Ясуноры Міцуда
| Ясуноры Міцуда | |
|---|---|
| яп.: 光田康典 | |
.jpg) | |
| Асноўная інфармацыя | |
| Дата нараджэння | 21 студзеня 1972 |
| Месца нараджэння | Такуяма, Японія |
| Краіна | |
| Альма-матар | |
| Музычная дзейнасць | |
| Прафесіі | кампазітар, музыкант |
| Гады актыўнасці | з 1994 |
| Інструменты | Фартэпіяна, гітара |
| Жанры | музыка для відэагульняў, сусветная музыка, аркестравая, вакальная |
| Лэйбл | Sleigh Bells |
| Грамадская дзейнасць | |
| Член у | |
 Медыяфайлы на Вікісховішчы | |
| procyon-studio.com (яп.) | |
Ясуноры Міцуда (яп.: 光田 康典 Міцуда Ясуноры, 21 студзеня 1972) — японскі кампазітар і музыкант. Найбольш вядомы дзякуючы музыцы да серый відэагульняў Chrono, Xeno, Shadow Hearts, Inazuma Eleven ды інш. Міцуда пачаў пісаць музыку да ўласных камп’ютарных гульняў яшчэ ў школе, пасля чаго скончыў музычны каледж у Токіа. Падчас вучобы праходзіў стажыроўку ў студыі Wolf Team.
У 1992 годзе ён далучыўся да Square, дзе два гады працаваў дызайнерам гукавых эфектаў. Не задаволіўшыся роляй, Міцуда заявіў віцэ-прэзідэнту кампаніі Хіранобу Сакагучы, што звольніцца, калі не атрымае кампазітарскую працу. У выніку ён стаў адзіным аўтарам саўндтрэку да Chrono Trigger (1995) — кампазіцыі да гэтай гульні часта ўваходзяць у спісы найлепшай музыкі ў гісторыі відэагульняў.
Пазней Міцуда стварыў музыку да Xenogears (1998), Chrono Cross (1999) і іншых праектаў Square. У 1998 годзе ён пакінуў кампанію і перайшоў на фрыланс. У 2001-м заснаваў Procyon Studio і ўласны лэйбл Sleigh Bells. Сёння кампазітар працуе таксама ў кіно, анімэ і на тэлебачанні.
Біяграфія
[правіць | правіць зыходнік]Раннія гады
[правіць | правіць зыходнік]Міцуда нарадзіўся ў Такуяме (прэфектура Ямагучы) 21 студзеня 1972 года і вырас у акрузе Кумадзэ той жа прэфектуры[1]. З пяці гадоў ён вучыўся іграць на фартэпіяна, але хутка захапіўся спортам і кінуў заняткі[2][3]. У юнацтве марыў пра кар’еру прафесійнага гульца ў гольф. У сярэдняй школе вырашыў стаць кампазітарам, натхніўшыся саўндтрэкамі Вангеліса да «Blade Runner» і Генры Манчыні да «The Pink Panther».[3] Міцуда зацікавіўся камп’ютарамі, атрымаўшы ад бацькі рэдкі на той час ПК. Тады Міцуда пачаў праграміраваць простыя гульні і пісаць да іх музыку, паралельна вывучаючы тэхнічныя дысцыпліны.[2]
Пасля заканчэння школы Міцуда вырашыў выйсці «ў самастойнае жыццё». З падтрымкаю бацькі і сястры ён пераехаў у Токіа і паступіў у Малодшы музыкальны каледж. Хоць установа не лічылася прэстыжнай, выкладчыкі — практыкуючыя музыканты — часта бралі студэнта на канцэрты дапамагаць з пераносам і расстаноўкай апаратуры. За бясплатную фізічную працу Міцуда атрымліваў каштоўны досвед закулісся японскай музычнай сцэны, а таксама каштоўныя ўрокі як унутры, так і за межамі вучэбных кабінетаў. У межах каледжнага курса ён прайшоў стажыроўку ў відэагульнявой студыі Wolf Team, дзе вучыўся ў кампазітара Матоі Сакурабы.[4][2] Бліжэй да заканчэння вучобы, гартаючы Famitsu, ён убачыў аб’яву пра набор спецыялістаў па гуку ў кампанію Square. Не маючы планаў на тое, што рабіць пасля школы, ён падаў заяўку і ў красавіку 1992 года Міцуда далучыўся да кампаніі.[2]
Кар’ера
