BMW E90

З пляцоўкі Вікіпедыя
(Пасля перасылкі з BMW E91)
Jump to navigation Jump to search
BMW E90/91/92/93
Агульныя даныя
Тып(ы) кузавы: 4‑дзв. седан (5‑месн.) (Е90)
5‑дзв. універсал (5‑месн.) (Е91)
2‑дзв. купэ (4‑месн.) (Е92)
2‑дзв. кабрыялет (4‑месн.) (Е93)
Характарыстыкі
Масава-габарытныя
Даўжыня: седан: 4520 мм
універсал: 4520 мм
купэ/кабрыялет/M3: 4580 мм
Шырыня: седан/універсал: 1817 мм/1817 мм
купэ/кабрыялет: 1785/1785 мм
M3: 1780 мм
Вышыня: седан: 1420 мм
універсал: 1410 мм
купэ/кабрыялет: 1370 мм
M3: 1360 мм
Колавая база: 2760 мм
На рынку
Папярэднік
Infobox-jv-flechesg.png
Папярэднік
Пераемнік
Infobox-jv-flechesd.png
Пераемнік
Звязаныя: BMW M3, BMW X3
Падобныя мадэлі: Audi A4, Mercedes-Benz C-клас, Lexus IS
Сегмент: D-сегмент
Іншае
Аб'ём бака: 63 л
Дызайнер: Ёджы Нагашыма(англ.) бел. (седан)[1]
Марк Мішэль Маркефка (Coupé, кабрыялет)[2]
Крыстафер Нордман (універсал)

BMW E90 — аўтамабільная платформа, на якой пабудавана пятае пакаленне 3-й серыі BMW.

Гісторыя[правіць | правіць зыходнік]

Афіцыйна, серыйная вытворчасць Е90 пачалася ў 2005 годзе, змяніўшы папярэднюю мадэль E46. Універсал (E91), купэ (E92) і кабрыялет (E93) былі прадстаўлены ў канцы 2006 года. У 2007 стартавалі продажы BMW M3 з кузавамі седан і купэ, а ў студзені 2008 з’явіўся M3 кабрыялет.

Па параўнанні з папярэднікам (E46), E90 павялічыўся ў памерах — вырас у даўжыню на 8 см да 4,55 метра і ў шырыню на 3 см. Колавая база павялічылася на 3,5 см. Прыкметна змяніўся і дызайн BMW 3 серыі.

Рухавікі:

  • бензінавыя: чатырохцыліндравыя аб'ёмам 2,0 л (115, 129 і 150 к.с.) і радныя шасціцыліндравыя аб'ёмам 2,5 л (218 к.с.) і 3,0 л (258 к.с.);
  • турбадызелі: 2,0 л (163 к.с.) і 3,0 л (231 к.с.).

З усімі рухавікамі абсталёўваліся 6-ступеньчатыя механічная або аўтаматычная каробкі перадач. Меў прывад як на заднія колы так і поўны прывад xDrive.

Для седана BMW E90 былі даступныя эксклюзіўныя пакеты Lifestyle, Sport, Exclusive Edition і M Sport Package.

Пасля мадэрнізацыі ў канцы 2008 года змяніліся люстэркі, бамперы, крышка багажніка, заднія ліхтары сталі L-падобнай формы. Усе рухавікі былі абсталяваныя непасрэдным упырскам паліва, а іх магутнасць была павялічана.

Мадэльны шэраг[правіць | правіць зыходнік]

Седан (Sedan)[правіць | правіць зыходнік]

  • Е90 (2005 — 2009)
  • Е90LCI (2009 — 2011)

Універсал (Touring)[правіць | правіць зыходнік]

  • Е91 (2005 — 2009)
  • Е91LCI (2009 — 2012)

Універсал мае ўзмоцненую ў параўнанні з седанам заднюю падвеску. Аб'ём багажніка пры складзеных задніх сядзеннях складае 1385 л.

Купэ (Coupe)[правіць | правіць зыходнік]

  • Е92 (2006 — 2010)
  • Е92LCI (2010 — 2013)

Кабрыялет (Cabrio)[правіць | правіць зыходнік]

  • Е93 (2007 — 2010)
  • Е93LCI (2010 — 2013)

Бяспека[правіць | правіць зыходнік]

Аўтамабіль прайшоў тэст Euro NCAP у 2005 годзе[3]:

  • бяспека пасажыра — 35 балаў
  • бяспека дзіцяці — 39 балаў
  • бяспека пешахода — 4 балы

Вытворчасць[правіць | правіць зыходнік]

Усяго за перыяд з сакавіка 2005 па снежань 2009 года было выраблена 2 147 247 аўтамабіляў. У тым ліку 1 341 739 седанаў, 412 723 універсалы, 245 777 купэ і 146 308 кабрыялетаў.

У спорце[правіць | правіць зыходнік]

M3 GT2[правіць | правіць зыходнік]

BMW M3 GT2. 24-гадзіны Ле-мана, 2011 год

M3 GT2 — мадыфікацыя гоначнага аўтамабіля для ўдзелу ў гонках серыі Ле-Ман.

M3 DTM[правіць | правіць зыходнік]

BMW M3 DTM. Жэнеўскі аўтасалон, 2013 год

У 2012 годзе BMW вярнулася да ўдзелу ў серыі DTM(ням.) бел.[4]. Традыцыйна аўтамабілі DTM не маюць агульнага з серыйнымі аўтамабілямі, будуюцца на аснове прасторавага каркаса і толькі сілуэтам нагадваюць серыйныя аўтамабілі — знешні выгляд пабудаванага прататыпа быў прыведзены да падабенства з купэ M3 (E92).

Тэхнічныя характарыстыкі BMW M3 DTM[5]
Даўжыня, мм 4775 (без уліку задняга крыла)
Шырыня, мм 1950
Вышыня, мм ~1200 (у залежнасці ад налад)
Кузаў вуглепластыкавы манакок на аснове сталёвага прасторавага каркаса
Рухавік атмасферны, 8-цыліндравы, V-падобны
Аб'ём, см³ 4000
Магутнасць, к.с. ~480
Каробка перадач 6-ступеністая, секвентальная
Макс. хуткасць, км/г ~300

Аўтамабілі BMW M3 DTM (E92) удзельнічалі ў сезонах 2012 і 2013 гадоў. У 2012 годзе Бруна Спэнглер(англ.) бел. выйграў чэпіёнскі тытул, а BMW атрымала перамогу ў заліку вытворцаў. У гонар перамогі, абмежаванай серыяй была выраблена спецыяльная дарожная версія купэ M3 — BMW M3 DTM Champion Edition. Зроблена 54 адзінкі[6][7].

У 2014 годзе замененыя на BMW M4 DTM.

Зноскі

  1. From the drawing board to the road. BMW Group. Праверана 8 кастрычніка 2012.
  2. The new BMW 3 Series Coupé: design sketch (06/2006). Праверана 11 сакавіка 2013.
  3. Вынікі Euro NCAP тэста (2005)(англ.) 
  4. BMW представила машину для серии DTM // motor.ru (руск.) 
  5. So fährt BMW 2012 in der DTM // AutoBild (ням.) 
  6. BMW M celebrates DTM triumph with BMW M3 DTM Champion Edition model // press.bmwgroup.com (англ.) 
  7. Das Sondermodell zum DTM-Sieg // AutoBild (ням.) 

Літаратура[правіць | правіць зыходнік]

Спасылкі[правіць | правіць зыходнік]