Big Tech
Big Tech (з англ. — «вялікія тэхналагічныя кампаніі, тэхналагічныя гіганты») — зборная назва для шэрагу вялікіх тэхналагічных кампаній, якія з’яўляюцца найбуйнейшымі і найбольш уплывовымі ў свеце. Тэрмін звычайна адносіцца да шасці найбуйнейшых тэхналагічных кампаній у Злучаных Штатах: Alphabet (Google), Amazon, Apple, Meta (Facebook), Microsoft і Nvidia, якія таксама з’яўляюцца найбуйнейшымі кампаніямі ў свеце па рынкавай капіталізацыі.[1] [2] Часам да гэтай групы адносяць таксама кампаніі Tesla, Oracle і Netflix.
У «Big Tech» таксама часам уключаюць буйныя кітайскія тэхналагічныя кампаніі, такія як Baidu, Alibaba, Tencent і Xiaomi, якія часам называюць акронімам BATX.
Гісторыя
[правіць | правіць зыходнік]Кампаніі IBM, Microsoft і Apple дамінавалі ў сусветнай індустрыі інфармацыйных тэхналогій у канцы 20-га стагоддзя. Крызіс дот-комаў прывёў да банкруцтва вялікай колькасці тэхналагічных кампаній. Ацалелыя стартапы значна пашырылі свой уплыў і пачалі дамінаваць на рынку. Тэрмін «Big Tech» пачаў выкарыстоўвацца прыкладна ў 2013 годзе пры абмеркаванні адсутнасці рэгулявання такіх кампаній.
Выкарыстанне тэрміна «Big Tech» падобна да таго, як нафтавыя кампаніі называліся «вялікімі нафтавымі кампаніямі» (англ.: Big Oil) пасля энергетычнага крызісу 1970-х гадоў, а найбуйнейшыя вытворцы цыгарэт — «вялікімі тытунёвымі» (англ.: Big Tobacco), у той час як Кангрэс ЗША спрабаваў рэгуляваць гэтыя галіны.[3]
Некаторыя іншыя амерыканскія кампаніі часам звязваюць з Big Tech з-за іх рынкавай капіталізацыі, пашыранасці выкарыстання або культурнага ўплыву. Сярод іх Adobe, AMD, Broadcom, Cisco, IBM, Intel, Micron, Netflix, OpenAI, Oracle, Salesforce, Tesla і Uber.[4][5]
Акронімы і іншыя назвы
[правіць | правіць зыходнік]Такія акронімы, як FANG, FAANG, GAFAM, GAMMA і г.д., раней выкарыстоўваліся для абазначэння Big Tech кампаній.[6][7][8]
У пачатку 2010-х гадоў Alphabet, Amazon, Apple і Meta называлі «Вялікай чацвёркай» (англ.: Big Four), «Бандай чатырох» (англ.: Gang of Four) і «Чатырма вершнікамі» (англ.: Four Horsemen).[9][10][11] Гэтыя кампаніі аб’ядноўвалі на аснове іх здольнасці ствараць сацыяльныя змены. Праз тое, што гэтыя кампаніі абслугоўваюць мільярды карыстальнікаў, яны могуць уплываць на паводзіны карыстальнікаў і кантраляваць вялікія аб’ёмы персанальных даных.[12]
Крыніцы
[правіць | правіць зыходнік]- ↑ The Economics of Big Tech. Financial Times (29 сакавіка 2018). Праверана June 6, 2019.
- ↑ We're Stuck With the Tech Giants. But They're Stuck With Each Other.. New York Times (13 лістапада 2019). Праверана April 22, 2020.
- ↑ Oremus. Big Tobacco. Big Pharma. Big Tech?. Slate (17 лістапада 2017). Праверана November 22, 2021.
- ↑ Alexandra S. Levine. Is Twitter angling to become Big Tech?. Politico (26 лютага 2021). Праверана August 8, 2021.
- ↑ From Facebook to Twitter, Big Tech sees social commerce driving sales growth. Reuters (29 ліпеня 2021). Праверана August 8, 2021.
- ↑ What are the Four Big Tech Companies in the US?. WorldAtlas (24 кастрычніка 2019). Праверана January 27, 2020.
- ↑ NYSE FANG+ Index (англ.). www.theice.com. Праверана 18 студзеня 2026.
- ↑ FAANG: Beyond the Core: Exploring FAANG: Stocks and Their Impact (англ.). FasterCapital. Праверана 18 студзеня 2026.
- ↑ Swisher, Kara (July 1, 2020). Opinion | Here Come the 4 Horsemen of the Techopolypse. The New York Times. ISSN 0362-4331. Праверана August 28, 2020.
- ↑ Galloway, Scott (2017). The Four: The Hidden DNA of Amazon, Apple, Facebook, and Google. Random House Large Print. ISBN 978-0-525-50122-0.
- ↑ Schonfeld. Eric Schmidt's Gang Of Four: Google, Apple, Amazon, And Facebook. TechCrunch (31 мая 2011). Архівавана з першакрыніцы May 30, 2019. Праверана May 25, 2019.
- ↑ Hendrickson. Big tech threats: Making sense of the backlash against online platforms. Brookings Institution (28 мая 2019). Праверана November 19, 2021.