[правіць | правіць зыходнік]Нягледзячы на тое, што афіцыйная пасада Міцуды ў Square называлася «кампазітар», фактычна першы час ён працаваў перадусім як гукавы інжынер. На працягу наступных двух гадоў ён ствараў гукавыя эфекты для Hanjuku Hero: Aa, Sekaiyo Hanjukunare...!, Final Fantasy V, Secret of Mana і Romancing SaGa 2[5]. У 1994 годзе, разумеючы, што без кардынальных крокаў так і не атрымае сапраўднай кампазітарскай працы і абураны нізкім заробкам, ён паставіў віцэ-прэзідэнту Square Хіранобу Сакагучы ультыматум: дазвольце пісаць музыку або я звольнюся.[6] Сакагучы накіраваў маладога музыканта ў каманду Chrono Trigger, сказаўшы: «Калі скончыш праект, можа, тады зарплата і вырасце». Міцуда стаў адзіным кампазітарам гульні і ў выніку напісаў 54 трэкі для фінальнай версіі. Ён настолькі ўгрызаўся ў працу, што часта працаваў да страты прытомнасці, а прачынаўся з новымі ідэямі — напрыклад, фінальнай тэмай. Перанапружанне прывяло да язвы страўніка, і кампазітара давялося шпіталізаваць, пасля чаго астатнія трэкі завяршыў Нобуа Уэмацу[6][7].
Chrono Trigger стаў вялікім поспехам, а саўндтрэк атрымаў любоў фанатаў[7]. Сам Міцуда называе гульню сваёй «вяхой», якая зрабіла яго «дарослым»[3]. Ён прыпісвае поспех уплыву фолкавай і джазавай музыкі, а не папулярнаму тады «паўаркестраваму» стылю[8]. Пасля Chrono Trigger ён разам з Уэмацу стварыў саўндтрэк да Front Mission: Gun Hazard. Паводле слоў Уэмацу, Міцуда зноў працаваў настолькі фанатычна, што ад стрэсу ў яго з’явіліся розныя праблемы са здароўем, у тым ліку крывавыя дэфекацыі[9]. Для Square ён напісаў музыку яшчэ да трох праектаў: Tobal No. 1 і Radical Dreamers: Nusumenai Hōseki (абедзве ў 1996) і Xenogears (1998), дзе ўпершыню ў гісторыі Square прагучала балада — кельтычная фінальная тэма «Small Two of Pieces» у выкананні Джоан Хог. У гэты ж час Міцуда выдаў альбомы аранжыровак сваіх работ: acid-jazz-рэміксы Chrono Trigger Arranged Version: The Brink of Time і альбом кельтычных аранжыровак музыкі Xenogears, Creid[2][6]. У ліпені 1998 года, выканаўшы тое, пра што гаварыў яшчэ на сумоўі, ён пакінуў Square і стаў фрыланс-кампазітарам, першым з кампазітараў кампаніі, хто наважыўся на гэта[5].
Пасля выхаду з кампаніі, Міцуда працаваў са Square толькі над адным арыгінальным праектам — Chrono Cross (1999), працягам Chrono Trigger. З таго часу ён напісаў музыку больш чым да дзясятка гульняў, уключаючы духоўны працяг Xenogears — Xenosaga Episode I: Der Wille zur Macht, а таксама да буйных праектаў, такіх як Shadow Hearts і Luminous Arc. Акрамя відэагульняў, кампазітар стварыў музыку да анімэ Inazuma Eleven і да аўтарскага альбома Kirite[10]. 22 лістапада 2001 года ён заснаваў Procyon Studio як кампанію для стварэння ўласнай музыкі разам з лэйблам Sleigh Bells[11]. Першыя гады ў кампаніі, акрамя Міцуды, працавалі толькі некалькі гука-прадзюсараў, але пазней да іх далучыліся іншыя кампазітары[12]. Procyon Studio разам з Міцудай выпусціла яшчэ некалькі альбомаў аранжыровак, сярод якіх Sailing to the World і зборнік вакальных кампазіцый Міцуды 2009 года Colours of Light[10]. Студыя таксама ўдзельнічала ў супраектаванні праграмнага сітэзатара KORG DS-10 для Nintendo DS і яго пераемніка KORG M01D для Nintendo 3DS[8].
