Янка Ліманоўскі

З пляцоўкі Вікіпедыя
Перайсці да: рух, знайсці

Янка Ліманоўскі (9 верасня 1896, каля Дзісны — 3 мая 1989, Рыхтан Парк, Ілінойс, ЗША) — беларускі пісьменнік, літаратуразнавец.

Біяграфія[правіць | правіць зыходнік]

Нарадзіўся ў сялянскай сям'і. Скончыў рэальнае вучылішча. Вучыўся на агранамічных курсах. У час 1-й сусветнай вайны, у 1915 г. мабілізаваны ў расійскую армію. У 1918 г. уступіў у РСДРП(б). Затым у Чырвонай Арміі, ваенны камісар дывізіі, удзельнічаў у баях з нямецкімі і польскімі войскамі. У 1920-1930-х гадах працаваў у Наркамаце земляробства БССР. Быў сябрам «Маладняка», адным з арганізатараў і кіраўнікоў БелАПП. Працаваў намеснікам дырэктара Інстытута літаратуры і мастацтва АН БССР.

У час 2-й сусветнай вайны, на акупаванай тэрыторыі — загадчык літаратурнай часткі Мінскага гарадскога тэатра. Летам 1944 года з адступленнем немцаў выехаў Германію. Затым эмігрыраваў у ЗША. Працаваў лесарубам. У 1951—1955 гадах — дырэктар управы БІНіМа. Некаторы час сябра ураду БНР, але затым выйшаў з яго. Некалькі разоў наведваў СССР, у т.л. Мінск.

Творчасць[правіць | правіць зыходнік]

Дэбютаваў у друку ў 1920 годзе. Першае апавяданне апублікаваў у 1925 г. (часопіс «Полымя»). Аўтар аповесцей «Знойдзены клад» (часопіс «Полымя», 1925), «Два шляхі» (часопіс «Полымя», 1926), «Вецер з Усходу» (1929), кнігі прозы «Над абрывам» (1929). Выступаў з літаратурна-крытычнымі артыкуламі пра творчасць М. Зарэцкага, К. Чорнага.

Зноскі

Літаратура[правіць | правіць зыходнік]

  • Беларускія пісьменнікі (1917—1990): Даведнік; Склад. А. К. Гардзіцкі. Нав. рэд. А. Л. Верабей. — Мн.: Мастацкая літаратура, 1994. — 653 с.: іл. ISBN 5-340-00709-X
  • Юрэвіч Л. Літаратурны рух на эміграцыі. — Мн: БГА, 2002.
  • Юрэвіч Л. На скрыжыванні вятроў: (Янка Ліманоўскі): [пра беларускага пісьменніка ў эміграцыі] // Запісы = Zapisy. — Нью-Ёрк-Мінск: БІНІМ, 2010. — Кн. 33. — С. 498—503.