Ясатхон (тайск. ยโสธร) — правінцыя на паўночным усходзе Тайланда, размешчана на рацэ Чы. Мяжуе з правінцыямі: Мукдахан, Амнатчарэн, Убонратчатхані, Сісакет і Роет. У паўночнай частцы правінцыі шмат раўнін з невысокімі ўзгоркамі. Паўднёвая частка абмываецца ракой Чы, з некалькімі сажалкамі і балотамі. Уся тэрыторыя правінцыі — плато Карат з сярэдняй абсалютнай вышынёй каля 200 м. Глебы Ясатхона сфарміраваны ў Трыясавага перыяду. Правінцыя была ўтворана 1 сакавіка 1972 года, калі аддзялілася ад правінцыі Убонратчатхані.