Can’t Buy Me Love
| Can’t Buy Me Love | ||||
|---|---|---|---|---|
| Сінгл The Beatles з альбома A Hard Day's Night |
||||
| Бок «А» | Can’t Buy Me Love | |||
| Бок «Б» | You Can’t Do That | |||
| Выпушчаны |
16 сакавіка 1964 (ЗША) 20 сакавіка 1964 (Вялікабрытанія) |
|||
| Мова | англійская | |||
| Фармат | 7” | |||
| Запісаны | 29 студзеня 1964, «Pathé Marconi Studios» | |||
| Жанр | рок-н-рол | |||
| Кампазітар | Ленан/Мак-Картні | |||
| Працягласць | 2:15 | |||
| Лэйбл |
Capitol Records  ЗШАParlophone/EMI  Вялікабрытанія |
|||
| Прадзюсар | Джордж Марцін | |||
| Аўтар песні | Джон Ленан[1] і Пол Мак-Картні[1] | |||
| Прафесійныя рэцэнзіі | ||||
|
|
||||
| The Beatles, храналогія сінглаў | ||||
|
||||
«Can’t Buy Me Love» (з англ. — «Каханне не купіш») — песня англійскага рок-гурта «The Beatles», напісаная Полам Мак-Картні[2]. Упершыню выпушчана ў 1964 годзе ў фармаце сінгла, пазней у тым жа годзе ўключана ў музычны фільм з удзелам музыкантаў — «Вечар цяжкага дня». У фільме яна выступае ў ролі своеасаблівай музычнай застаўкі да некалькіх эпізодаў — калі мы бачым хлопцаў, якія бягуць па полі пасля імклівых уцёкаў з тэлестудыі і неверагодных гонак з фанатамі і паліцыяй, калі хлопцам удаецца сысці ад пераследу і схавацца ў завулку. Песня была змешчана на 289-е месца ў спісе 500 найвялікшых песень усіх часоў паводле часопіса Rolling Stone.
Інтэрпрэтацыя
[правіць | правіць зыходнік]У інтэрв'ю 1966 года амерыканскім журналістам, якія прасілі Мак-Картні распавесці пра «сапраўднае» значэнне песні, музыкант сказаў[3]:
Асабіста я лічу, што любую рэч можна растлумачыць як заўгодна, але калі я чую меркаванне, што ў песні «Can’t Buy Me Love» гаворыцца аб прастытутцы, я не вытрымліваю. Гэта ўжо занадта.
Паводле музыканта, ідэя дадзенай кампазіцыі заключалася ў перакананні слухачоў у тым, што матэрыяльны дабрабыт — гэта сапраўды каштоўна, аднак і яно не можа купіць тое, што для чалавека сапраўды важна[4]. Аднак у пазнейшых інтэрв'ю музыкант нечакана заявіў: «Песня павінна была называцца „Can Buy Me Love“ (бел. Каханне можна купіць), калі я разважаў аб прывілеях, якія прынеслі мне вядомасць і грошы»[5].
Адзін з радкоў песні «Грошы мяне не вельмі цікавяць, за грошы каханне не купіш» супярэчыць ранейшаму запісу гурта — «Money (That’s What I Want)» (бел. Грошы (Гэта ўсё, што я хачу)).
Пра песню
[правіць | правіць зыходнік]Кампазіцыя створана Полам Мак-Картні пры ўдзеле Джона Ленана і першапачаткова была запісана на студыі «Pathe Marconi» у Парыжы 29 студзеня 1964 года, дзе The Beatles 18 дзён давалі свае канцэрты ў тэатры "Алімпія". Аднак канчатковая версія была дапрацавана ўжо ў лонданскай студыі гуказапісу Abbey Road толькі 25 лютага і выпушчана 20 сакавіка сінглам пад назвай «Can’t Buy Me Love»/«You Can’t Do That»[6]. Песня «Can’t Buy Me Love» тры тыдні (з 2 па 22 красавіка) займала першыя месцы ў брытанскім хіт-парадзе і пяць тыдняў (з 4 красавіка па 8 мая) у чартах ЗША. У гэты час філіял студыі EMI у Заходняй Германіі, Odeon, настаялі на тым, што The Beatles не змогуць прадаваць свае запісы ў значнай колькасці на тэрыторыі Германіі, калі песні на гэтых запісах не будуць выкананы на нямецкай мове[7], і The Beatles былі вымушаны пагадзіцца на паўторную сесію гуказапісу. Музыканты перазапісалі песні «She Loves You» (бел. Яна кахае цябе) і «I Want to Hold Your Hand» (бел. Я хачу трымаць цябе за руку). На нямецкай мове песні сталі называцца «Sie Liebt Dich» і «Komm, Gib Mir Deine Hand». Па патрабаванні EMI песня «Sie Liebt Dich» (She Loves You) павінна была быць перазапісана[8]. EMI накіравалі ў лонданскую студыю музыкантаў перакладчыка, які павінен быў прысутнічаць падчас сесіі гуказапісу музыкантаў. Завершаная сесія ў межах вылучанага студыяй часу дала гурту магчымасць зрабіць запісы бэк-трэка да нядаўна напісанай песні «Can’t Buy Me Love»[8][9]. Заключны вакал Мак-Картні быў звышдубляваны ў лонданскай студыі «Эбі-Роўд» 25 лютага[10].