Напрыканцы 2000-х Міцуда пачаў працаваць як прадзюсар каманды аўтараў[8]. У 2010-я ён напісаў саўндтрэкі да серыі Inazuma Eleven, Soul Sacrifice і Valkyria Revolution; апошні стаў яго першай амаль за дзесяць гадоў цалкам сольнай работай над гульнявым саўндтрэкам[10][13][14][15][16]. Прыблізна ў той жа час ён пачаў пісаць музыку і для неігравых медыяпрадуктаў, сярод якіх некалькі тэлеперадач NHK, а таксама анімэ, такіх як Black Butler і анімэ-адаптацыі Inazuma Eleven[10][17][18][19]. Акрамя ролі вядучага кампазітара Xenoblade Chronicles 2 (2017), Міцуда адказваў за аўдыя-бюджэт гульні, браніраванне музыкантаў, кіраванне раскладам і карэктуру партытур; ён заяўляў, што гэта найбуйнейшы праект, над якім ён калі-небудзь працаваў[20][21]. Ён таксама склаў музыку для пакета пашырэння Torna – The Golden Country, а таксама да гульні Xenoblade Chronicles 3[22].
Музычны стыль і ўплывы
[правіць | правіць зыходнік]Міцуда сцвярджае, што складае музыку, «проста гулліва тыцкаючы па клавіятуры», пакуль мелодыі самі не прыходзяць у галаву[23]. Часам ідэі з’яўляюцца нават падчас сну — так нарадзілася фінальная тэма да Chrono Trigger і кампазіцыя «Bonds of Sea and Fire» з Xenogears — аднак галоўнай крыніцай натхнення ён лічыць візуальныя аб’екты, «карціны ці іншыя рэчы».[6] Музыка кампазітара часта мае мінімалістычны характар; сам Міцуда прызнаваўся, што адчувае ўплыў гэтага напрамку. Фінальныя батальныя тэмы Chrono Trigger і Xenogears пабудаваны былі ўсяго на некалькіх акордах, прычым апошняя — толькі на двух.[24] На працягу жыцця кампазітар слухаў самыя розныя жанры, пераняўшы густ ад бацькі. Асабліва ён натхняецца джазам.[6] У дзяцінстве, да таго, як звярнуцца да класікі, ён слухаў пераважна любімага джазмена бацькі — Арта Блэйкі, а таксама японскі электронны гурт Yellow Magic Orchestra.[25] Акрамя таго, на яго ўплывае кельцкая музыка, чаму ён прысвяціў два асобныя альбомы.[5] Саундтрэк да Chrono Trigger адлюстроўвае і азіяцкія матывы — гук японскай сякухачы, індыйскіх барабанаў таблы і сітары.[26] Сярод улюбёных класічных кампазітараў Міцуда называе Морыса Равеля, Іагана С. Баха, Пятра Чайкоўскага, Клода Дэбюсі, Роберта Шумана, Антаніна Дворжака і Густава Холста. Сучасных жа ўплываў, паводле яго, зашмат, каб пералічыць, бо ён слухае вельмі шмат музыкі.[3]
Міцуда сярод сваіх самых улюбёных уласных прац называе саўндтрэкі да серыі Chrono, Xenogears, Xenosaga Episode I і аўтарскі альбом Kirite. Пры гэтым ён падкрэслівае, што ўсе ягоныя саўндтрэкі з’яўляюцца «прадстаўнічымі творамі», бо дакладна адлюстроўваюць, якім кампазітарам ён быў у момант стварэння[3][5]. Асабліва дарагімі яму застаюцца кампазіцыі «The Girl Who Closed Her Heart» і «Pain» з Xenosaga Episode I, а таксама шэраг нумароў з Kirite[6]. Перад пачаткам працы над чарговым саўндтрэкам ён адводзіць прыкладна месяц, каб сабраць інфармацыю і візуальныя матэрыялы пра свет гульні і яе сцэнар, — гэта дапамагае напісаць музыку, якая арганічна ўплятаецца ў праект; візуальны матэрыял заўсёды ўзмацняе натхненне[3][6]. Кампазітар сцвярджае, што ніколі не «прытрымлівае» лепшыя ідэі для больш папулярных гульняў: кожны трэк ствараецца адпаведна таму, як ён будзе ўжыты ў асобнай гульні. Ён імкнецца пісаць выдатныя мелодыі нават для тых праектаў, якія, на яго думку, не дацягваюць да ўзроўню складзеных кампазіцый, — каб саўндтрэк стаў для гульца нейкай узнагародай[3]. Большая частка відэагульнявых саўндтрэкаў Міцуды прыпадае на ролевыя гульні, аднак аўтар ахвотна бярэцца і за незвычайныя для сябе праекты ў іншых жанрах[6].
