Алан Аляксандр Мілн

Алан Мілн
Alan Alexander Milne
Асабістыя звесткі
Імя пры нараджэнні	англ.: Alan Alexander Milne
Дата нараджэння	18 студзеня 1882(1882-01-18)[…]
Месца нараджэння	Лондан, Англія, Злучанае каралеўства Вялікабрытаніі і Ірландыі або Henley House[d], Таўэр-Хэмлетс[d], графства Вялікі Лондан, Вялікі Лондан, Англія, Злучанае каралеўства Вялікабрытаніі і Ірландыі
Дата смерці	31 студзеня 1956(1956-01-31)[…] (74 гады)
Месца смерці	Хартфілд[d], Уэлдэн[d], Усходні Сусекс[d], Усходні Сусекс[d], Вялікабрытанія
Грамадзянства	Вялікабрытанія
Бацька	John Vine Milne[d]
Маці	Sarah Maria Heginbotham[d]
Жонка	Daphne Milne[d]
Дзеці	Крыстафер Робін Мілн[d]
Альма-матар	Кембрыджскі ўніверсітэт Трыніці-каледж школа Вестмінстэр[d]
Прафесійная дзейнасць
Род дзейнасці	пісьменнік, паэт, раманіст, дзіцячы пісьменнік, сцэнарыст, афіцэр, празаік, драматург, эсэіст, аўтар
Жанр	дзіцячая літаратура, апавяданне, казка і раман
Мова твораў	англійская
Подпіс
Творы ў Вікікрыніцах
Медыяфайлы на Вікісховішчы
Цытаты ў Вікіцытатніку

Алан Аляксандр Мілн (англ.: Alan Alexander Milne) (18 студзеня 1882, Лондан, Вялікабрытанія — 31 студзеня 1956, Хартфілд, Сусэкс, Вялікабрытанія) — англійскі пісьменнік, аўтар аповесцяў пра плюшавага мядзведзіка — Віня-Пыха.

Біяграфічныя звесткі

Скончыў прыватную школу, затым Кембрыджскі ўніверсітэт (1903). Удзельнік Першай сусветнай вайны.

Шмат гадоў быў супрацоўнікам англійскага гумарыстычнага часопіса «Панч». Аўтар камедый, у т.л. «Містэр Пім праходзіць міма» (1919), дэтэкгыўнага рамана «Тайна чырвонага дома» (1922).

Вядомасць прынеслі зборнікі вершаў і кнігі для дзяцей «Віня-Пых» (1926) і «Пыхаў закуток» (1928) пра лялечных звяркоў Віня-Пыха, Парсючка, Кенгу і Ру. Складаць гісторыі пра Віня-Пыха Алан Аляксандр Мілн пачаў для свайго сына Крыстафера Робіна (бел. Крыштусь Родзька; 1920—1996), які стаў адной з галоўных дзейных асобаў у гэтай надзвычай папулярнай кнізе, і якога гэтая папулярнасць пераследавала да самае смерці, за што ён проста ненавідзеў бацьку.

Да выхаду ў свет кніг пра Віня-Пыха А. А. Мілн ужо быў даволі вядомым драматургам, аднак поспех Віня-Пыха набыў такія маштабы, што іншыя творы Мілна цяпер практычна невядомыя. Усяго ж з-пад яго пяра выйшла каля дзевяноста кніг і п’ес. Ён таксама аўтар кнігі ўспамінаў «Зараз ужо вельмі позна» (1939) і інш.

У кастрычніку 1952 года А. А. Мілн перажыў інсульт, перанёс аперацыю на мозгу і застаўся інвалідам да канца жыцця.

Беларускія пераклады

• Віня-Пых / Пераклад В. Воранава. — Познань, 2007. — 128 с.

Літаратура

• Мілн // Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — 544 с. — 10 000 экз. — ISBN 985-11-0035-8. — ISBN 985-11-0169-9 (т. 10).

Спасылкі

• prajdzisvet.org