Ясін Буну

Ясін Буну
Агульная інфармацыя
Нарадзіўся	5 красавіка 1991(1991-04-05) (35 гадоў) Манрэаль, гарадская агламерацыя Манрэаля[d], рёгіён Манрэаль[d], Квебек, Канада
Грамадзянства	Марока
Рост	195 см
Пазіцыя	брамнік
Клубная кар’ера
2023—0000 Аль-Хіляль Эр-Рыяд[d] 88 (0)
Медыяфайлы на Вікісховішчы

Ясін Буну (араб. ياسين بونو‎; нар. 5 красавіка 1991) — мараканскі футбаліст, брамнік саудаўскага клуба «Аль-Гіляль» і нацыянальнай зборнай Марока. Спартсмен нарадзіўся ў канадскім Манрэалі ў мараканскай сям’і, якая, калі малому было тры гады, вярнулася ў Марока.

Кар’ера

Клубная

Ігрок далучыўся да акадэміі клуба «Выдад», якую скончыў і быў залічаны ў шэрагі асноўнай каманды клуба. Дэбютаваў у складзе клуба ў 2011 годзе. Сваімі нешматлікімі выступамі прыцягнуў увагу мадрыдскага «Атлетыка», які набыў футбаліста 14 чэрвеня 2012 года. У Іспаніі мараканец не здолеў прабіцца ў асноўны склад, час ад часу з'яўляючыся ў заяўцы на гульні як рэзервовы брамнік. Пасля сыходу ўлетку 2014 года Цібо Куртуа і Даніэля Арансубіі брамнік стаў часцей з'яўляцца на лаве запасных ігракоў, аднак 1 верасня на правах арэнды перайшоў у «Сарагосу», якая тым часам знаходзілася ў другім дывізіёне. Першы час мараканец не выходзіў на пляцоўку, дэбютаваўшы толькі 11 студзеня ў прагуляным матчы супраць «Лас-Пальмасу» з лікам 5:3. Па вяртанні ў Мадрыд пасля двухгадовай арэнды, ігрок сышоў у «Жырону». Мараканец чаргаваў гульні з іншым брамнікам клуба Рэнэ Раманам, а клуб прабіўся да ўдзелу ў розыгрышу Ла-Лігі. На пачатку 2019 годзе стаў асноўным бранікам клуба, але паводле вынікаў сезона 2019—2020 гадоў каталонскі клуб страціў месца ў элітным дывізіёне. Тым не менш, Буну застаўся выступаць у Ла-Лізе, бо быў прыдбаны «Севільяй». Брамнік, аднак, быў рэзервай для Томаша Вацліка, але пасля сыходу чэха мараканец стаў часцей з'яўляцца на пляцоўцы.

Міжнародная

Буну меў магчымасць выступаць як за зборную Канады, гэтак і за зборную Марока. Брамнік абраў Марока, за зборную якой дэбютаваў 15 жніўня 2013 года ў таварыскім матчы супраць зборнай Буркіна-Фасо.

Дасягненні

«Выдад»:

• Чэмпіён Марока: 2010

«Атлетыка»:

• Уладальнік Суперкубка Іспаніі: 2014

«Севілья»:

• Пераможца Лігі Еўропы: 2020, 2023

«Аль-Гіляль»:

• Чэмпіён Саудаўскай Аравіі: 2024
• Уладальнік Кубка Саудаўскай Аравіі: 2024
• Уладальнік Суперкубка Саудаўскай Аравіі: 2023

Спасылкі

• Профіль на сайце transfermarkt.com (англ.)
• Профіль на сайце soccerway.com (англ.)
• Профіль на сайце worldfootball.net (англ.)