Сяргей Уладзіміравіч Жумар

Сяргей Уладзіміравіч Жумар
Дата нараджэння	10 лістапада 1958(1958-11-10)
Месца нараджэння	Мінск, БССР, СССР
Дата смерці	19 мая 2021(2021-05-19) (62 гады)
Род дзейнасці	архівіст
Месца працы	БелНДІДАС
Навуковая ступень	кандыдат гістарычных навук (1996)
Альма-матар	гістарычны факультэт БДУ (1983)
Узнагароды	Ганаровы архівіст Беларусі[d] (2005)

Сяргей Уладзіміравіч Жумар (10 лістапада 1958, Мінск —19 мая 2021) — беларускі гісторык-архівіст, кандыдат гістарычных навук.

Біяграфічныя звесткі

Нарадзіўся ў Мінску ў 1958 годзе ў сям'і настаўніка. Працаваў архівістам, у прыватнасці, у Беларускім навукова-даследчым інстытуце дакументазнаўства і архіўнай справы, быў намеснікам дырэктара.

Навуковая дзейнасць

Яго кандыдацкая прысвечана акупацыйнаму друку ў Беларусі, пасля выйшла асобнай кнігай («Акупацыйны друк на Беларусі ў гады Вялікай Айчыннай вайны», 2000).

Аўтар некалькіх прац па дакументазнаўстве і справаводстве, суаўтар даведніка «Дакументы па гісторыі Беларусі ў „асаблівай тэчцы Сталіна“», адзін са складальнікаў дакументальных збораў «Архіўная справа на Беларусі (1921—1995)», «Трасцянец», «Judenfrej! Свабодна ад яўрэяў!», «Гісторыя Мінскага гета ў дакументах», «Ваеннапалонныя. 1941—1953» (2002), «Масюкоўшчына. Шталаг 352» ды інш.

Доўгі час хварэў на цукровы дыябет. Памёр ад кавіднай інфекцыі.

Спасылкі

• Біяграфія на сайце БелНДІДАС Архівавана 26 мая 2021.