Падчас перазапісу песні было зменена сольнае выкананне на гітары Джорджа Харысана, аднак яго можна пачуць на заднім плане запісу. Сам музыкант распавядаў[11]:
Памятаю, мы запісалі не толькі дзве песні на нямецкай, але і песню «Can’t Buy Me Love» («За грошы каханне не купіш»). Мы адвезлі стужкі з сабой у Англію, каб яшчэ папрацаваць над імі. Аднойчы я чытаў артыкул, у якім хтосьці спрабаваў раскрытыкаваць «Can’t Buy Me Love», разважаючы пра мой гітарны дабл-трэк, які нібыта атрымаўся няўдала, паколькі адну з дарожак чуваць грамчэй. А насамрэч адбылося вось што: першы запіс мы зрабілі ў Парыжы, а паўторны — у Англіі. Відавочна, у студыі затым паспрабавалі зрабіць дабл-трэкінг, але ў тыя дні існавалі толькі дзве дарожкі, таму грамчэй гучыць версія, запісаная ў Лондане, а скрозь яе як бы чуецца другая, цішэйшая.
Хелен Шапіра, сябар гурта, распавядала, што барабаншчык Рынга Стар дадаў у запісе дадатковыя талеркі і што «відавочна, гэта быў адзін з тых момантаў, якія барабаншчык гурта рабіў вельмі часта ў запісах The Beatles»[12]. «Can’t Buy Me Love» таксама з'яўляецца адзіным англамоўным запісам The Beatles, зробленым не ў брытанскай студыі, а за мяжой. Аднак інструментальная частка «Б»-боку іншага сінгла The Beatles — «The Inner Light» — была запісана ў Індыі падчас музычнай сесіі з індыйскімі музыкантамі.
Склад
[правіць | правіць зыходнік]- Джон Ленан — акустычная рытм-гітара
- Пол Мак-Картні — вакал (дабл-трэк), бас-гітара
- Джордж Харысан — гітара
- Рынга Стар — барабаны
Музычныя чарты
[правіць | правіць зыходнік]Чатыры песні The Beatles разам з сінглам «Can’t Buy Me Love» падымаліся на першую пазіцыю ў амерыканскім хіт-парадзе Billboard Hot 100:
- Пакуль Billboard не пачалі выкарыстоўваць SoundScan для сваіх музычных чартаў, песні гурта дабіліся самых нечаканых і лепшых вынікаў, перамяшчаючыся з пазіцыі #27 на пазіцыю #1. Ніякі іншы сінгл не меў падобнага поспеху.
- «Can’t Buy Me Love» дасягнуў пазіцыі #1 (4 красавіка 1964), увайшоўшы ў «пяцёрку» 100 гарачых хітоў The Beatles. Пазней у гэтым хіт-парадзе з'явяцца песні Twist and Shout, She Loves You, I Want to Hold Your Hand і Please Please Me. Ніякі іншы артыст не трымаў лепшыя пяць песень адначасова.
- На другім тыдні знаходжання ў хіт-парадзе ЗША сінгл дасягнуў пазіцыі #1 (11 красавіка 1964). Усяго ў The Beatles было чатырнаццаць песень, якія ўвайшлі ў «гарачую сотню» хітоў.
Can’t Buy Me Love стаў чацвёртым сінглам The Beatles у Вялікабрытаніі, які дасягнуў пазіцыі #1 і трэцім сінглам музыкантаў, які прадаў больш за мільён копій на тэрыторыі краіны.
Альбомы, у якія ўвайшла песня
[правіць | правіць зыходнік]- A Hard Day's Night (версіі амерыканскай студыі United Artists і версія брытанскай студыі Parlophone Records)
- Big Hits From England And The U.S.A (альбом-кампіляцыя з запісамі музыкантаў, выпушчанымі пад лэйблам Capitol Records у 1964 годзе)
- The Beatles’ Million Sellers — міні-альбом, які выйшаў у канцы 1965 года
- A Collection Of Beatles Oldies (міні-альбом, выпучшаны толькі для слухачоў Вялікабрытаніі)
- Hey Jude (альбом-кампіляцыя 1970 года, таксама вядомы як The Beatles Again)
- The Beatles 1962—1966 (двайны дыск 1973 года)
- Reel Music (зборнік песень, у які ўвайшлі песні з кінафільмаў з удзелам The Beatles)
- 20 Greatest Hits (альбом-кампіляцыя 1982 года)
- 1 (альбом-кампіляцыя, выпушчаны ў лістападзе 2000 года)
Кавер-версіі
[правіць | правіць зыходнік]- Эла Фіцджэральд (1964)
- Джордж Марцін (1964)
- The Supremes (1964)
- Генры Манчыні (1965)
- Пітэр Селерс (1965)
- Чэт Аткінс (1966)
- Багз Бані і Дафі Дак (Жо Аласкі) (1995)
- Пол Мак-Картні (2003)
- Аляксандр Пушной
Цікавыя факты
[правіць | правіць зыходнік]- Савецкія слухачы, якія не мелі доступу да кружэлак, нярэдка не маглі разабраць слоў песні на слых. Так, інтэлектуалам у першым радку часта чулася «Get Babilon» (падобнае да фразы «Прэч з Вавілона!»), а жартаўнікам — «Кінь бабе лом»[3]. Усё аказалася значна прасцей, хаця і за мяжой гэты няхітры тэкст спрабавалі растлумачыць у меру сваёй разбэшчанасці[3]. У магнітаальбоме гурта «ДК» 1986 года гучыць песня, назва якой была скалькавана як «Бабий лён».
