Calliptamus italicus

Calliptamus italicus
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Трахейнадыхальныя Надклас:  Шасціногія Клас:  Насякомыя Падклас:  Крылатыя насякомыя Інфраклас:  Навакрылыя насякомыя Атрад:  Прамакрылыя Падатрад:  Караткавусыя Інфраатрад:  Acrididea Надсямейства:  Саранчовыя Сямейства:  Сапраўдныя саранчовыя Род:  Calliptamus Від:  Calliptamus italicus
Міжнародная навуковая назва
Calliptamus italicus
Сістэматыка на Віківідах Выявы на Вікісховішчы NCBI   334752 EOL   859234

Calliptamus italicus — від насякомых сямейства Acrididae, распаўсюджаны на поўдні Еўропы ад Партугаліі да Паўднёвага Урала, у Казахстане і шэрагу рэгіёнаў Цэнтральнай Азіі. У часы масавага размнажэння можа наносіць шкоду сельскагаспадарчым культурам.

Апісанне

Цела імага буравата-шэрае, часам цямней або святлей, даўжынёй 1,8-3,4 см. Пярэднягрудзі паміж пярэднімі нагамі маюць характэрны выступ. На пярэдняспінцы ёсць бакавыя грабяні, яе афарбоўка аднатонная. Заднія крылы ружовыя ля аснавання. Заднія сцёгны кароткія і шырокія, з унутранага боку чырвоныя або фіялетавыя. Галёнкі задніх ног чырвонага колеру.

Спосаб жыцця

Жыве ў адкрытых біятопах з вялікай часткай аголенага грунту, на сухіх лугах, пустках, абочынах дарог. На поўначы арэала займае пераважна штучныя ландшафты: кучы пяску і жвіру, закінутыя кар’еры, чыгуначныя насыпы. Выбірае месцы са шчыльнымі кусцікамі і ўчасткамі голай зямлі.

Распаўсюджанне

Насяляе Паўднёвую Еўропу і астравы Міжземнамор’я, у Цэнтральнай Еўропе сустракаецца радзей. Краіны арэалу: Партугалія, Іспанія, Францыя, паўднёвая Германія, Швейцарыя, Аўстрыя, Славенія, Чэхія, Славакія, паўднёвая Польшча, Харватыя, Сербія, Чарнагорыя, Албанія, Грэцыя, Паўночная Македонія, Балгарыя, Румынія, еўрапейская частка Турцыі, Малдавія, Украіна, Беларусь, сярэдняя паласа і поўдзень еўрапейскай часткі Расіі. Таксама вядомы з Казахстана, раёну Аральскага мора (дэльта Амудар’і). На поўдзень мяжуе арэал блізкага віду Calliptamus barbarus. На ўсходзе дасягае стэпаў Манголіі, а на поўдні сустракаецца ў паўночных і цэнтральных рэгіёнах Ірана і Афганістана.

Значэнне для чалавека

Ахова

Унесены ў нацыянальныя чырвоныя спісы Польшчы і Германіі як від пад пагрозай. У Германіі від абараняецца законам і ахоўваецца ў шэрагу запаведных тэрыторый. У Швейцарыі і Аўстрыі ўнесены ў спісы як «ўразлівы», а ў Чэхіі — як «пад пагрозай». У Бельгіі лічыцца лакальна вымерлым.

Літаратура

• Шевченко Т. А. Прус італійський(недаступная спасылка)[недоступне посилання з липня 2019].
• Hochkirch, A., Fontana, P., Rutschmann, F., Presa, J.J., Szovenyi, G., Chobanov, D.P., Kleukers, R., Willemse, L.P.M. & Kristin, A. 2016. Calliptamus italicus. The IUCN Red List of Threatened Species 2016: e.T15038693A72598188. Downloaded on 06 August 2018.
• Сергеев М. Г., Чильдебаев М. К., Ванькова И. А., Гаппаров Ф. А., Камбули нВ. Е., Коканова Э., Лачининский А. В., Пшеницына Л. Б., Темрешев И. И., Черняховский М. Е., Соболев Н. Н., Молодцов В. В. Итальянская саранча Сalliptamus italicus (Linnaeus, 1758): морфология, распространение, экология, управление популяциями Архівавана 9 красавіка 2022. / Под ред. М. Г. Сергеева и М. К. Чильдебаева. Рим: Продовольственная и cельскохозяйственная организация ООН, 2016. 330 с., 80 илл., 20 табл.