103-я асобная гвардзейская паветрана-дэсантная брыгада
| 103-я Вiцебская асобная гвардзейская ордэна Леніна, Чырванасцяжная, ордэна Кутузава II ступені паветрана-дэсантная брыгада імя 60-годдзя СССР | |
|---|---|
 Нарукаўны знак 103-й асобнай брыгады | |
| Гады існавання | з жніўня 1944 г. |
| Краіна |
 СССР Беларусь |
| Уваходзіць у | Cілы спецыяльных аперацый Узброеных Сіл Рэспублікі Беларусь |
| Тып | airborne infantry brigade[d] і Савецкая гвардыя |
| Дыслакацыя | Віцебск |
| Удзел у |
Вялікая Айчынная вайна Пражская вясна Вайна ў Афганістане (1979—1989) Міратворчая місіі ў Ліване[К 1] Міратворчая аперацыя АДКБ у Казахстане |
| Знакі адрознення |
    |
| Камандзіры | |
| Дзеючы камандзір | гвардыі-палкоўнік Шадура[4] |
| Вядомыя камандзіры |
Павел Грачоў (1985—1988) Яўген Бачароў (1988—1991) |
103-я Вiцебская асо́бная гвардзе́йская ордэна Леніна Чырванасцяжная ордэна Кутузава II ступені паветрана-дэсантная брыгада імя 60-годдзя СССР — адно з падраздзяленняў Cілаў спецыяльных аперацый Узброеных Сіл Рэспублікі Беларусь.
Гісторыя брыгады ў савецкі перыяд[правіць | правіць зыходнік]
У жніўні 1944 года са складу часцей і злучэнняў, якія прыбылі з дзеючай арміі, а таксама з ізноў сфарміраваных, у складзе паветрана-дэсантных войскаў былі створаны тры гвардзейскіх паветрана-дэсантных карпусы — 37-ы, 38-ы і 39-ы, якія ў кастрычніку таго ж года былі зведзены ў Асобную гвардзейскую паветрана-дэсантную армію. У яе ўвайшлі дзевяць гвардзейскіх паветрана-дэсантных дывізій — 13-я, 98-я і 99-я (37-ы ВДК), 11-я, 12-я і 16-я (38-ы ВДК), 8-я, 14-я і 100-я (39-ы ВДК). Але ў такім выглядзе армія праіснавала нядоўга. У снежні 1944 года было прынята рашэнне ўвесці ў бой на найбольш важным напрамку паветрана-дэсантныя войскі ў якасці стралковых дывізій. Пачалося перафармаванне ПДВ па штатах стралковых дывізій. У выніку была створана агульнавайсковая 9-я гвардзейская армія ў складзе трох карпусоў (37-ы, 38-ы і 39-ы). Карпусы і дывізіі сталі называцца стралковымі, некаторыя дывізіі атрымалі новыя нумары.
Згодна з загадам Стаўкі Вярхоўнага Галоўнакамандавання №0047 ад 18 снежня 1944 года і загадам камандзіра 37-га гвардзейскага стралковага Свірскага орпуса №0073 ад 28 снежня 1944 года на базе 13 гвардзейскай паветрана-дэсантнай дывізіі фарміруецца 103-я гвардзейская стралковая дывізія.
3 чэрвеня 1946 года 103-я гвардзейская стралковая дывізія была перафарміравана у 103-ю гвардзейскую Чырванасцяжную Ордэна Кутузава 2-й ступені паветрана-дэсантную дывізію. Дывізія з 1946 года дыслакавалася ў Віцебску.
У 1968 годзе 103-я паветрана-дэсантная дывізія ўдзельнічала ў аперацыі «Дунай» пры ўварванні ў Чэхаславакію.
Дывізія ўдзельнічала ў вайне ў Афганістане з першага (25 снежня 1979 года) і да апошняга (15 лютага 1989 года) дня.
Злучэнне ў Узброеных Сілах Беларусі[правіць | правіць зыходнік]
У 1993 годзе на базе ўпраўлення дывізіі было створана ўпраўленне Мабільных сіл Рэспублікі Беларусь. На базе 317 ПДП — 317-я асобная мабільная брыгада, на базе 350 ПДП — 350-я асобная мабільная брыгада, на базе 357 ПДП — 357-я асобны навучальны мабільны батальён. Артылерыйскі полк — расфармаваны.
У 1995 годзе Упраўленне мабільных сіл было перададзена ў склад сухапутных войскаў. У тым жа годзе расфармаваны 357-ы анмб.
У 2002 годзе расфарміроўваюць 350-ю амб і Упраўленне мабільных сіл. У канцы 2002 года 317-й асобнай мабільнай брыгадзе перадаюць сцяг 103-й ПДД. З гэтага моманту яна стала называцца 103-я асобная мабільная брыгада.
Па выніках 2013—2014 гадоў злучэнне прызнана лепшым у сілах спецыяльных аперацый Узброеных Сіл Беларусі[5].
З 2 жніўня 2016 года брыгада была перайменавана ў 103-й асобную гвардзейскую ордэна Леніна, Чырванасцяжную, ордэна Кутузава II ступені паветрана-дэсантную брыгаду імя 60-годдзя СССР[6].
14 студзеня 2020 года міністрам абароны Рэспублікі Беларусь прынята рашэнне аб прысваенні брыгадзе наймення па пункце дыслакацыі: 103-я Віцебская асобная гвардзейская паветрана-дэсантная ордэна Леніна, Чырвонасцяжная, ордэна Кутузава II ступені брыгада імя 60-годдзя СССР[7].
У студзені 2022 года падраздзяленне, а менавіта міратворчая рота з яго складу, адпраўлена для ўдзелу ў міратворчай аперацыі АДКБ на тэрыторыі Казахстана[8].
Каментарыі[правіць | правіць зыходнік]
- ↑ На базе 103-й брыгады дыслакуецца таксама міратворчая рота, якая структурна адносіцца да 120-й[1]. Па гэтай прычыне часам роту прылічаюць менавіта да 103-й[2]. Краіна ўдзельнічае ў місіі з 2010 года на падставе ўказа прэзідэнта №400 «Аб накіраванні вайскоўцаў Узброеных Сіл Рэспублікі Беларусь для ўдзелу ў дзейнасці па падтрыманні міжнароднага міру і бяспекі ў Ліванскай Рэспубліцы», падпісанага 2 жніўня таго ж года[3]
Зноскі
- ↑ Миротворческая рота Беларуси // СБ. Беларусь сегодня, 13 ноября 2013
- ↑ Денис Бурковский. Правда ли, что 600 белорусских солдат могут отправиться в Сирию? Разбираемся в вопросе // TUT.BY, 1 февраля 2021
- ↑ Белорусские миротворцы в Ливане, В Ливан направляется группа белорусских миротворцев
- ↑ «"Крылатая пехота" — впереди! Десантники Беларуси отметили свой профессиональный праздник»
- ↑ Олег Белоконев: 103-я мобильная бригада - лидер специальных боевых действий
- ↑ TUT.by. Витебская 103-я мобильная бригада снова стала воздушно-десантной Архівавана 5 снежня 2016.
- ↑ Об изменении названия 103-й бригады
- ↑ В Казахстан направлена миротворческая рота из состава 103-й бригады сил специальных операций
Спасылкі[правіць | правіць зыходнік]
- Партал 21.by — «Олег Белоконев: 103-я мобильная бригада — лидер специальных боевых действий». (руск.)
- «Віцьбічы» — «"Крылатая пехота" — впереди! Десантники Беларуси отметили свой профессиональный праздник» (руск.)
