Ян Тамашэўскі

Ян Тамашэўскі
Ян Тамашэўскі
Род дзейнасці	горны інжынер
Дата нараджэння	7 студзеня 1903
Месца нараджэння	Жлобін, Лукаўская воласць[d], Рагачоўскі павет, Магілёўская губерня, Расійская імперыя;
Дата смерці	13 мая 1940 (37 гадоў)
Месца смерці	Катынь, Смаленскі раён, Смаленская вобласць, РСФСР, СССР;
Грамадзянства	Расійская імперыя; Польшча
Бітвы/войны	польска-савецкая вайна; Другая сусветная вайна;
Узнагароды і прэміі
	Медыяфайлы на Вікісховішчы

Ян Тамашэўскі (7 студзеня 1903, Жлобін — 13 мая 1940, Катынь) — паручнік пяхоты Войска Польскага, інжынер-гарняк, кавалер ордэна Virtuti Militari, ахвяра Катынскага расстрэла.

Біяграфія

Нарадзіўся ў Жлобіне (тады — Магілёўская губерня Расійскай імперыі) у сям’і Юзафа і Антаніны з Садоўскіх. Скончыў агульнаадукацыйную гімназію ў Варшаве, затым вучыўся на механічным факультэце Варшаўскай палітэхнікі. У 1920 годзе быў мабілізаваны ў склад Добраахвотнай кавалерыі і ўдзельнічаў у польска-савецкай вайне, дзе праявіў сябе і атрымаў Срэбраны Крыж ордэна Virtuti Militari.

Пасля дэмабілізацыі аднавіў вучобу, якую працягваў у Кракаўскай гарняча-металургічнай акадэміі, дзе атрымаў дыплом інжынера. Працаваў у шахце «Вуек» у Катавіцах. У 1929 годзе праходзіў вайсковыя зборы ў 1-м палку швалежэраў. У 1931 годзе скончыў курс у Бедруску, атрымаў званне падпаручніка, у 1939 годзе — паручніка рэзервы. Меў прызыўную прыпіску да 71-га палка пяхоты ў Замбраве.

У верасні 1939 года ўдзельнічаў у баях у складзе 78-га палка пяхоты з Баранавіч. Пасля савецкага ўварвання трапіў у палон, знаходзіўся ў лагеры ў Казельску. У маі 1940 года быў пераведзены да распараджэння НКУС і паміж 11 і 13 траўня забіты ў Катыні.

Узнагароды

Срэбраны Крыж ордэна Virtuti Militari № 2850

Літаратура

Katyń. Księga Cmentarna Polskiego Cmentarza Wojennego. Warszawa, 2000. ISBN 8390559072.
Kawalerowie Orderu Virtuti Militari w mogiłach katyńskich. Warszawa, 2000. ISBN 838789379X.
Убиты в Катыни. Масква: Мемориал, 2015. ISBN 978‑5‑78700‑123‑5.