў па спецыяльнасці «Літаратурная работа» (2006). Працаваў загадчыкам аддзелаў прозы і паэзіі штотыднёвіка «Літаратура і мастацтва» (2004—2009), загадчыкам аддзела крытыкі часопіса «Маладосць» (2010). Цяпер працуе на аўтазаправачнай станцыі і адначасова рэдагуе аддзел прозы штотыднёвіка «Літаратура і мастацтва».

У 2017 годзе Янка Лайкоў з сям’ёй узяў удзел у ХХІV міжнароднай навукова-асветніцкай экспедыцыі «Дарога да святыняў» з Дабратворным агнём ад Гроба Гасподняга.

Жыве ў Барысаве.

Творчасць[правіць | правіць зыходнік]

Піша на беларускай мове. Дэбютаваў у друку вершамі ў 1996 годзе ў барысаўскай раённай газеце «Адзінства». Друкаваўся ў часопісах «Першацвет», «Полымя», «Маладосць», «Нёман», газетах «Літаратура і мастацтва», «Літаратурная Беларусь», у рэспубліканскай перыёдыцы. Выступае ў беларускім перыядычным друку з рэцэнзіямі, водгукамі і эсэ, прысвечанымі сучаснаму літаратурнаму працэсу. Перакладае паэзію з украінскай і рускай моў.

Аўтар двух паэтычных зборнікаў: «Логіка пасткі» (2000), «Вогнепаклоннік» (2003).

Бібліяграфія[правіць | правіць зыходнік]

  • «Логіка пасткі» - Мінск, бібліятэка часопіса «Маладосць», 2000,
  • «Вогнепаклоннік» - Мінск, «Мастацкая літаратура», 2003.

Спасылкі[правіць | правіць зыходнік]