Ян Жалезны

З пляцоўкі Вікіпедыя
Перайсці да навігацыі Перайсці да пошуку
Ян Жалезны
Jan Zelenzny.JPG
Агульная інфармацыя
Пол мужчынскі пол
Спецыялізацыя лёгкая атлетыка
Нарадзіўся 16 чэрвеня 1966(1966-06-16)[1][2][…] (56 гадоў)
Грамадзянства
Рост 186 см
Вага 88 кг
Commons-logo.svg Аўдыё, фота, відэа на Вікісховішчы

Ян Жалезны (чэшск.: Jan Železný; 16 чэрвеня 1966, Млада Болеслаў, Чэхаславакія) — чэхаславацкі і чэшскі кідальнік дзіды, трохразовы алімпійскі чэмпіён і трохразовы чэмпіён свету. 25 мая 1996 года ў Ене ўсталяваў сусветны рэкорд, які да гэтага часу застаецца непераўзыдзенным (98 м 48 см).

Выйграў Алімпійскія гульні 1992, 1996 і 2000 гадоў, заняў другое месца на Алімпіядзе 1988 года. Выйграў «золата» на чэмпіянатах свету 1993, 1995 і 2001 гадоў і «бронзу» ў 1987 і 1999 гадах. З-за доўгага і вельмі паспяховага выступлення лічыцца найлепшым дзідакідальнікам усіх часоў.

Акрамя сусветнага (98,48 м), Жалезны належыць рэкорд чэмпіянатаў свету (92,80 м). Ад другога выніку (93,09 м фіна Акі Парвіайнена) яго рэкорд свету пераўзыходзіў больш чым на 5 метраў. Ян Жалезны здзейсніў 53 кідка за 90 метраў, што на 23 верасня 2007 года больш за 40 такіх кідкоў ўсіх астатніх дзідакідальнікаў разам узятых. Прызнаваўся лёгкаатлетам года ў свеце (2000) і Еўропе (1996, 2000), найлепшым спартсменам Чэхіі (1993, 1995, 2000, 2001).

Ян Жалезны завяршыў сваю кар’еру ў 2006 годзе ў родным Млада Болеславе. З 2006 года на трэнерскай працы.

У гонар Яна названы астэроід (9224) Жалезны.

Зноскі

  1. Jan Železný // Brockhaus Enzyklopädie / Hrsg.: Bibliographisches Institut & F. A. Brockhaus, Wissen Media Verlag
  2. 2,0 2,1 Czech National Authority Database Праверана 23 лістапада 2019.
  3. Jan Zelezny // Міжнародная асацыяцыя лёгкаатлетычных федэрацый — 1912.
  4. The Fine Art Archive — 2003. Праверана 1 красавіка 2021.