- У СССР гэтая песня выкарыстоўвалася ў мультфільме кінастудыі «Союзмультфильм» «Скамейка»: яна гучала па радыё ў чалавека на лаўцы.
- Песня «Can’t Buy Me Love» стала 6-м па ліку сінглам «The Beatles». На адваротным баку сінгла выйшла кампазіцыя «You Can't Do That». Гэта таксама быў першы сінгл «The Beatles», што ўтрымліваў вакал толькі аднаго выканаўцы.
- На момант выхаду «Can’t Buy Me Love» «The Beatles» ужо былі фенаменальна папулярныя ва ўсім свеце. Сінгл з песняй імгненна дасягнуў вяршынь усіх хіт-парадаў. У ЗША сінгл выйшаў крыху раней, чым у Вялікабрытаніі, адразу ж стаўшы залатым: у першы ж тыдзень колькасць прададзеных копій дасягнула двух мільёнаў.
Крыніцы
[правіць | правіць зыходнік]- ↑ а б ISWC Network Праверана 27 кастрычніка 2019.
- ↑ Макдоналд, Иан. Революция в голове. — Лондон: Pimlico, 1998. — С. 93. — ISBN 0-7126-6697-4.
- ↑ а б в Сергей Курий. Хиты группы BEATLES — II: «Can’t Buy Me Love», «Help!» Архіўная копія ад 13 верасня 2009 на Wayback Machine.
- ↑ Бэдмэн, К. The Beatles не для друку. — 2000. — С. 97.
- ↑ Майлз, Б. Пол Мак-Картні: Шмат гадоў таму. — 1992. — С. 162.
- ↑ «Немагчыма купіць сабе каханне» Архіўная копія ад 28 мая 2014 на Wayback Machine на сайце blog.i.ua (руск.).
- ↑ The Beatles. Анталогія The Beatles. — 2000. — С. 112.
- ↑ а б Льюісан, М. Поўны спіс сесій The Beatles. — 1988. — С. 38.
- ↑ The Beatles. Анталогія The Beatles. — Лондан: Cassell& Co, 2000. — С. 112. — ISBN 0-304-35605-0.
- ↑ Майлз, Б. Пол Мак-Картні: Шмат гадоў таму. — Лондан: Vintage, 1998. — С. 162. — ISBN 0-7493-8658-4.
- ↑ Акорды — «Let It Beat» — пра гурт «Бітлз» Архіўная копія ад 6 чэрвеня 2015 на Wayback Machine на сайте letitbeat.narod.ru (руск.).
- ↑ Саўтхол, Брайн. Эбі-Роўд. Гісторыя найвядомейшай у свеце студыі гуказапісу (руск.). — Лондан: Патрык Стывенс, 1982. — С. 96. — ISBN 0-85059-810-9.
Літаратура
[правіць | правіць зыходнік]- Бронсан, Ф. The Billboard Book of Number One Hits. Нью-Ёрк: Кнігі Білборда, 2003. ISBN 0-8230-7677-6
- Цёрнэр, С. A Hard Day’s Write: The Stories Behind Every Beatles' Song, Харпер, Нью-Ёрк: 1994, ISBN 0-06-095065-X
Спасылкі
[правіць | правіць зыходнік]- Аналіз Алана В. Полака (Песня «Can’t Buy Me Love») Архіўная копія ад 15 верасня 2009 на Wayback Machine (англ.)
- Біблія The Beatles: Can’t Buy Me Love Архіўная копія ад 15 ліпеня 2009 на Wayback Machine (англ.)
- Акорды песні «Can’t Buy Me Love» Архіўная копія ад 22 красавіка 2009 на Wayback Machine
- Хіты гурта Beatles — «Can’t Buy Me Love» Архіўная копія ад 13 верасня 2009 на Wayback Machine (руск.)
- The Beatles — Can’t Buy Me Love (Live) Архіўная копія ад 11 студзеня 2018 на Wayback Machine на сервере YouTube