Я думаю, што [музыка ў гульнях] павінна заставацца разам з гульцом. Гэта цікава, бо яна не можа быць проста выпадковай музыкай — яна мусіць пракласці шлях да сэрцаў гульцоў. У гэтым сэнсе гаворка ідзе не толькі пра гульнявую музыку: я перакананы, што кампазіцыі павінны пакідаць трывалы след… Я мушу памятаць, што яна павінна забаўляць слухачоў. Па шчырасці, тут няма нічога складанага. Я не раблю нічога празмерна дзёрзкага — і калі слухачам падабаецца мой твор або яны адчуваюць, што прад імі сапраўды выдатная кампазіцыя, значыць, я выканаў сваю працу.
— Ясуноры Міцуда, 2008[27]
Спадчына
[правіць | правіць зыходнік]
Музыку Міцуды з Chrono Trigger упершыню выканалі ўжывую ў 1996 годзе — яе сыграў Такійскі сімфанічны аркестр на канцэрце Orchestral Game Concert у Токіа, а запіс выйшаў на суправаджальным альбоме[28]. Першая сімфанічная прэзентацыя яго музыкі па-за Японіяй адбылася ў 2005 годзе на Symphonic Game Music Concert у Лейпцыгу, дзе прагучалі тэмы з Chrono Cross. У 2006-м Міцуда асабіста аранжыраваў музыку з Trigger і Cross для канцэртаў Play! A Video Game Symphony.[29] Трэкі з абедзвюх гульняў гучалі і на іншых турнэ па відэагульнявой музыцы, у тым ліку ў серыі канцэртаў Video Games Live і на выступах Eminence Orchestra[3][30]. Кампазіцыі з Chrono Trigger і Chrono Cross склалі чвэрць праграмы канцэртаў Symphonic Fantasies, што прайшлі ў верасні 2009 года ў Кёльнскай філармоніі і былі арганізаваныя Томасам Бёкерам у межах серыі Game Concerts.[31] Кампазіцыя «Scars of Time» з Chrono Cross прагучала таксама на канцэрце Fantasy Comes Alive ў Сінгапуры 30 красавіка 2010 года[32].
Музыка Міцуды да Xenogears натхніла фанатаў на выданне ўласных альбомаў: у 2005 годзе фан-група OneUp Studios выпусціла афіцыйна ліцэнзаваны трыб’ют-альбом Xenogears Light: An Arranged Album абмежаваным накладам[33]. Дыск утрымлівае 20 трэкаў, перааранжыраваных з арыгінальнага саўндтрэку Xenogears і сыграных на такіх акустычных інструментах, як фартэпіяна, флейта, гітара і скрыпка[34]. Яшчэ адзін, неафіцыйны лічбавы рэмікс-альбом Humans + Gears з 33 трэкаў выпусціла супольнасць OverClocked Remix 19 кастрычніка 2009 года[35]. Падборкі рэміксаў на творы Міцуды выходзяць таксама на японскіх рэмікс-альбомах, якія называюцца додзін, і на англамоўных вэб-сайтах з рэміксамі, напрыклад OverClocked Remix[36]. Музыка з Chrono Trigger была аранжыраваная для фартэпіяна і выдадзена нотамі кампаніяй DOREMI Music Publishing[37]. Procyon Studio апублікавала ноты кампазіцый з Chrono Cross — для сольнай гітары і для гітарнага дуэта.
