Яраслава Аляксееўна Магучых

Яраслава Аляксееўна Магучых
укр.: Ярослава Олексіївна Магучіх
Агульная інфармацыя
Пол	жанчына
Спецыялізацыя	скачок у вышыню і indoor high jump[d]
Нарадзілася	19 верасня 2001(2001-09-19) (22 гады) Днепрапятроўск, Днепрапятроўская вобласць, Украіна
Грамадзянства	Украіна
Гады кар’еры	з 2016
Рост	180 см
Вага	55 кг
IAAF	14739628
Медыяфайлы на Вікісховішчы

Яраслава Аляксееўна Магучых (укр.: Ярослава Олексіївна Магучіх; нар. 10 верасня 2001, Днепрапятроўск, Украіна) — украінская лёгкаатлетка, якая спецыялізуецца ў скачках у вышыню. Бронзавы прызёр летніх Алімпійскіх гульняў 2020 года. Чэмпіёнка свету ў памяшканні 2022 года, чэмпіёнка Еўропы 2022 года, двухразовая чэмпіёнка Еўропы ў памяшканні (2021, 2023). Сярэбраны прызёр чэмпіянату свету (2019, 2022). Чэмпіёнка Украіны 2021 года. Двухразовая чэмпіёнка Украіны ў памяшканні (2020, 2021). Заслужаны майстар спорту Украіны (2020). Малодшы сяржант УСУ.

Біяграфія

Нарадзілася 19 верасня 2001 года ў Днепрапятроўску. Бацькі вырашылі аддаць Яраславу на каратэ, дзе трэніравалася яе старэйшая сястра Анастасія, сярэбраны прызёр чэмпіянату Еўропы па каратэ і ўладальнік карычневага пояса. Але Яраславе каратэ не спадабалася і яна занялася лёгкай атлетыкай. Паралельна з трэніроўкамі яна пачала сур’ёзна займацца маляваннем у стылі абстракцыі, нават удзельнічала ў конкурсах да 2015—2016 гадоў, пасля чаго канчаткова вырашыла сканцэнтравацца на лёгкай атлетыцы: займалася бегам з бар’ерамі і скачкамі ў даўжыню і вышыню.

Пачала ўдзельнічаць у буйных спаборніцтвах у 2016 годзе. Трэніруецца пад кіраўніцтвам Таццяны Сцяпанавай.

У 2018 годзе стала рэкардсменкай свету сярод юнакоў.

У маі 2019 года перамагла на этапе Брыльянтавай лігі ў Дохе (Катар).

30 верасня 2019 года на чэмпіянаце свету ў Дохе саступіла толькі Марыі Ласіцкенэ і заваявала сярэбраны медаль з тым жа вынікам і асабістым рэкордам — 204 см, які стаў новым сусветным рэкордам сярод юніёраў.

1 лютага 2020 года на другім этапе World Athletics Indoor Tour у нямецкім горадзе Карлсруэ Яраслава Магучых устанавіла сусветны рэкорд для юніёрак у скачку ў вышыню ў памяшканні 202 см. 16 лютага выйграла лёгкаатлетычны турнір «World Athletics Indoor Tour 2020» у Глазга (Шатландыя), скокнуўшы на 1,93 м. Яраслава Магучых стала пераможцай сезону World Athletics Indoor Tour у скачках у вышыню і атрымала wild card на зімовы чэмпіянат свету 2021 года, які павінен быў адбыцца ў сезоне 2020 года ў Кітаі, але з-за ўспышкі каранавіруснай інфекцыі COVID-19 быў перанесены.

У 2020 годзе была ўдастоена звання «Заслужаны майстар спорту Украіны».

2 лютага 2021 года Яраслава Магучых выйграла спаборніцтвы па скачках у вышыню ў памяшканнях у славацкай Банска-Бістрыцы, пераадолеўшы планку на вышыні 206 см. Адначасова 19-гадовая Яраслава ўстанавіла новы рэкорд Украіны і сусветны юніёрскі рэкорд. За ўсю гісторыю вышэй скакалі ў памяшканні толькі дзве лёгкаатлеткі.

На Алімпійскіх гульнях у Токіа ўзяла бронзу з вынікам 200 см.

У сакавіку 2022 года, праз некалькі дзён пасля вымушанага ад’езду са свайго роднага горада Дняпра, у сувязі з уварваннем расійскіх войскаў на Украіну, Магучых заваявала залаты медаль на чэмпіянаце свету ў памяшканні з вынікам 202 см. Каб дабрацца з Украіны, у якой ішлі баявыя дзеянні, да Сербіі, дзе праходзіў чэмпіянат свету, ёй давялося здзейсніць трохдзённае падарожжа ў 2000 км на аўтамабілі.

На чэмпіянаце свету 2022 года ў Юджыне (ЗША) Магучых разглядалася як фаварыт, але з вынікам 2,02 м заняла другое месца, саступіўшы па спробах аўстралійцы Элінор Патэрсан. Тым не менш Магучых стала адзінай украінкай, якая выйграла медаль на тым чэмпіянаце свету (у мужчын адзіны медаль Украіне прынёс скакун у вышыню Андрэй Працэнка).

На чэмпіянаце Еўропы па лёгкай атлетыцы 2022 года ў Мюнхене заваявала золата, стаўшы першай чэмпіёнкай Еўропы па скачках у вышыню ў гісторыі Украіны.

Узнагароды

• Ордэн княгіні Вольгі ІІІ ступені (16 жніўня 2021 года) — за дасягненне высокіх спартыўных вынікаў на ХХХІІ летніх Алімпійскіх гульнях у горадзе Токіа (Японія), праяўленыя самаадданасць і волю да перамогі.

Спасылкі

• На Вікісховішчы ёсць медыяфайлы па тэме Яраслава Аляксееўна Магучых