Яўген Паўлавіч Урублеўскі

Яўген Паўлавіч Урублеўскі
Яўген Паўлавіч Урублеўскі
Дата нараджэння	16 лютага 1952 (72 гады)
Месца нараджэння	Тоўстэ, Украіна;
Месца працы	Смаленская дзяржаўная акадэмія фізічнай культуры, спорту і турызму[d]; Гомельскі дзяржаўны ўніверсітэт імя Францыска Скарыны; Палескі дзяржаўны ўніверсітэт; БелІІЧТ;
Навуковая ступень	доктар педагагічных навук (2009)
Навуковае званне	прафесар (2009);
Альма-матар	Факультэт фізічнай культуры ГДУ імя Ф. Скарыны (1973);
Узнагароды	ганаровы знак «За заслугі ў развіцці фізічнай культуры і спорту»[d] (2005) ветэран працы[d] (2009)

Яўген Паўлавіч Урублеўскі (нар. 16 лютага 1952, пгт Тоўстэ, Цярнопальская вобласць, УССР) — беларускі педагог, спецыяліст у галіне тэорыі і методыкі фізічнага выхавання, спартыўнай трэніроўкі, аздараўленчай і адаптыўнай фізічнай культуры. Доктар педагагічных навук (Расія, 2009; Беларусь, 2010), прафесар (Расія, 2009; Беларусь, 2010).

Біяграфія

Скончыў Гомельскі дзяржаўны ўніверсітэт (спецыяльнасць «Фізічнае выхаванне», 1973), Дзяржаўны цэнтральны інстытут фізічнай культуры (аспірантура, 1983), Расійскі дзяржаўны ўніверсітэт фізічнай культуры, спорту і турызму (дактарантура, 2006).

Працаваў у Беларускім інстытуце інжынераў чыгуначнага транспарту (1974—1981, кафедра фізічнага выхавання і спорту, выкладчык), Смаленскай дзяржаўнай акадэміі фізічнай культуры, спорту і турызму (1983—2009, у 1991—2003 і 2006—2009 — загадчык кафедры тэорыі і методыкі лёгкай атлетыкі), Палескім дзяржаўным універсітэце (2009—2015, загадчык кафедры фізічнай культуры і спорту), Гомельскім дзяржаўным універсітэце імя Ф. Скарыны (з 2015, факультэт фізічнай культуры, у 2015—2017 — кафедра тэорыі і методыкі фізічнай культуры, з 2017 — кафедра спартыўных дысцыплін, прафесар).

Навуковыя інтарэсы: лёгкая атлетыка; спартыўная трэніроўка; індывідуалізацыя падрыхтоўкі жанчын у спартыўнай дзейнасці. Пазапрафесійная дзейнасць: спартыўныя танцы.

Узнагароды

Знакі «Выдатнік фізічнай культуры і спорту» (Расія, 2000), «За заслугі ў развіцці фізічнай культуры і спорту» (Расія, 2005), медалі «80 гадоў Дзяржкамспорту Расіі» (2003), «Ветэран працы» (Расія, 2009) і інш.

Зноскі

Спасылкі