Да 20-годдзя Chrono Trigger у 2015 годзе Міцуда разам з гуртом Millennial Fair даў 25 і 26 ліпеня канцэрт-шоу «The Brink of Time» з кампазіцыямі з гульні ў тэатры Tokyo Globe (Токіа), дзе сам граў на фартэпіяна, гітары і ірландскім бузукі[38]. Падчас мерапрыемства ён абвясціў, што даўно чаканы аранжыровачны альбом серыі Chrono — To Far Away Times: Chrono Trigger & Chrono Cross Arrangement Album — выйдзе на лэйбле Square Enix Music 14 кастрычніка 2015 года[39][40][41].
Вядомыя працы
[правіць | правіць зыходнік]Відэагульні
[правіць | правіць зыходнік]Анімэ
[правіць | правіць зыходнік]| Год | Назва | Роля(і) | Ref. |
|---|---|---|---|
| 2004 | Pugyuru | музыка | [10] |
| 2008 | Inazuma Eleven | музыка | [10] |
| 2010 | Inazuma Eleven: Saikyō Gundan Ōga Shūrai | музыка | [10] |
| 2012 | Inazuma Eleven GO: Chrono Stone | музыка (з Сіха Тэрада і Нацумі Камэока) | [10] |
| Chōyaku Hyakunin isshu: Uta Koi | музыка (з Макі Кірыока) | [10] | |
| Inazuma Eleven GO vs. Danbōru Senki W | музыка (з Нацумі Камэока і Рэй Кандо) | [10] | |
| 2013 | Inazuma Eleven GO: Galaxy | музыка (з Нацумі Камэока) | [10] |
| 2014 | Inazuma Eleven: Chou Jigen Dream Match | музыка | [10] |
| Black Butler: Book of Circus | музыка | [17] | |
| Black Butler: Book of Murder | музыка | [18] | |
| 2017 | Black Butler: Book of the Atlantic | музыка | [10] |
| 2018 | Inazuma Eleven: Ares | музыка | [10] |
| Inazuma Eleven: Orion no Kokuin | музыка | [62] | |
| Yo-kai Watch: Forever Friends | рэжысёр запісу; аранжыроўкі (з Марыям Абунаср) | [10] | |
| 2021 | Irina: The Vampire Cosmonaut | музыка | [63] |
| 2024 | Delicious in Dungeon | музыка (з Шунсукэ Цучыя) | [64][65] |
Іншыя праекты
[правіць | правіць зыходнік]| Год | Назва | Роля(і) | Ref. |
|---|---|---|---|
| 1995 | Chrono Trigger Arranged Version: The Brink of Time | прадзюсар | [10] |
| 1998 | Creid | аранжыроўкі музыкі з Xenogears | [10] |
| 2005 | Kirite | сольны альбом | [10] |
| Specter | фільм; музыка (з Кадзумі Мітомэ) | [10] | |
| 2009 | Colours of Light | сольны альбом | [10] |
| 2011 | Myth: The Xenogears Orchestral Album | прадзюсар, аранжыроўкі | [10] |
| Play for Japan: The Album | кампазіцыя «Dimension Break» | [10] |
Заўвагі
[правіць | правіць зыходнік]Крыніцы
[правіць | правіць зыходнік]- ↑ Profile (яп.). procyon-studio.com. Праверана 31 кастрычніка 2022.
- ↑ а б в г д Yasunori Mitsuda Profile (яп.)(недаступная спасылка). Our Millennial Fair (1999). Архівавана з першакрыніцы 23 ліпеня 2016. Праверана 2 лістапада 2009.
- ↑ а б в г д е ё ж Peter, James. Yasunori Mitsuda Interview (англ.)(недаступная спасылка). PALGN (13 кастрычніка 2006). Архівавана з першакрыніцы 11 чэрвеня 2011. Праверана 3 лістапада 2009.
- ↑ Yasunori Mitsuda 20th anniversary interview (яп.). 2083.jp. Праверана 27 жніўня 2015.
