Ян Лівенс

Ян Лівенс
Дата нараджэння	24 кастрычніка 1607(1607-10-24)[…]
Месца нараджэння	Лейдэн, Рэспубліка Злучаных правінцый
Дата смерці	4 чэрвеня 1674(1674-06-04)[…] (66 гадоў)
Месца смерці	Амстэрдам, Рэспубліка Злучаных правінцый
Грамадзянства	Рэспубліка Злучаных правінцый
Дзеці	Jan Andries Lievens[d]
Род дзейнасці	мастак, рысавальнік, мастак-гравёр, дзеяч выяўленчага мастацтва
Жанр	партрэт
Уплыў	Joris van Schooten[d]
Медыяфайлы на Вікісховішчы

Ян Лівенс (нідэрл.: Jan Lievens; 24 красавіка 1607, Лейдэн — 4 чэрвеня 1674, Амстэрдам) — нідэрландскі мастак Залатога стагоддзя. Звычайна асацыюецца з Рэмбрантам, з якім быў дружны і працаваў у адной майстэрні, у падобным стылі. На доўгі час быў забыты, бо з 1632 года працаваў як прыдворны мастак у Англіі і іншых краінах.

Біяграфія

Вучыўся жывапісу з васьмігадовага ўзросту, у тым ліку ў Пітэра Ластмана, вучнем якога некалькімі гадамі пазней стаў Рэмбрант. Маладыя мастакі пасябравалі, у іх была агульная студыя, у працах 1626—1631 гадоў прыкметна іх уплыў адно на аднаго. Канстантэйн Хёйгенс, партрэт якога Лівенс напісаў, пакінуў мемуарную запіску аб наведванні майстэрні двух мастакоў у 1628 годзе.

У 1632—1644 гадах Лівенс жыў у Вялікабрытаніі, працаваў пры англійскім двары, пакінуў партрэт караля Карла I. У гэты перыяд ён адчуў уплыў Ван Дэйка. Пазней працаваў у Антверпене, Гаазе, Берліне. Карыстаўся высокім заступніцтвам, вёў раскошнае жыццё. З 1655 года жыў у Амстэрдаме. Канец жыцця правёў у галечы, сям’я адмовілася ад яго, каб не браць на сябе даўгі мастака.