Ёзеф Ізраэлс

Ёзеф Ізраэлс
нідэрл.: Jozef Israëls
Дата нараджэння	27 студзеня 1824(1824-01-27)[…]
Месца нараджэння	Гронінген, Аб’яднанае каралеўства Нідэрландаў
Дата смерці	12 жніўня 1911(1911-08-12)[…] (87 гадоў)
Месца смерці	Гаага, Паўднёвая Галандыя, Нідэрланды, Каралеўства Нідэрландаў
Грамадзянства	Каралеўства Нідэрландаў
Род дзейнасці	мастак, літограф, мастак-гравёр, рысавальнік
Жанр	партрэт і пейзаж
Вучоба	Academie Minerva[d]
Мастацкі кірунак	Гаагская школа жывапісу
Уплыў	Jan Adam Kruseman[d] і Франсуа Эдуар Піко[d]
Уплыў на	Isaac Israëls[d]
Член у	Arti et Amicitiae[d] Гаагская школа жывапісу Каралеўская акадэмія мастацтваў
Медыяфайлы на Вікісховішчы

Ёзеф Ізраэлс або Ісраэлс (нідэрл.: Jozef Israëls; 27 студзеня 1824, Гронінген — 12 жніўня 1911, Гаага) — галандскі жанравы жывапісец, кіраўнік рэалістычнай Гаагскай школы жывапісу.

Біяграфія

Родам з яўрэйскай сям’і, быў выхаваны ў строгіх рэлігійных традыцыях і рыхтаваўся стаць равінам. З ранняга дзяцінства ён выяўляў вялікую мастацкую і музычную здольнасць. Працуючы ў бацькі ў мяняльнай краме, Ёсеф Ізраэлс у вольны час капіяваў гравюры і пісаў фарбамі пад кіраўніцтвам Ван-Бюіса і Ван-Віхерана. Яго першыя спробы ў жывапісе, «Яўрэй» і «Прадавец гліняных люлек», звярнулі на сябе ўвагу нейкага Віта, які пераканаў бацьку Ізраэлса адправіць сына вучыцца жывапісу ў Амстэрдам.

Вучыўся ў Я. А. Круземана ў Амстэрдаме, затым у Ф.-Э. Піко ў Парыжы; першапачаткова прысвяціў сябе гістарычнаму жывапісу, але пасля перайшоў да бытавога жывапісу, адлюстроўваючы пераважна сямейнае жыццё галандцаў і побыт іх маракоў.

Найбольш цікавыя яго працы: «Маці, якая здаравее», «Бедныя вёскі», «Хворая», «Адзін на свеце».

Сын Ёсефа, Ісак — таксама стаў жанравым жывапісцам.