- ↑ а б в г д е ё ж з Mitsuda, Yasunori. Yasunori Mitsuda Interview: His Life and Works (October 2005) (англ.). Game Music Online (1 кастрычніка 2005). Праверана 18 жніўня 2014.
- ↑ а б в г д е ё ж Kennedy, Sam. Radical Dreamer: Yasunori Mitsuda Interview (англ.)(недаступная спасылка). 1UP.com (28 студзеня 2008). Архівавана з першакрыніцы 27 лютага 2009. Праверана 2 лістапада 2009.
- ↑ а б Kohler, Chris (2004-09-14). Power-Up: How Japanese Video Games Gave the World an Extra Life(англ.). Brady Games. ISBN 0-7440-0424-1.
- ↑ а б в г Mitsuda, Yasunori. Yasunori Mitsuda Interview: Since We Last Spoke… (October 2009) (англ.). Game Music Online (30 кастрычніка 2009). Праверана 18 жніўня 2014.
- ↑ Mitsuda, Yasunori; Uematsu, Nobuo (1995-12-12). Gun Hazard Original Sound Track -Front Mission Series- Liner Notes. NTT Publishing. PSCN-5044~5.
- ↑ а б в г д е ё ж з і к л м н о п р с т у ф х ц ч ш э ю я аа аб ав аг ад ае аё аж аз аі ак ал ам ан ао ап ар ас ат ау аф ах ац ач аш аэ аю ая ба бб бв бг бд бе бё бж бз бі бк бл бм бн бо бп бр бс бт Yasunori Mitsuda worklist (яп.). Procyon Studio. Праверана 31 кастрычніка 2022.
- ↑ Company – Procyon Studio Co., Ltd. (яп.). Procyon Studio. Праверана 31 кастрычніка 2022.
- ↑ Staff – Procyon Studio Co., Ltd. (яп.). Procyon Studio. Праверана 31 кастрычніка 2022.
- ↑ Xenoblade Chronicles 2 Composer Updates On Working With The Bratislava Symphony Choir. siliconera.com (3 мая 2017). Архівавана з першакрыніцы 3 мая 2017. Праверана 11 мая 2017.
- ↑ Xenoblade Chronicles 2 Has Music So Good It Made The Composer Cry. attackofthefanboy.com (6 мая 2017). Архівавана з першакрыніцы 6 мая 2017. Праверана 11 мая 2017.
- ↑ Sato. Valkyria: Azure Revolution Gets An Extended Trailer, Details And Concept Behind Its Music. Siliconera (22 студзеня 2016). Архівавана з першакрыніцы 24 студзеня 2016. Праверана 24 студзеня 2016.
- ↑ Yasunori Mitsuda set to publish first game soundtrack in five years. Video Game Music Online (5 студзеня 2017). Праверана 12 студзеня 2017.
- ↑ а б Book of Circus Cast/Staff. kuroshitsuji.tv. Праверана 22 сакавіка 2014.
- ↑ а б Book of Murder Cast/Staff. kuroshitsuji.tv. Праверана 30 верасня 2014.
- ↑ Yasunori Mitsuda Interview: Reflections and Revelations. Video Game Music Online (8 лістапада 2017). Праверана 8 лістапада 2017.
- ↑ Composer Yasunori Mitsuda Says Xenoblade Chronicles 2 Is The Largest Production He's Worked On. siliconera.com (7 красавіка 2017). Архівавана з першакрыніцы 7 красавіка 2017. Праверана 11 мая 2017.
- ↑ Xenoblade Chronicles 2: Behind Yasunori Mitsuda's music(недаступная спасылка). Nintendo. Архівавана з першакрыніцы 7 снежня 2017. Праверана 28 лістапада 2017.
- ↑ а б Xenoblade Chronicles 2: Torna – The Golden Country Soundtrack Makes Its Digital Debut. Siliconera (14 снежня 2018). Праверана 20 снежня 2018.
- ↑ Mitsuda, Yasunori. Interview with Yasunori Mitsuda (RocketBaby – February 2001) (англ.). RocketBaby (1 лютага 2001). Праверана 3 лістапада 2009.
- ↑ Mitsuda, Yasunori (1999-12-18). Chrono Cross Original Soundtrack Liner Notes. DigiCube. SSCX-10040.
