Супрацьлеглы лік

Супрацьле́глы (проціле́глы) лік $n'$ да пэўнага ліку $n$ — гэта лік, які пры складанні з $n$ дае нуль:

$n+n'=0.$

Гэтую роўнасць можна перапісаць наступным чынам:

$n+n'-n=0-n$

або

$n'=-n$

Такім чынам, процілеглыя лікі маюць аднолькавыя абсалютныя велічыні (модулі), але процілеглыя знакі. У адпаведнасці з гэтым лік, процілеглы да $n$, абазначаюць $-n$.

Калі лік дадатны, то процілеглы да яго лік будзе адмоўным, і наадварот.

Нуль процілеглы сам да сябе (нуль са знакам мінус — гэта той самы нуль).