BMW F01

BMW 7-й серыі (F01, F02, F03, F04)

BMW 7-й серыі (F01, F02, F03, F04) на Вікісховішчы

Агульныя даныя

Вытворца:

Bayerische Motoren Werke AG

Выпуск:

2008—2015

Зборка:

ФРГ Індыя Мексіка Расія Тайланд Егіпет

Дызайн

Тып(ы) кузавы:

4‑дзв. седан (4‑месн.)

Трансмісія

6-хутк. АКПП
8-хутк. АКПП (760Li і ActiveHybrid7, усе іншыя мадэлі з 2013-)

Характарыстыкі

Масава-габарытныя

Даўжыня:

F01 — 5072 мм F02 — 5212 мм

Шырыня:

1902 мм

Вышыня:

1479 мм

Колавая база:

F01 — 3070 мм F02 — 3210 мм

Каляіна пярэдняя:

1611 мм

Каляіна задняя:

1650 мм

Маса:

1935–2055 кг

На рынку

Папярэднік Папярэднік BMW E65/E66

Пераемнік Пераемнік BMW G11

Звязаныя:

BMW ActiveHybrid 7

Сегмент:

F-сегмент

Іншае

Грузападымальнасць:

650 кг

Аб'ём бака:

80 л (730d, 730Ld) 82 л

Дызайнер:

Карым Хабіб Надэр Фагіхзадэх (інтэр'ер) Крыстафер Вэйл (2011, рэйстайлінг)

BMW F01/02 — завадскі індэкс кузава пятага пакалення 7-й серыі BMW, якая выпускалася з 2008 па 2015 год. Прэзентацыя аўтамабіля адбылася на Парыжскім аўтасалоне ў кастрычніку 2008 года.

Канструкцыя

BMW F01/02 выпускалася ў задне- і поўнапрывадным варыянтах, з шэрагам бензінавых і дызельным рухавікоў. Існуе версія Long з павялічанай колавай базай, а таксама ў 2010 годзе на базе сучаснай BMW 7 series пачаўся выпуск гібрыднага прадстаўніцкага седана BMW ActiveHybrid 7. Каробка пераключэння перадач толькі аўтаматычная, 6- ці 8-ступеньчатая. Апошняя ставілася толькі на версіі 760Li і ActiveHybrid 7. Таксама існуе дробнасерыйная мадыфікацыя High Security, аснашчаная браніраванымі кузаўнымі панэлямі і куленепрабівальным шклом. Гэты аўтамабіль адпавядае класу абароны VR7 і выконвае некаторыя патрабаванні класа VR9. У абмежаваных колькасцях выпускаўся біпаліўны варыянт (бензін/вадкі вадарод) BMW Hydrogen 7.

У BMW F01/02 некаторыя дэталі хадавой часткі выраблены з алюмінію, гэта дазволіла дамагчыся большай дакладнасці рулявога кіравання. У сёмай серыі для ўсіх мадэляў машын сталі выкарыстоўваць стоп-сігналы двухступеньчатага дзеяння. Усе мадэлі ў базавай камплектацыі аснашчаны новымі ксенонавымі фарамі з амывальнікамі. У якасці дадатковага абсталявання на машыны гэтай серыі могуць быць устаноўлены адаптыўныя паваротныя фары.

Асаблівасці дызайну

BMW F01 2009

Да асаблівасцяў знешнасці серыі F01/02, што адрозніваюць яе ад папярэдніх пакаленняў BMW 7, можна аднесці наступныя элементы: у пярэдняй частцы з’явіўся арыгінальны выступ на капоце, на панэлі крышкі багажніка ўстаноўлена храмаваная планка. У параўнанні з больш раннімі мадэлямі ў гэтай серыі таксама змяніліся пярэднія і заднія фары і фартухі. Іншы цікавы момант — белае шкло паказальнікаў павароту.

Версіі і мадыфікацыі

• F01 — базавая мадыфікацыя.

• F02 — мадыфікацыя з павялічанай на 140 мм колавай базай.
• F03 (High Security) — абароненая версія аўтамабіля. Аснашчана шклом з узроўнем абароны ад куль VR7 і кузаўнымі панэлямі з узроўнем абароны VR9. Выраблялася з 2009 года.
• F04 (ActiveHybrid7) — гібрыдная версія на базе F02. Аснашчалася бензінавым рухавіком аб’ёмам 4,4 л і электраматорам. Выраблялася з 2010 года.
• Alpina B7 — з рухавіком аб’ёмам 4,4 л, аснашчаным дзвюма турбінамі. Збіралася ў горадзе Бухлоэ ўручную. Выраблялася з 2010 года.
• У 2011 годзе да вяселля прынца Манака Альбера II была выпушчаная спецыяльная серыя з 200 аўтамабіляў, афарбаваных выключна ў чорны колер.

Спасылкі

• Афіцыйны сайт BMW
• Агляд мадэлі на аўтамабільным каталогу aw.by
• Віртуальны тур па інтэр’еру BMW 7 series F02 Архівавана 6 чэрвеня 2015.