Ян Сцыпіён (сын Францішка)

Ян Сцыпіён
Дата смерці	не пазней за 17 сакавіка 1623 ці 1620
Грамадзянства	Вялікае Княства Літоўскае
Бацька	Францішак Сцыпіён
Дзеці	Мікалай Яўстафій Сцыпіён і Крыштаф Сцыпіён

Ян Сцыпіён дэль Кампа (пам. 1620) — дзяржаўны дзеяч Вялікага Княства Літоўскага.

Біяграфія

З роду Сцыпіёнаў, сын Францішка (меркавана, старэйшы).

Быў уладальнікам маёнтка Кудраўка. Ён займаў пасады гарадзенскага войскага і падкаморыя. У 1603 г. быў абраны дэпутатам Трыбунала ВКЛ. Разам са сваім братам (імя якога невядома) Ян Сцыпіён быў адным з фундатараў мужчынскага і жаночага бернардынскіх кляштараў у Горадні, дзе доўгі час былі фамільныя склепы Сцыпіёнаў. Паводле Ю. Ядкоўскага войскі гарадзенскі Ян Сцыпіён разам з братам Адамам (больш Адам Сцыпіён нідзе не згадваецца) заснаваў каля 1620 г. у Горадні кляштар бернардынак.

Смерць Яна Сцыпіёна была адзначана прамовай Пятра Весялоўскага — надворнага падскарбія ВКЛ.

Сыны Яна Сцыпіёна — Мікалай Яўстафій і Крыштаф — служылі пры каралеўскім двары.

Літаратура

• Данскіх С. Шляхта італьянскага паходжання ў Лідскім павеце ВКЛ: пытанні рэцэпцыі і асіміляцыі // Герольд Litherland № 17. 2006. — С. 57-68.