- ↑ Yasunori Mitsuda – 2003 Composer Interview. Game Hihyou(англ.). Shmuplations. 2003. Праверана 2023-07-02.
- ↑ Patrick Gann. Chrono Trigger OST (англ.)(недаступная спасылка). RPGFan (19 мая 2002). Архівавана з першакрыніцы 1 снежня 2010. Праверана 10 лістапада 2009.
- ↑ Chrono Trigger | Square Enix (англ.) (Flash). Square Enix. Праверана 3 лістапада 2009.
- ↑ Orchestral Game Concert 5 (1996-01-21). Sony. SRCL-2739.
- ↑ Driker, Brandon. Play! A Video Game Symphony (англ.)(недаступная спасылка). N-Sider (30 мая 2006). Архівавана з першакрыніцы 20 студзеня 2013. Праверана 30 красавіка 2009.
- ↑ Johnson, Stephen. Video Games Live to play E3 (англ.)(недаступная спасылка). G4TV (13 красавіка 2009). Архівавана з першакрыніцы 20 верасня 2012. Праверана 28 красавіка 2009.
- ↑ Chris Greening. Interview with Symphonic Fantasies Producer (January 2009) (англ.). Square Enix Music Online (1 студзеня 2009). Праверана 13 снежня 2010.
- ↑ Fantasy Comes Alive :: Report by Between Moments (англ.). Square Enix Music Online. Праверана 9 чэрвеня 2010.
- ↑ Xenogears Light (англ.)(недаступная спасылка). OneUp Studios. Архівавана з першакрыніцы 25 мая 2007. Праверана 27 ліпеня 2008.
- ↑ Chris Greening. Interview with Mustin of OneUp Studios (August 2008) (англ.). Square Enix Music Online (1 жніўня 2008). Праверана 13 снежня 2010.
- ↑ Humans + Gears: Xenogears Remixed. OverClocked Remix (19 кастрычніка 2009). Праверана October 19, 2009.
- ↑ Game: Chrono Trigger (1995, Square, SNES) – Remixes (англ.). OverClocked ReMix. Праверана 30 красавіка 2009.
- ↑ Doremi Music Web Site (яп.). DOREMI Music Publishing. Праверана 14 верасня 2008.
- ↑ The Brink of Time - Yasunori Mitsuda & Millennial Fair(недаступная спасылка). Procyon Studio. Архівавана з першакрыніцы 11 мая 2015. Праверана 2 чэрвеня 2015.
- ↑ Yasunori Mitsuda records long-awaited Chronos arranged album. Video Game Music Online (27 ліпеня 2015). Праверана 28 ліпеня 2015.
- ↑ ハルカナルトキノカナタヘ. Square Enix Music. Праверана 29 ліпеня 2015.
- ↑ Chrono Trigger & Chrono Cross Arrangement Album. Square Enix Music. Праверана 27 кастрычніка 2015.
- ↑ Norman, Jim. Random: Yasunori Mitsuda Reveals Almost 200 Songs Were Scrapped From Mario Party's Soundtrack (англ.). Nintendo Life (2 лістапада 2022). Праверана 2 лістапада 2022.
- ↑ Lime Odyssey dev blog features the music of Yasunori Mitsuda. Engadget (15 ліпеня 2016). Праверана 6 ліпеня 2019.
- ↑ Ken ga Kimi Theme Song "Kiseki". VGMdb. Праверана 18 жніўня 2014.
- ↑ Sato. Capcom's Euro Historia Features Music By Chrono Trigger Composer. Siliconera (3 жніўня 2013). Праверана 18 жніўня 2014.
- ↑ Achieved 1.8M downloads! Check out Yasunori's new song!(недаступная спасылка). Terra Battle. Архівавана з першакрыніцы April 12, 2015. Праверана 6 красавіка 2015.
- ↑ Imageepoch, Sega to Release Stella Glow 3DS Game in Japan on June 4. Anime News Network. Праверана 10 сакавіка 2015.
- ↑ Seventh Rebirth Is A Mobile RPG By Final Fantasy XI Producer And Other Big Names. Siliconera. Архівавана з першакрыніцы 11 студзеня 2019. Праверана 31 снежня 2016.
