Яраслаў Сільвестравіч Пархута

Яраслаў Сільвестравіч Пархута
Яраслаў Сільвестравіч Пархута
Асабістыя звесткі
Псеўданімы	Я. Папруга
Дата нараджэння	8 сакавіка 1930
Месца нараджэння	Мілейкі, Косаўскі павет[d], Палескае ваяводства, Польская Рэспубліка;
Дата смерці	20 сакавіка 1996 (66 гадоў)
Месца смерці	Мінск, Беларусь;
Грамадзянства	СССР; Беларусь;
Альма-матар	БДУ; Мінская вышэйшая партыйная школа пры ЦК КПБ;
Месца працы	Вожык; Родная прырода;
Прафесійная дзейнасць
Род дзейнасці	пісьменнік, паэт, краязнавец, журналіст
Гады творчасці	з 1946
Жанр	апавяданне
Мова твораў	беларуская
Грамадская дзейнасць
Партыя	КПСС;
Член у	Саюз пісьменнікаў СССР; Саюз беларускіх пісьменнікаў;
Прэміі	Дзяржаўная прэмія Беларусі імя К. Каліноўскага (1992)

Яраслаў Пархута (8 сакавіка 1930, в. Мілейкі, Івацэвіцкі раён, Брэсцкая вобласць — 1996) — беларускі пісьменнік, краязнавец, журналіст.

Біяграфія[правіць | правіць зыходнік]

Нарадзіўся 8 сакавіка 1930 года ў вёсцы Мілейкі Івацэвіцкага раёна Брэсцкай вобласці ў сялянскай сям’і. Вучыўся на аддзяленні журналістыкі БДУ (1949—1952). З 1952 па 1953 год знаходзіўся на журналісцкай працы ў Гродзенскай вобласці. З 1953 па 1956 год служыў у Савецкай Арміі. З 1956 года — літаратурны супрацоўнік, загадчык аддзела поразаўскай раённай газеты «Ленінскі шлях», з 1959 года — намеснік рэдактара ружанскай раённай газеты «Заветы Леніна», з 1961 года — рэдактар гарадзішчанскай раённай газеты «Советская Родина», з 1962 года — намеснік рэдактара, загадчык аддзела баранавіцкай міжраённай газеты «Знамя коммунизма», з 1965 года — старшы рэдактар Брэсцкай студыі тэлебачання, у 1965—1969 гадах — загадчык аддзела, намеснік рэдактара маларыцкай раённай газеты «Сельскае жыццё». У 1973 годзе скончыў Вышэйшую партыйную школу пры ЦК КПБ у Мінску. У 1973—1977 гадах працаваў намеснікам рэдактара, рэдактарам аддзела часопіса «Вожык», у 1978—1982 гадах — рэдактарам аддзела часопіса «Родная прырода»^[1].

Член Саюза пісьменнікаў СССР з 1982 года.

Творчасць[правіць | правіць зыходнік]

У рэспубліканскім друку выступіў у 1946 годзе. Першы верш апублікаваў у 1949 годзе (брэсцкая абласная газета «Заря»). Асноўныя тэмы творчасці: чалавек і прырода, каханне, зямля, дзе нарадзіўся^[2]. Аўтар вершаваных казак «Казка зялёнай дубровы» (1960), «Перапёлачка» (1979), кніг прозы «Ты пайшла ў сонца» (1973), «Мудрая цялушка» (1976), «Там, дзе жыве Юлька» (1978), «Жаваранак над полем» (1985), «Зямля бацькоў нашых» (1988), «Пад высокім сонцам» (1988), «Дарогамі надзеі і трывог» (1989).

Узнагароды і прэміі[правіць | правіць зыходнік]

У 1992 годзе за кнігу «Зямля бацькоў нашых» Яраслаў Пархута атрымаў Дзяржаўную прэмію Беларусі ў галіне літаратуры, мастацтва і архітэктуры^[2].

Цікавыя факты[правіць | правіць зыходнік]

Яраслаў Пархута пехатой абышоў усю Беларусь^[3].

Бібліяграфія[правіць | правіць зыходнік]

«Зямля бацькоў нашых» / Яраслаў Пархута. — Мн.: Полымя, 1988.
«Дарогамі надзеі і трывог»: (палес. дзённік) / Яраслаў Пархута. — Мн.: Ураджай, 1989.
«Крыніца ёсць у родным краі…»: кн. падарожжаў / Яраслаў Пархута. — Мн.: Полымя, 1992.
«Перапёлачка»: для дашк. і мал. шк. узросту / Яраслаў Пархута. — Мн.: Міласэрнасць-90, 1993.
«Жальба жытняга коласа»: кн. падарожжаў" / Яраслаў Пархута. — Мн.: Полымя, 1993.
«Сустрэча з іншапланецянкай»: навэлы / Яраслаў Пархута. — Мн.: Маст. літ., 1994.
«Казкі дзеда Яраслава»: для мал. і сярэд. шк. узросту / Яраслаў Пархута. — Мн.: Полымя, 1995.

Зноскі

↑ http://www.slounik.org/81246.html Электронная энцыклапедыя
↑ ^а ^б Пархута Яраслаў Сільвестравіч на сайце анлайн-энцыклапедыі «Беларусь у асобах і падзеях»
↑ http://old.nlb.by/html/news2005/parhuta.html Архівавана 14 кастрычніка 2015. Сайт Нацыянальнай библіятэкі Беларусі

Літаратура[правіць | правіць зыходнік]

Парху́та Яраслаў Сільвестравіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 565. — 800 с. — 5 000 экз. — ISBN 985-11-0026-9.
Беларуская Савецкая Энцыклапедыя. У 12 т. / Рэдкал.: П. У. Броўка (гал. рэд.) і інш. — Мн.: БелСЭ.
Беларускія пісьменнікі (1917—1990): Даведнік / Склад. А. К. Гардзіцкі. Нав. рэд. А. Л. Верабей. — Мн.: Мастацкая літаратура, 1994. — 653 с.: іл. — 22 000 экз. — ISBN 5-340-00709-X.
Беларускія пісьменнікі: Біябібліяграфічны слоўнік. У 6 т. / пад рэд. А. І. Мальдзіса. — Мн.: Беларуская Энцыклапедыя, 1994. — Т. 4. Лазарук — Перкін. — 524 с.; іл.. — ISBN 5-85700-153-6.

Спасылкі[правіць | правіць зыходнік]

Выстаўка, прысвечаная 75-годдзю з дня нараджэння Яраслава Сільвестравіча Пархуты Архівавана 25 лютага 2023. // Нацыянальная бібліятэка Беларусі

[1] ttp://www.slounik.org/81246.html Электронная энцыклапедыя

[БАП-2] а ^б Пархута Яраслаў Сільвестравіч на сайце анлайн-энцыклапедыі «Беларусь у асобах і падзеях»

[3] ttp://old.nlb.by/html/news2005/parhuta.html Архівавана 14 кастрычніка 2015. Сайт Нацыянальнай библіятэкі Беларусі

[1]

[2]

[3]