200 беларускіх рублёў
| 200 беларускіх рублёў | |
|---|---|
| Краіна | |
| Намінал | 200 Br |
| Шырыня | 155 міліметр |
| Вышыня | 72 міліметр |
| Аверс | |
 |
|
| Рэверс | |
 |
|
200 рублёў (дзвесце рублёў) — намінал банкноты афіцыйнай грашовай адзінкі Рэспублікі Беларусь, законны плацежны сродак, уведзены з 1992. Дызайн купюры апошні раз быў абноўлены ў 2009 і прысвечаны Магілёўскай вобласці. Купюра была надрукавана брытанскай фірмай «De La Rue»[1].
Гісторыя
[правіць | правіць зыходнік]8 снежня 1992 у абарачэнне была ўведзена першая беларуская купюра наміналам 200 рублёў. На ейным пярэднім баку размяшчалася выява Прывакзальнай плошчы ў Мінску, на адваротным баку — герб «Пагоня». 1 студзеня 2001 года гэта банкнота была выведзена з абарачэння[2].
Беларускія банкноты гэтага часу атрымалі народную назву «зайчыкі» за выявы жывёл на іх (на пярэднім баку купюры ў 1 рубель быў намаляваны заяц). Ідэя такога дызайну нарадзілася па матывах галандскіх гульдэнаў, а выявы жывёл былі ўзятыя мастаком Канстанцінам Хацяноўскім з энцыклапедыі «Звяры і птушкі нашай краіны» (1957)[3][4]. Аднак банкнота наміналам 200 рублёў выбіваецца з гэтага шэрагу.
Гэтыя плацежныя сродкі паступова замянілі сабой карткі спажыўца. Абменны курс савецкага рубля да «зайчыка» быў 1 да 10. Гэта значыць, што за 200 беларускіх рублёў трэба было аддаць 2000 савецкіх.
|
| |
200 рублёў узору 1992. Пярэдні бок.
|
200 рублёў узору 1992. Адваротны бок.
|
Сучасны выгляд
[правіць | правіць зыходнік]У 2016 у Беларусі адбылася дэнамінацыя, і з 1 ліпеня была ўведзена купюра наміналам 200 рублёў новага ўзору. Банкноты былі надрукаваны ў 2009, але тады не былі ўведзены ў абарачэнне ў сувязі з эканамічным крызісам і захоўваліся ў Нацыянальным банку[5].
Памер банкноты — 155 x 72 мм. На пярэднім баку размешчана выява Магілёўскага абласнога мастацкага музея імя Пятра Масленікава. На адваротным баку — калаж, прысвечаны тэме рамёстваў і горадабудаўніцтва: залаты ключ і пячатка Магілёва, кафля, фрагменты кованай рашоткі[6]. Купюра была надрукавана брытанскай фірмай «De La Rue»[1].
|
|
| |
200 рублёў узору 2009. Пярэдні бок.
|
200 рублёў узору 2009. Адваротны бок.
|
Гл. таксама
[правіць | правіць зыходнік]Крыніцы
[правіць | правіць зыходнік]- ↑ а б Новые белорусские деньги сделаны в Евросоюзе. naviny.by (10 лістапада 2015). Праверана 15 чэрвеня 2025.
- ↑ Выведзеныя з абарачэння банкноты Нацыянальнага банка Рэспублiкi Беларусь. 200 рублёў. Нацыянальны банк Беларусі.
- ↑ Полина Конога. Сага о рубле (руск.). 25.by. Издательский дом «Беларусь сегодня».
- ↑ Ілля Лапацін. Помніце першыя беларускія грошы «зайчыкі»? Аказваецца, аўтар перамаляваў іх з энцыклапедыі пра жывёл. Тут яшчэ шмат цікавых фактаў пра беларускія рублі . CityDog (24 жніўня 2023).
- ↑ Описание денежных знаков образца 2009 года и их основные признаки подлинности. Дата обращения: 25 августа 2019. Архивировано 6 сентября 2020 года.
- ↑ Банкноты Нацыянальнага банка ўзору 2009 года, якія знаходзяцца ў абарачэнні. 200 рублёў . Нацыянальны банк Беларусі.