Angiosperm Phylogeny Website
| Angiosperm Phylogeny Website (APWeb, APW) | |
|---|---|
| URL | mobot.org/MOBOT/Research… |
| Тып сайта | Сеткавая база даных |
| Аўтар | Пітэр Стывенс |
Angiosperm Phylogeny Website (APWeb, APW, магчымы пераклад — «Сайт філагеніі пакрытанасенных») — інфармацыйны праект (сайт у сетцы Інтэрнэт), які забяспечвае доступ да інфармацыі аб філагеніі і таксанаміі кветкавых раслін.
Angiosperm Phylogeny Website размешчаны на сайце Батанічнага саду Місуры і падтрымліваецца збольшага Пітэрам Стывенсам — удзельнікам «Групы філагеніі пакрытанасенных» (Angiosperm Phylogeny Group, APG). Матэрыялы APWeb у значнай ступені грунтуюцца на працах групы APG, у тым ліку на сістэмах класіфікацыі, якія распрацоўваюцца гэтай групай (апошняя з якіх — Сістэма APG III, апублікаваная ў лістападзе 2009 года). Часам сістэма класіфікацыі, якая прыводзіцца на сайце, разглядаецца як самастойная.
Для кожнага парадку і сямейства дадзены іх кароткія філагенетычныя і батанічныя характарыстыкі, указана колькасць родаў і відаў, якія ўваходзяць у іх склад; для сямействаў прыведзены спісы родаў. Карты арэалаў указаны для кожнага сямейства, а таксама для буйных падсямействаў.
Апроч інфармацыі пра кветкавыя расліны на сайце прыведзена кароткая інфармацыя і пра іншыя вышэйшыя расліны.
Спасылкі
[правіць | правіць зыходнік]
На Вікісховішчы ёсць медыяфайлы па тэме Angiosperm Phylogeny Website- Angiosperm Phylogeny Website на сайце Батанічнага саду Місуры (англ.) (Праверана 22 лютага 2010)
- Angiosperm Phylogeny Website: інфармацыя пра сайт на партале The Gateway to 21st Century Skills (англ.) (Праверана 24 лютага 2010)