- ↑ Sato. Valkyria: Azure Revolution Gets An Extended Trailer, Details And Concept Behind Its Music. Siliconera (22 студзеня 2016). Архівавана з першакрыніцы 24 студзеня 2016. Праверана 24 студзеня 2016.
- ↑ Chrono Trigger And Xenogears Writer's Smartphone RPG Another Eden To Be At TGS 2016. Siliconera (9 верасня 2016). Праверана 6 красавіка 2017.
- ↑ Xenoblade Chronicles 2 Announced for Nintendo Switch. IGN (13 студзеня 2017). Праверана 13 студзеня 2017.
- ↑ Gallagher, Matthew. Yasunori Mitsuda named composer for Final Fantasy XV: Episode Ignis. Video Game Music Online (30 ліпеня 2017). Архівавана з першакрыніцы 30 ліпеня 2017. Праверана 30 ліпеня 2017.
- ↑ ウイニングハンド (яп.). Google Play. — «■音楽 プロキオン・スタジオ 光田 康典 土屋 俊輔 マリアム・アボンナサー» Праверана 15 ліпеня 2020.
- ↑ Sega announces real-time strategy game Revolve8: Episodic Dueling for smartphones. Gematsu (10 ліпеня 2018). Праверана 19 снежня 2018.
- ↑ 落ち物デッキバトル『錬神のアストラル』配信記念インタビュー作曲家編。光田康典氏、下村陽子氏ら豪華メンバー6人が集う (яп.). automaton-media.com (26 снежня 2019). Праверана 6 сакавіка 2020.
- ↑ Edge Of Eternity – Interview Music with The Composer. GamesNosh. Праверана 10 лістапада 2018.
- ↑ Неабходна задаць title= і url= для шаблона {{cite web}}. sin_chronicle. [1] (яп.). Twitter (26 красавіка 2022). Праверана 25 сакавіка 2023.
- ↑ Romano, Sal. Xenoblade Chronicles 3 announced for Switch. Gematsu (9 лютага 2022). Праверана 10 лютага 2022.
- ↑ Chrono Trigger Composer Contributing Original Music To Sea Of Stars. GameSpot. Праверана 7 красавіка 2020.
- ↑ Romano, Sal. Virtual reality tactical action game Soul Covenant announced for PS VR2, PC, and Quest 2. Gematsu (14 верасня 2023). Праверана 4 ліпеня 2023.
- ↑ Romano, Sal. Nacon and Midgar Studio announce action RPG Edge of Memories for PS5, Xbox Series, and PC. Gematsu (25 лютага 2025). Праверана 26 лютага 2025.
- ↑ Inazuma Eleven New Series Starts in October. manga.tokyo. Праверана 10 лістапада 2018.
- ↑ Funimation Streams Irina: The Vampire Cosmonaut Anime. Anime News Network (29 верасня 2021). Праверана 28 лістапада 2021.
- ↑ Delicious in Dungeon Anime's Teaser Trailer Reveals Main Cast, More Staff, January 2024 Debut. Anime News Network (25 мая 2023). Праверана 25 мая 2023.
- ↑ Works in 2024 (яп.). procyon-studio.co.jp. — «Composition and Arrangement: Yasunori Mitsuda, Shunsuke Tsuchiya» Праверана 11 чэрвеня 2023.
Спасылкі
[правіць | правіць зыходнік]- procyon-studio.com — афіцыйны сайт (яп.)
- Procyon Studio (яп.)
| Фота, відэа і аўдыё | |||||
|---|---|---|---|---|---|
| Тэматычныя сайты | |||||
| |||||
- Асобы
- Нарадзіліся 21 студзеня
- Нарадзіліся ў 1972 годзе
- Музыканты паводле алфавіта
- Кампазітары Японіі
- Кампазітары музыкі для відэагульняў Японіі
- Аранжыроўшчыкі Японіі
- Кампазітары-мінімалісты
- Супрацоўнікі Square Enix
- Японскія кампазітары XX стагоддзя
- Японскія кампазітары XXI стагоддзя
- Кампазітары анімэ
- Фрыланс-музыкі